حبوب كلوميد ودفاستون وألم شسالفه

[شهد العسل ومر]

بنات الشهر هذا أخذت كلوميد 3 يوم من الدوره حبتين كل يوم
وتابعت تبويضي للأسف كان ضعيف بيوم 16 كانت في أكثر من بويضه
حجمهم 10 . 9 , 12
كانت ناويه تعطيني هالشهر ابره تفجيريه بس الأحجام ما تساعد
عطتني حبوب حمض الفوليك ودفاستون أخذته بيوم 14 من الدوره
واليوم لي 21من الدوره وأحس بألم بجهة اليمين كانه الم دوره


مادري إذا في احد عنده فكره يرد علي تكفون ????

 

[شهد العسل ومر]

شدعوه بنات مشاهدات 50 ولا احد فيكم رد

 

[مسك أبيض]

ماعندي فكرة الله يرزقك ويرزق كل المتأخرات يارب

 

[يستفزني غلاك]

حياتي عسى ربي يرزقج بالذريه الصالحه
اتوقع الالم من الكلوميد و هالمنشطات عادي طبيعي هالالم لاتحاتين

 

[يستفزني غلاك]

حياتي عسى ربي يرزقج بالذريه الصالحه
اتوقع الالم من الكلوميد و هالمنشطات عادي طبيعي هالالم لاتحاتين

 

[نبض السعاده]

الله يرزقج

بس هذا اثر الكلووميد


او راجعي الدكتوره احسن

 

[ba6re8a]

عادي حبيبتي لان عندج بويضات اطلعو وكبرو حجمها اصلا مع الابره التفجيريه بتحسين بثقل وعوار اكثر

 

[# غنوجة بيبي #]

الألم معاناته معاج كيس عالمبيض

روحي بخامس يوم دوره و سوي سونار داخلي بتتأكدين من كلامي

 

[# غنوجة بيبي #]

اختي تبين نصيحتي؟؟


انا مابي منج شي غير الدعوه


قبل لا تلعبين بنفسج عند الدكاتره روحي حق وحده رداده اسمها ام فيصل


والله اني ماخليت شي حتى ابر كلوميد كنت اغز و مااحمل


رحتلها حملت مرتين وره بعض

الاول اجهضته و الحين الثاني

محد نفعني من بعد الله غيرها


صدقيني لان ودي اساعدج

الابر تجيب تكيس و صعب تعالجينها


و انتي بكيفج

حبيت بس اقط النصيحه من القلب لانج نفس حالتي بالضبط

 

[# غنوجة بيبي #]

اي نسيت اقولج

الحمل الاول حملت عندها عقب شهر

و الحمل الثاني حملت بعد شهرين من العلاج



ادعيلي بثبات الحمل يا اختي

 

[شهد العسل ومر]

رحت لها ومرخت عندها قبل لا اعالج عند المستشفى واخذت منها علاجات ماحملت عليها قالت لي رحمج مرتفع ومرختني 3 شهور وعقب قالت روحي رجع رحمج لمكانه الطبيعي مشكلتي بس بويضات صغيره ماتكبر وتوصل للحجم المطلوب مشكورين خواتي

 

[ملح الكون]

الله يرزقج الذريه الصالحه

 

[om_ibrahim]

الله يكون بالعون

 

[Om_il3ubed]

الدافستون هذا مثبت.. اذا ماصار حمل ينزل الدوره بعد ٣ ايام من اخر حبه..
الالم الي تحسين فيه الم الدوره العادي

خل تنزل وردي اخذي كلوميد و توصفلج معاه ابر يوم وترك من سابع يوم و راح يكبرون ان شاءالله...
عموما اهما الدكاتره يمشون خطوه بخطوه ودام شافت ان الكلوميد بروحه مافاد راح تعطيج ابر منشطه عقب الكلوميد و ان شاءالله راح يكون نتيجه ممتازه.... الله يرزقج و يوفقج يارب

 

[روان_الكويت]

انا بعد جذي لما اخذت الكلوميد مبايضي تعورني
الله يرزقنا الحمل يارب

 

[دلوعه ززوجي]

حبيبتي. أهي أم فيصل تعطيك. عسل وأعشاب حق تقويه المبيض وبعدين انتي لا تأكلين أي شئ لازم جربين اول شئ العلاج أكثر روحي حق أم عايد تردده. بس سوي ترديد. أوكي وأكلي أعشاب وعسل أم فيصل واناناس وبردقوش وان شالله ما تحتاجين حق الحبوب

 

[برنسيسة2007]

بوبه الالم طبيعي جداً بغض النظر عن النتايج
المهم بقولج اذا اخذتي كلوميد والتبويض ضعيف مو شرط احتمال يكبرون انا صارلي نفسج
وبعد فتره رحت لدكتور اجنبي ممتااااااااز جدا جدا قالي غلط اصلا مستغرب يقول لازم الدكتور يتابع التبويض حتى لو ضعيف فيه حالات تكبر وتطول تاخذ وقت بعد

 

[هيبة ملك]

واتا بعد صار فيني. جذيه

الله يعوضنا ويرزقنا. الذريه الصالحه