حبيباتى طلب عاجل زياره للكويت

[الريحان]

ارجوكم حبيباتى انا بزياره للكويت بكره كذا فرجه وتغيير جو لانى من السعوديه واول مره اجى الكويت
وودى اعرف منكم احلى الاماكن الى لازم اشوفها
وشكرا لكم

 

[tolay]

الكويت كل شي فيها بس مشكله جوها ...

اختي ماراح اقولج كل الأماكن بس بعطيج نبذه


اول شي روحي منطقة السالمية لانها حلووووه وتشرح النفس وكل شي فيها وماراح تضيعين

اذا حابه تروحين مجمع ....

عندج اكبر مجمع عندنا الأفنيوز اي شي بخاطرج فيه تلقينه بهالمجمع .. منطقة شويخ

عندج مجمع سوق شرق اول مجمع انفتح بالكويت فيه العاب ومطاعم وبحر وكل شي ..... منطقة شرق اخر السالمية

عندج مجمع المارينا مول هم نفس الشي كل شي مطاعم والعاب ومحلات وسينما ... منطقة السالمية

وايد مجمعات


اذا حابه سوالف الملاهي

المدينة الترفيهية اكبر ملاهي بالكويت العاب اطفال وكبار والحلو فيها تدفعين مبلغ بسيط وتلعبين اي لعبه مجانا الا جم لعبه ... منطقة الدوحه

عندج حديقة الشعب العاب كبار وصغار ومطاعم وكل شي .... منطقة الشعب

انصحج بالمركز العلمي فيه اكواريوم تشوفين انواع الاسماك وفي سينما اي ماكس غير عن السينمات وقعدته برا عجييييبه .... منطقة السالمية شارع الخليج


واذا تبين مطاعم

اكل كويتي وقعدته تراثيه ... فريج صويلح معروف بالسالمية

اكل لبناني ... برج الحمام وقعدته حلووووه .... بالسالمية عالبحر

وطبعا مطاعم امريكية فرايديز وابل بيز وهارد روك ...... كلها تلقينها بشارع البحر السالمية

وحياااااااااج بالكويت

 

[فيرووزه]

:68_asmilies-com: حياج الله بالكويت ومثل ماقالت الاخت tolyعن الاماكن والمجمعات وانا ازيدلج بعد عندج ابراج الكويت اكلهم بعد وايد حلو وقعدتهم احلى وبالنسبه حق الفنادق عندج فندق المارينا وايد حلو بس شوى غالى وانا ارشحلج فندق هولداى ان قبال مركز العلمى باول شارع الخليج الصراحه شى مرتب وحلو وسعره مناسب وسلامتج واتمنى ماتكون زيارتج الاخيره وسلامتج

 

[Reem_q8]

حياج الله بالكويت وما قصرووو البنات

 

[الريحان]

شكرا لكم حبيباتى واشوف اكثركم ينصح بالافنيوز
بالشويخ صح او لا

 

[rwanoo]

اي حبيبتي بشويخ وانشالله تستانسين بديرتج الثانيه الكويت واذا بقيتي اي شي اي استفسار مايردج اله لسانج كلنا خواتج

 

[tolay]

لانه الأفنيوز مجمع يديد مستانسين عليه

وهم اكبر مجمع بالكويت

 

[فيرووزه]

ايه صح الافنيوز وااايد حلو قعدته حلو والمطاعم متنوعه وكلشى فيه