حبوب dostinex

[Peony]

السلام عليكم حبيباتي
انا متزوجة من سنة وشوي وماحصل حمل
سويت تحليل هرمونات شعر نوفمبر وطلع هرمون الحليب مرتفع
طنشت الموضوع وقلت اشرب بردقوش ينزل الهرمون
شهرين ومانزل !!!
اليوم رحت طبيب الجلدية قلت بما اني بالمستشفى عيل مره وحده خن اروح حق امراض نساء وولادة
رحت دخلت على الدكتور وقلتله وعطيته ورقت تحليلي مالت شهر 11
عطاني حبوب dostinex
تخيلو حبة كاملة مرتين بالاسبوع !!!!!!
عاد اليوم بلعت حبتي الاولى احس بصداع !!!! فضيع !!!!
هل الي سواه الدكتور عادي مو جنه المقدار كبير شوي
الجرعة يعني
مو المفروض مايعتمد على تحاليل قديمة مو المفروض يعيد التحاليل قبل لا يعالج ؟؟
والصداع شي طبيعي مع هالحبوب ولا لأ ؟؟؟
واستمر عليهم ولا طاااف بعد ؟!؟!؟!
بليز بنات لا تطنشوني !!

 

[q8ya حتى النخاع]

صح حبيبتي اهو المفروض يتاكد من نسبة ارتفاع الهرمون بالظبط ليش مسالتيه هل ترى لازم تسوين تحليل يديد ولا لا
بس عموما اهوا دوستينكس من اعراضه صداع الراس و عوار البطن و كثرة النوم >> هذي الاعراض من تجربتي
اهم شي لا تحاتين وتشغلين بالج
نشالله افدتج و يارب لا تحرم احد من الذرية الصالحة​

 

[نونه الزعفرانه]

الله يرزقج الذريه الصالحه

 

[أشرق الأمل]

[FONT="Fixedsys"]شوفي عزيزتي التحليل اللي سويتية مو من مدة طويلة لأن لوسويتي مرة ثانية راح يتأخر فترة طويلة
انا اخذتها فترة طويلة بس الدكتورة قالتلي ان الحبوب طوروها وصارت ما تدوخ شوفي تاريخ الانتاج؟؟
وفعلا جربتها ما دوختني الجديدة..لأني مجربة القديمة تدوخ...الحبة كاملة لأن عندج النسبة مرتفعة وايد اظاهر!!:eh_s(10):
الله يكتبلج بالحمل ولا تقطعين البرقدوش ونصيحة ابتعدي عن منتجات الالبان عن تجربة!!!:yaaaaaarb::rerrerek:[/FONT]

 

[nadoo]

عادي يا قلبي انا كنت اخذ حبه كل اسبوع

 

[أميرة الأخلاق]

انا كان فينى هرمون حليب واسبوع اللي طاف حللت وحمدالله نازل حيل حيل وعطانى حبوب نص حبة اكله بس اسبوع والعلبة فيها بس حبتين
انا اقولج شلون نزل

استمري علي الحبوب ترا المرقوش يبطل مفعول الحبوب
وعليالريج اول ماتقعدين اشربي مرمية وقبل لا تنامين بعد


واقطعي كل شي فيه حليب واجبان

وربي يرزقج ويرزقننى معاج

بليزادعولي انى احمل

 

[Peony]

رد : رد: حبوب dostinex

ان شاء الله تحملون يااارب
انا ما استغني عن منتجات الالبان احبها وايد
كريمة حليب وجبن ولبن دايم دايم هههههه
انزين حياتي اخاف المرمية مو زينة بعد ؟؟؟؟
المضحك بالامر ان عندي فترة التبويض وماصار جماع هههههه
الله يرزقنا جميعاً يارب

 

[عبث طفله]

والله مادري انا استعملت نص حبه لمده اسبوعين بس يمكن مرتفع عندج ..

 

[أحبج يمه]

رد : حبوب dostinex

الله يرزقج بالذرية عاجل ويتمم عليج

 

[Peony]

رد : حبوب dostinex

حبوبات حبيت ابشركم
نزل عندي الهرمون وصار طبيعي ولله الحمد خلاص وقفت الحبوب
انا كملت العلبه ٨ حبات
مرتين بالاسبوع والحمد لله صار طبيعي الحين
مشكورين لتفاعلكم وماتقصرون

 

[قلبي خالد]

الله يرزقج يارب

 

[M!SS.LOBY]

الله يرزقج بالذرية الصالحة

 

[قلبي خالد]

انه بسأل عن الحبوب عطتني الدكتور من غير تحليل نص حبه لمده اربع ايام

 

[عسل حدي]

رب لا تذرني فردا وانت خير الوارثين