حبيبتي الحين كل المتزوجين جذي ... بأي عصر قاعده ! تعالوو شاركوني صدمتي !

[برنسس كاتي]

بدون مقدماات بدخل لكم بالسااالفة دوغرييي
قبل فتره وحده من رفيجاتي عرست ومن يوم زواجها ما شفتها وهي كله تتصل تبيني اييها شقتها وأزورها
عاد امس عزمت ورحت مريت شريت صحن شوكلت ورحت شفتها وقعدت وسلمت عليها وباركت لها بالعيد
عاد قالت بتاخذني جولة في شقتها المهم واحنا نلف الا ندخل عند الدوانييية !
الا شنوو اشووووف











































شفت من هاذي ثنتين !! :eh_s(12):
عاد قلت لهاا هاو ! ريلج يشيش في البيت شلون ترضين له ! لا وجايب 2 اكيد حق ربعه يشيشون شلون ترضين !
الا تقعد وتضحك بويهي وتقولي لاا عادي هذي لمن تزوجت جابهم ريلي وحده حقي وحده له
واناا انوااع الي شوي ومصدومة وطاقتني البووهه !!
شلون ريلج عادي يخليج يشيش !!؟؟:080402ask_prv:
تروح تقولي عادي هاو انتي خبرج عتيج كل الحرييم يشيشون ويا ريلهم عادي انتي بأي عصر قاعده
والحريم يسوون روحهم ويجذبون على الأوادم وهما اصل يشيشون مع رياييلهم وتشوفين هي تختار النكهه بعد !!
بالعكس كل الرياييل يبون حريمهم يشيشون ويستانسون معاهم :tongue22:


بعدين سلمت عليها وطلعت وانا مصدومة ولمن رجعت البيت ريلي بغيت اقوله
انت عادي عندك تشيش انا ويااك
بس كان يشرب جاي خفت يلوح الكوب برااسي لوول :eh_s(4):




فا ايش رااايكم ؟؟ :gr4uu:
هل تشيشون مع ريايلكم ؟؟
او تعرفون احد يشيش مع ريلها ؟؟
وصج كل احد جذي وانا بالعصر القديم ؟؟
واذا جاج ريلج وقالج يلا خل نشيش ايش بيصير موقفج ؟؟
​

 

[بتبوتااا]



من الشيشه انصدمتي ! الي يعيش ياما يشوف وانتي بعدج ماشفتي شي يابعدي /:

عيل ايش قولج اذا قلت لج اني اعرف ناس جذي ووايد بعد ؟ وفي الي ريلها يشتري لها بعد ومو بس شيشه الا زقاير بعد /:
الحمدلله انه ريلي بعيد عن الدخان بكبره 

 

[بتبوتااا]

ان شاء الله ما اقول بعد عشرين مره /:

 

[شادن33]

وييع وين راحت الانوثه وريحتها ويع خايسه ياربي اشلون ما تلوع جبدهم استغفر الله

 

[fulla.81]

كل الحريم يشيشون !!
وعلى اي أساس حكمت انهم يشيشون
كلن يرا الناس بعين طبعه
وين راح الحرام ؟
والأنوثه ؟
والحيا ؟

صج الي اختشوو ماتوو

 

[*المــــلكة*]

اي صح واايد شفت جذي ومو بالبيت لااااا بالقهااااوي يشيشووون مع رياييلهم​

 

[المـــــها]

الحمدلله الذي عافانا مما ابتلاهم به و فضلنا على كثير من خلقه تفضيلا

 

[كويتيه فرنسيه]

ههههههههه يما بنشوف في هالدنيا

بس ترا عادي انا وايد اشوف حريم يشيشوون بالقهاووي وعلى عينك ياظالم @@

فأكيد الي شيشت جدام هالعالم والكل يشوفها اكيد ماراح تستحي من بعلها

اهو عموما على طبيعة الناس في عالم فررري حتى بلبسهم وبتصرفاتهم وفي نااس محافظين

والله يهدي الجميع

 

[غالي الاثماان]

ههههههه والله ضحكتيني مو من صجهم قاعده اتخييل شكلها واهيا يمه

اصلا واايد ناس جذي أنا مره رحت عند رفيجتي وشفتها اتشيش أهيا وحريم إخوانها بعد

هههههه

 

[بيتي بوب بس كويتيه]

اهما كيفهم اذا بشيشون بس على اي اساس تعمم
اصلا ريلي يقول شكلها يلوع الجبد الي تدخن وتشرب شيشه

 

[بطوووطة$بيضة]

حبيبتي في عوايل بالديرة الشيشة والقدو عادي بس بينهم وبين بعضهم ...واهيا وريلها احرار اهيا ماقعدت جدام الناس اتشيش ...

 

[" ام حمود "]

انا شايفه وايد جذي بالقهاوي جدام الناس ياختي صارت موضه الحين
ماكوو حياا

 

[الريادة]

الطيور على أشكالها تقع
الحمدلله الذي عافانا

 

[مياسه الحساسه]

انا ريلي ماله في الدخان والشيشه الحمد لله
بس هاذي حريه شخصيه هم بكيفهم
بس تتعب صدورهم من هالشيشه الله يعينهم

 

[جنون أنثى]

كيفهم و هذي حرية شخصية دامهم في بيتهم و مو مضايقين غيرهم

 

[ضحاوي الديره]

ويييييييييع أرف والمحروس ريلها شلون يقرب لها عقب ماتشيش واي ماتخيل شلون ماتلوع جبده ريييييييييييييحه !!!!!

وع اي اساس حكمت ان كل الحريم يشيشون شنو مفتشه بيوت الناس بيت بيت !!!

أرررررررررف وقلة حيا هذا واهيا توها عرووووس الله يستر بعدين

 

[هند العسل]

حبيبتي في عوايل بالديرة الشيشة والقدو عادي بس بينهم وبين بعضهم ...واهيا وريلها احرار اهيا ماقعدت جدام الناس اتشيش ...

صح كلامها ​

 

[قره عيني صلاتي]

الله يهديهم ويعنهم علئ انفسهم شلون يتحملون ريحه الشيشه يييييييييييييييييمه كتمه اعوذ بالله فما بالكم وهما طاحين فيها تشفط الله يهديهم ان شالله يمكن تقبلنها من الرجل مع انه هالشيئ حرام لكن مراه ياولي قلبي عسئ ربي لايبلانا بس

 

[ديانا سبنسر]

اي هين ادي عنده اشيش

 

[KOKO_284I]

انا معاج لمه تنصدمين جذي

بس تدرين وايد مبادئ للاسف تغيرت

وحده من رفيجاتي تزوجت والله شاهد علي انها خليجيه يعني العادات وحده

فصخها حجابها وييبلها سجاير وشيشه وويوديها قهاوي مشبوهه ويقولها لين طلعنا ابي خط صدرج طالع وابي ربعي يشوفون انوثتج ... وعندها عيال منه ... ومن شفتها شذي وخرت لان انا ابدا هالجو ما يناسبني انا دقه اديمه ..

والحمدالله خليت ريلي يترك السجاير والشيشه من اول سنه زواج