حبيبتي ارجو المساعده عاجل جدا؟00000000000000

[بسبوسه حلوه]

السلام عليكم ورحمة الله وبركاته

رساله:000000000000000000

​

الى كل من لديها خبره بالموضوع

لدي ولد معاق يعني تأخر بالنمو ونسبة الذكاء 60% وابي ادخله بروضة المعرفه النموذجيه بس ماينطق الاكلمات بسيطه واحس استيعابه بطيئ وللحين يلبس البامبرز وخايفه ابي استشاره هل راح يستفيد عندهم؟؟؟

وحبيت اعرف شنو مميزات الي يمنحها المجلس للمعاق؟؟؟؟

وابي اسال انا سمعت يوفرون لهم خدامه صج ولا حكي؟؟؟ وايضا يقدمون لهم الطلب الانسكاني خمس سنوات وراتب


وشاكرتلكم وارجو الافاده:ada:

 

[داون سندروم]

مساء الخير
لأسف بعض الرياض الأطفال ما يحبون ياخذون اللي للحين بامبرز
ثانيا بعد مايخلص الشتاء على طول دربيه الله يعينك صعب اول 3 اسابيع بس بعدين ترتاحين
المجلس يساعد اللي نسبة ذكاهم اعلى من 50 تقدرين تودينه اي حضانه او اي روضه او مدرسه
المهم فوق 50يعني يدفع رسومهم باي مكان
بالنسبه لباقى استفساراتك ما عندي فكرة
تحياتي لك

 

[نووووونا]

للاسف ماعندى فكره!!

بس حبيت اقول الله يجزاج الجنه على تعبج معاه ,,ومع تعليمه للافضل انتى وكل ايللى عنده ولد معاق

فهو خير وبركه مصدر للاجر ,,,,,

 

[@شمس الضحى@]

الله يشفيه ويخليه لج
ولا يحرمج الاجر
انتي روحي للمجلس الاعلى واسالي واستفسري

 

[الصابرة المحتسبة]

السلام عليكم : أخت بسبوسه أول سؤال عنده شهادة اثبات إعاقة .............ردي علي

 

[Emanova]

اول شيء تروحين مجلس و تطلبين شهاده اثبات اعاقه

2- راح يحولونج على الطب التطوري و يسوون لج تقرير + و يحولونج على الوراثه

3- عقبها تطلع شهاده اثبات الاعاقه

4- تقدمين على اللجنه التعليميه و خلي الدكتور اللي تراجعون عنده يكتب كل الخماجيل اللي بالولد

5- و تقدمين على المعاش اذا كان يستحق

6- و تقدمين على البامبرز

الاسكان ..ما سمعت ان 5 سنوات و لا شيء من هالنوع بس ذا انتي عندج بيت او تبنيين تقدريين تطلبين قرض 10 آلاف علشان انج تبيين تضبطين البيت علشان الولد

بطاقه الاعاقه تعطي خصومات في المركز العلمي ..بروي... الكويتيه...

دخول مجاني للمشروعات السياحيه

هذا اللي انا اعرفه اذا في شيء يديد ان شاء الله البنات يفيدونج

 

[نونا العتيبى]

بسبوسه ايمانوفا ما قصرت ,,
بعدين أول شي سألي المدرسه,,لان في مدارس ماتقبل بامبرز
وأنتي طلعتيله شهادة أعاقه؟
أذا لأ فالله يعينج وراج مشوار من المعاناة مع الروتين البايخ
وبعدين دوري مكان أنتي تودين ولدج مع خدامته عشان تداريه مثلي لمن تتأكدين أنه تأقلم مع المكان
حرام تخلينه بروحه
علي فكره آنا مدخله بنتي حضانه والحمدلله مرتاحه والمفروض السنه اليايه تروح الروضه
بس بأخليها بعد سنه لأنها عندها تأخر تطوري ونفس نسبة الذكاء فماني مستعجله عليها
واللي تآخذه بالحضانه قاعد يطورها ذهنيا,
وانتي اتعرفين حالة عيالنا موبسهوله نعلمهم يشيلون البامبرز يبيلهم وقت وصبر
والله يعينج

 

[الباسمه]

الله يجزاكم الجنه ومايحرمكم الاجر

 

[HearT ChocolaTe]

