حبوب كاليسيوم صغار

[مهاااي]

السلام عليكم

بنات ابي حبوب كاليسوم حجم صغير ما اعرف ابلع الحبه الكبيره

وكل يوم معاناة :eh_s(16):

انا حامل بالخامس

ساااااعدووووني بنوع صغير

 

[روح مووود]

يمكن مافى ياقلبى
والله انا مثل معناتك

 

[سكوتي بذوقي]

معروف حبوب الكالسيوم حجمها كبير دايم
اكسريها نصين وابلعيها عادي
الله يهون عليكِ ويقومك بالسلامه

 

[@ام يوسف@]

ااااااااب

 

[أميره بلا قصور]

نفس المعاناه انا اكسرها

 

[اوراق التوت]

نفس المعاناة انا اكسرها نصين ومع ذلك احسها كبيرة بس شنو نعمل لازم نبلعها

 

[غارقة بأحزانها]

ماعرف حبوب صغار
بس اتذكر مرة الدكتور
عطاني فوار
يعني حبه كبيرة واحطها بقلاص ماي لما تذوب
وطعمه يصير نفس السفن اب

 

[english muffin]

وييع نفسي ما كنت اخذهم
وعطوني جيلي مال يهال :|

 

[مهاااي]

معااااااانااااة اكسرها وتوقف ببلعومي

 

[RoDriGueziYa]

نفس المعاناه

بس الحمدالله دكتورتي عطتني فواااااار ينشرب واااااااايد اهون .. سالي عنه بالصيدليه

 

[مهاااي]

الفوار تلوع جبدي باسي قوووي

 

[zain-alq8]

مره شفت بصيدليه رويال حياه كاكاو كالسيوم تاخذين قطعتين من الكاكاو باليوم حتي تقولي الصيدليه وايد ياخذونه حوامل

 

[اهازيج الفرح]

انتي نفس مشكلتي و طلبت من الدكتورة توصف لي نوعية مضغ ( مص )
واعطتني وحده بنكهة النعناع ارتحت عليها الحمدلله ومعها فيتامين د
اسمها calcigen D3
سعرها 60 ريال تكفيك شهرين

 

[قمرية الفيس]

انا تخيلي مااحب الحبوب بكبرها وماكنت اخذ وحذوروني خاصة انه فيني نقص حديد. عطتني الدكتورة كاكاو من الصيدلية حلو شكله قلت الله حسافة بس حبة وحدة يمااااا لما اكلت هالحبة صار حلجي مر وطعم خايس فغصب نفسي على الحبوب الحمد لله

 

[أم شواقه]

انا مااحبها وما في منها صغاار

كنت اغص فيهم ؛(

 

[مهاااي]

مشكووورين عالردووود حبايبي