حبيباتي الوالدات .. ما هو الطلق ؟ اوصفي لي الطلق !! ما أعرفه

[:: Diva ::]

السلام عليكم و رحمة الله و بركاته

خواتي ولادتي الأولى كانت بالسابع بدون طلق ولدي فتح المشيمه و نشفت
و يبته بقيصريه و الالم جربته ما بين فتح الربط و بين فتح البطن
ما اذكره لاني اخذت بنج كامل !



الحين
انا بشهري و آخر موعد لي 14 اغسطس يعني بعد 11 يوم
و ما اعرف الطلق اذا ياني بما اني العد التنازلي ابتدا

شلون اعرف اني بديت طلق
و متى اروح الطبيب
و شنو اسوي علشان اولد او اسهل الولاده ؟​

 

[كستنائيـة ع ـسل]

اب اب انا حملي بجر ماعرف ان شالله البنات يفيدونج

 

[عيون مبارك]

الالم ما ينوصف
بس اذا نزل ماي و دم روحي
واذا كان الام متتابع كل خمس دقايق هم روحي
والله يهون ويسهل عليج

 

[المشاعر تحبك]

نفس الحالة أنا كلها يومين وبدش شهري بجريه وما عندي خبره لوووول

الله يهون علينا .. وأتمنى البنات يفيدونا

 

[Perfume]

والله حبيبتي انا اول ما بدا معاي حسيت اني بروح الحمام عزكم الله
وكل شوي يزيد وانا عبالي محتاجة الحمام بعدين صار متواصل حتى بدون فجة بينهم وكان مثل الم في البطن يمتد للظهر ولما رحت كان الرحم مفتوح 3 سم
بس اذا نزل عليج ماي او دم لازم تروحين حتى لو بدون عوار
وعلى فكرة هذا كان اول عوار يحوشني طوول فترة الحمل ما حسيت بطلوق او عوار

 

[بشوشه]

اذا تبين الولاده الصجيه


يكون الالم نفس الم الدوره لكن قوي جدااااااا
و الالم يكون مو خفيف لا يكون شي يضايقج في هذا الوقت لازم تروحين الطبيب

اذا نزل عليج دم او ماي لازم تروحين الطبيب يمكن يكون الرحم مفتوح و بدون طلق و يحتاج مراجعه للدكتور

 

[بشوشه]

انا عموما في ولاداتي السابقه ما يجيني طلق بالبيت
ينفتح الرحم و اروح مراجعتي و تقولي الدكتوره ان الرحم مفتوح حزتها اختار يا طلق صناعي و تبط الدكتوره الماي يا انطر ليما اييني طلق
طبعا انا ما انطر سيده اقولها ولديني هههه

 

[دلوعةعبودي]

بكريه ياقلبي

عسسسسسسى الله يسهلك عليك وعليما ياررب

 

[عالمي المجنون]

اييج الم ما تتحملينه

و ع حسب وحدة عن وحدة تفرق

ناس طلقها حار ما تقدر تقعد من الألم

و ناس طلقها بارد ما تحس فيه كلش

 

[كويتيه شماليه]

بداية الولاده يا اما ينزل عليج ماي او دم هذي ولاده على طول المستشفى او الطلق تحسين بضغط من تحت بدون الم يمر عليج كل جم ساعه على حسب وفعلاً مثل آلام الدوره بالبدايه
وبالتدريج يزيد الضغط ويمر عليج كل ساعه وبألم خفيف اهني تحسين انج محتاجه للمستشفى وولادتج تكون قريبه تفحصج الدكتوره من اربع سانتي اتدخلج الولاده واذا قربت الولاده الصجيه الطلق يمر عليج كل جم دقيقه والم صجي مادري شلون اوصفه لج باختصار ما اعتقد احد حس فيه الا بالولاده بس
وبطلعة الراس تحسين انج انتي انولدتي من جديد ياسبحان الله عقبها ترتاحين وترتخين وتنسين اللي صار لا اله الا الله ذكرتيني والله تدرين عاد احسن شعور هالشعور احلى راحه بالحياة

الله يقومج بالسلامه ويريحج ويسهل عليج الولاده سهالات ان شاءالله *

 

[STILL G L A M ~]

الله يرزقج الولاده الطبيعيه ياارب السهله ..

ماجربت الطلق كلششش كنت تعبانه وولدوني قيصري ةالله يكتبلي الطبيعي بحملي الثااني مستقبلاا

لول

 

[ملاك ^ الحب]

انا كان ييني عوار في بطني ورحت المستشفى وسوالي دخول مع ان كنت سانتي واحد بس لان نبض بنتي ضعيف عشان جذي دخلني

وحطلي طلق صناعي تحاميل كل ست ساعات تحميله لمن حطولي التحميله الثالثه كانت الصبح جان يقولي الدكتور خلاص عمليه وبنجوني وولدت قيصريه الحمد الله

بس الحين مادري الي الله كاتبه راح يصير

 

[فديتـ عمريـ]

الله يسهل عليييناا يا رب

 

[يتاج@]

انا بجريه نفسج واخر موعد لي بعد 11/8
الله يسهل علييييج وعلي يارب

 

[sosowaty]

و عليكم السلام و رحمة الله و بركاته

الله يهون عليج

والله مادري انا بجر

 

[((غلاي))]

الله يسهل عليج يارب

 

[دلال و غلا]

الم ما ينوصف بس كله بأجره
الله يسهل عليج

 

[-فلانة-]

حبيبتي الطلق بدايته خفيف مثل عوار الدورة..
يعني يكون في البطن و الظهر و الفخذ..
طبعا راح يزيد شوي شوي..
انا عن نفسي انبط علي الماي وانا في البيت بس ما حسيت بعوار إلا عقبها ب 4 أو 5 ساعات..
كان بادي معاي خفيف حيييييل أقل حتى من عوار الدورة..
وعقبها لما حمى صرت لما يحوشني ما أقدر أتنفس من العوار..أحس إني مشلولة مو قادرة أتحرك من الألم..شوي و يفج و يرجع بعد دقايق..
عسى ربي يتمم عليج و يهون عليج طلقج و تقومين بالسلامة إنتي و البيبي..​

 

[فرزاشيهـ]

الله يهون علينا ياررب

بجريه بس البنات ماقصروا .،

 

[اطياب طيبه.أم عبدالله]

الله يقويج بالسلامه
بالنسبه لي وعن تجاربي الخاصه طلق الولد حامي وبالظهر وما تقدرين تقعدين ولا تنامين وان نمتي تقعدين من الطلقه
اما طلق البنت مثل عوار الدوره وعزج الله بطنج يمشي وتحسين كله انج تبين حمام وطلوقها بارد