مميزات المجلس الأعلى آآه على المجلس الأعلى
الحمدالله يعطون معاش ويتمننون علينا فيه
ان جينا بنسوي كرسي يدفعونلج قيمته .. وهم بتمنن يعني مو كل شي تبينه في اشياء انتي تدفعينها
وللصم اعتقد في سماعات اذا ماني غلطانه
والبامبرز تفحطين ما يعطونج قبل ما يكون عمر الطفل 4 سنوات ما ادري ليش
والله يا بنات تكلفة البامبرز مو اقل من 20 بالشهر ذبحنا
وفي خصم على النظارات حق اللي يستخدمونها
وخصم بالكويتيه للطيران
وسلامتج حبوبه

 

[بسبوسه حلوه]

يعطيكم العافيه انا مطلعتله اثبات اعاقه وقدمت بالمجلس على انه يستكمل دراسته بخاصه وطلبو مني اوراق ولا حددو نسبة الذكاء بس قالو كملو اوراقكم

 

[بسبوسه حلوه]

بسبوسه ايمانوفا ما قصرت ,,
بعدين أول شي سألي المدرسه,,لان في مدارس ماتقبل بامبرز
وأنتي طلعتيله شهادة أعاقه؟
أذا لأ فالله يعينج وراج مشوار من المعاناة مع الروتين البايخ
وبعدين دوري مكان أنتي تودين ولدج مع خدامته عشان تداريه مثلي لمن تتأكدين أنه تأقلم مع المكان
حرام تخلينه بروحه
علي فكره آنا مدخله بنتي حضانه والحمدلله مرتاحه والمفروض السنه اليايه تروح الروضه
بس بأخليها بعد سنه لأنها عندها تأخر تطوري ونفس نسبة الذكاء فماني مستعجله عليها
واللي تآخذه بالحضانه قاعد يطورها ذهنيا,
وانتي اتعرفين حالة عيالنا موبسهوله نعلمهم يشيلون البامبرز يبيلهم وقت وصبر
والله يعينج

مشكوره حبيبتي وحبيت اعرف نسبة ذكائه واي حضانه مدخلتها

 

[الصابرة المحتسبة]

يعطيكم العافيه انا مطلعتله اثبات اعاقه وقدمت بالمجلس على انه يستكمل دراسته بخاصه وطلبو مني اوراق ولا حددو نسبة الذكاء بس قالو كملو اوراقكم

الأوراق اللي يبونها : تقرير الطب التطوري تاخذينه من مستشفى بنك الكويت الوطني الجديد اللي في م- الصباح وهو يحدد نسبة الذكاء , بعدين تروحين الطب الوراثي في م- الصباح ورا قسم الولادة علشان يعطونج تقرير ... وقبل هذا كله لازم تاخذين موعد منهم وتودين معاج اي شي عن الحالة .

 

[بسبوسه حلوه]

الأوراق اللي يبونها : تقرير الطب التطوري تاخذينه من مستشفى بنك الكويت الوطني الجديد اللي في م- الصباح وهو يحدد نسبة الذكاء , بعدين تروحين الطب الوراثي في م- الصباح ورا قسم الولادة علشان يعطونج تقرير ... وقبل هذا كله لازم تاخذين موعد منهم وتودين معاج اي شي عن الحالة .

يعطيك العافيه ماقصرتي

 

[بسبوسه حلوه]

يعطيكم العافيه ومشكورين

 

[memes]

حبيبتي اذا عنده شهادة اعاقة شنو نوع الاعاقة فيها وشنو شدتها؟ وجم عمره؟
الله يشافيه.

 

[memes]

بنسبة للخدامة مايعطونج خدامة بس في كتاب لمن يهمه الامر موجه للادارة العامة للهجرة والجوازات وتسجل باسم الاب بدل 4 خدم يوافقوله على الخامسه هذي الخدامه الي يتكلمون عنها بدل الغرامه انج بتسجلين 5 خدم بس
وبنسبة للخصومات بعض المستشفيات الخاصة تسوي خصم للمعاق
ومحل نظارات سعاد
وشركة زين تعطيج خط ايزي مجاني برصيد عشر دنانير مره وحده بالعمر
وفي خصم المشروعات السياحية
خصم الخطوط الجوية الكويتية
والاولوية بالدور للمعاق في المرافق الحكومية
لوحة للمرور لمواقف المعاقبن لمن يستحقون ههذه المواقف

 

[memes]

القرض السكني للترميم او بناء المصعد للمعاق هو 5 الاف وليس عشر الاف وهو للاعاقات المستحقه للقرض

 

[memes]

الحفاظات لمن عمرهم بين 4 سنوات و60 سنة
ولديهم اعاقة
1-حركية شديدة
2-ذهنية متوسطة
3-ذهنية شديدة
4-تاخر تطوري شامل
5-متلازمة داون

 

[memes]

الله يشافيهم

 

[الصابرة المحتسبة]

رفع