حبيبي ابي بطاطه وخياره ..

[Patcholli]

قووه بنااات

اتوقع ان هاذي ظاهره سلبيه منتشره نعاني منها كلنا

واهي

لما ادق على ريلي اقوله حبيبي ماعليك امر مر الجمعيه وانت راد البيت ويبلي جم طماطه و خياره و جم ابصله لاتكثر بس جم حبه ..


ويرد الجمل بما حمل ومعاه مزارع طماط ومزارع طماط ومزارع افندي واشياء انتي ماطلبتيها ويايب كراتين وانتي تلطمين على راسج

حبيبي ليش يايبه هالكثر حرام يخترب

واهو يقولج لا مايخترب الباجي نوزعه << خبر ان شاء الله على ما انت تتلحلح وتوزعه الا اخو خايس ومخترب ومقطوط حشاكم بالزباله


بنات انا زوجي جذي طبعه وايد يبالغ وماعنده تقدير بهالسوالف

حرام يعني انا ادري اشكثر الكميه الي نحتاجلها وادري ان بعض الاشياء بسرعه تخترب مايمدينا ناكل ونستهلك كل هالكميه باسبوع مثلا او قبل ماتخترب وزوجي مايسمع الكلام من اول ماخذيته واهو جذي لوول

عاد جان زين اقوله حبيبي ماعليك امر مشتهيه خاتم الماس ويدشلي بيده كنز بس لا انا اتكلم عن ماجلة البيت هههههههههه


شرايكم بنات بهالظاهره واشوف كل الحريم يعانون منها شلون نحط حد حق هالاسراف ؟؟

​

 

[Patcholli]

زين نزل مبجر ماشالله ^_^

 

[دهورتني يازين]

اب اب اب اب

 

[Um Tuki]

سهله جداً

لا عاد اتطرشينه اييب لج اشياء جذي هههههههه ..

اتصلي عالهندي اييب لج و اذا مافي خضار قريب منكم نزلوا انتي الجمعية ييبي لج اللي تحتاجينه ..

لآن حرام

 

[om.googi]

الحمدلله ماعندي هالظاهرة ! انييب على قدنا .. لأن ندري انه راح ناكل نتفة والباجي تكرمين بالزبالة ..

فا قمنا ندق عالبقالة اللي يمنا فيها جبرة خضرة وفواكة وناخذ متى ما احتجنا ​

 

[مريم القلاف]

لووول أنا ريلي اذا قتله هم جذي اكود وخيس عاد ماقمت أقوله
انا اشتري لاني أعرف الكميه الي نحتاجها ولا أروح معاه​

 

[Roty]

احنا نييب على قدنا بالحبات ما نكثر
ريلي عكس ريلي اييب الطلبات مثل مااهم ما اييب شي ناقص

 

[شادن33]

باتشووو مت من الضحك عل العنوااان بعد مطبخ خخخخخخ

باتشووو عيل اناريلي اشتري بدله بمبلغ وقدره ومرات ماتناسبني واقوله بردها واخذ غيرها
يقولي لا تصرفي فيها عطيها هديه حق اي احد وانا محتره عل الفلووس الطايره <<<< الاخ كريم كله ولا انه يرد شي


وماجله البيت حدث ولا حرج

 

[شادن33]

باتشووو اذا ريلج من هالنوع الافضل انتي معاه كل اسبوع اتييبين الخضره معاه

يعني انتي طايحه في الجنط وريلج في ماجله البيت عزالله طارت الفلوووس خخخ

 

[غـــنـــوجـــه]

>>>>>>> دااشه طماااشه >>>> العنوان جذبني ...



الحل ^_^ لاتقولين له جيب وجيب هو نظام انا الزوج الكريم الي بجيب واجيب خخخخخخخ

دقي عالخضار والفواكه احسسن يوصلووون او قوليله بخاويك وانتي اختاري

 

[Gifts&Occaions]

روحي معاه احسن حل

 

[love-latee]

كلهم جذي الله يعين

 

[Abraaj]

انا اروح معاه

اول ايام ذبحني بالجمعيه ياخذ وبس يلف ويهه اردهم انا

بس الحين استوعب ان الاكل ينقط فما قام يكثر

 

[mannawy]

الفواكه (برتقال تفاح كيوي افوكادو توووت ......) سويها عصير او milk shake وغصبيه يشرب منها يوميا وقوليله للصحه والقوة اسألوا الطبييييب
الخضره فرزني نصها حق الطباخ (بقدونس كزبر شبنت .....) غسليهم عدل وحطيهم بمشخال لين ينشف مايهم وفرميهم وحطيهم بجيس نايلون اللي يتسكر من فوق وفرزنيهم
باجي الخضره (جزر زهر كوسا بروكلي ....) غسليهم وقطعيهم وفرزنيهم
عندج الطماط فرميه حق الدقوس او حق طبخات تحتاجين فيها طماط مبشور وقسميه كميات صغيره حسب احتياجج او استخدامج لكل طبخه
عندج الخيار اللي مشكله فانتي شتسوين؟! سوي رجيم وحافظي على رشاقتج وبليل اكلي خيار وروب وحطي شوي اوريغانو او سماق ونامي بمعده خفيفه
اما البصل والبطاط مالج حل كل يوم مقلوبة بطاط وطماط وبصل وبديان وعيش

 

[كويتية بروما]

والله هالشي بالكويت لانها ديره خير ونعمه وكل شي متوفر ورخييييييص
احنا من يينا ايطاليا نشتري مال يومين وبس وصج بالحبه لانه كل شي نااااااااااااااااااااااار
الشي اللي تشترونه بالصندوق بدينار وفيه 10 كيلوات هني قيمه نص كيلو ولا جم حبه

يالله لك الف شكر وحمد ع النعمه واحفظها من الزوال
يارب احفظ ديرتي الكويت

 

[حآلية الذوق ~]

هههههههه احنا مايدور عندنا الا الخرابييط والمكسراات

المشكله انا الي عودته علي الخرابيط اهوا ماكان يحبهم خخخخخخخخخ

 

[شلة بنات وبس]

الكرم افضل من البخيل وان زاد كسبي حسنات واجر وثواب انج تعطين جارتج ترى موعيب وحق الجار على الجار لسابع جار​

 

[sara 2009]

انتو لازم تروحون سوا السوق
لانج انتي ادرى ببيتج واللي يحتاجه اهو ما يعرف
وترى الريال اكره شي عنده الحرمه تقول عنه بخيل .. عسب جي يبالغ وخاصه بالاشياء الرخيصه (اللهم احفظ النعمه وعساها دوم )

 

[~*~الملكة~*~]

نفس الحال لان ماله خلق كل شوي يروح الجمعيه

 

[انثى عاشقة]

ههههههههههههههههههههه
ذكرتيني بأمي لما تتحلطم
ابوي فيه نفس هالطبع
يجيب اطنان من الفواكه والخضروات
تقول وين اوديهم !!!
خخخخخخخخخخخخخ
للامانة امي للحين مالقت حل اذا لقيتي انتي قولي لها

بالنسبة لزوجي مرات يسويها بس مو دايم
وطبعا اقول له حرام تجيب هالكمية وين اوديها
مثلا قبل امس شاري فلفل احمر كيس كبير
يممممممممممممممة لو احنا هنود ماخلصناها بشهر
قلت له شسوي بهذا
يقول افرميه وحطيه بالفريزر هههههههههه
يعني ريلي مو كريم يوزع ع الناس
يبني اكود بهالفريزر

@@​