حبيت نتناقش عن تمارينكم اليومية حياكم نفيد ونستفيد

[JaDeL]

مرحبا يابنات حبيت ابطل باب للمناقشة عن التمارين الرياضية وطبعا في نقطة حبيت اقولها لكل وحدة تسوي رجيم مرات ادش المنتدى واقرى مواضيع بنات كاتبين رجيم ويقولون هالرجيم ان ماله داعي تلعبون رياضة انا اقولكم هذا اكبر غلط اي وحدة تبي تسوي رجيم لازم رياضة لان مع الرجيم الجلد يترهل فلازم مع الرجيم تسوون رياضة عشان تضعفون وبنفس الوقت الجلد ينشد


اول سؤال هل تمارسون الرياضة ؟ وكم مرة يوميا ولا ايام محددة بالاسبوع ؟

وشنو التمارين اللي تمارسونها ؟ وهل تمارسونها بالبيت ولا بالنادي ؟


الكلللللللللللل يشارك يابنات ​

 

[JaDeL]

اول شي بتكلم عن نفسي

انا بما اني اداوم فكل يوم قاعدة امشي وتعرفون المسافات بالجامعة طويلة ودايما انزل الدرج واصعد


ثاني شي عندي بالبيت جهاز الغزال الطائر وروعة هالجهاز ويوميا استخدمه

اسوي رياضة لشد البطن واهي الضغط وهم رياضة المعدة

اسوي رياضة لشد الصدر

اسوي رياضة لشد الزنود الا وهي باستخدام الاثقال وبعد اني احرك ايدي بشكل دائري لكل ايد اربعين مرة جدام واربعين مر ورا

اسوي رياضة لشد الفخذ

ورياضة لشد المؤخرة واهي تمارين مالت كيم كرداشتيان

وانتووو بنات قولولنا شنو سويتوا وهل نفعتكم هالرياضة اللي تسوونها شنو غيرت فيكم

 

[JaDeL]

هذا شكل الجهاز اللي استخدمه

 

[جاي أخضر]

أنا صراحة ناوية أني أبلش تمارين رياضية بالبيت لشد المعدة
لأني أنا أمشي بس
بس بصراحة مو متواصل
بس ناوية انشاء الله من باجر أبلش تمارين بالبيت مع استمراري بالمشي
وبغيت أسألج حبيبتي :
شنو أهي تمارين كيم كرداشيان ؟

 

[JaDeL]

حاطينها بالمنتدى قلبي في وحدة كاتبها عنها


وينكم يابنات

 

[JaDeL]

شدعوة يابنات شكله الموضوع ماعجبكم ؟

 

[●|أملي بالله كبير |●]

بسوي تماارين كييم

ااااااااااااااااااب

 

[وهج الليل كول]

اب اب اب

 

[JaDeL]

وينكم يا بنات

 

[يرخصلك كل غالي]

حبيبتي شنو اهي التمارين ..؟

ياليت تحطين الرابط

 

[espresso]

موضووعج واايد حلو

آنا من بدا رمضان ... ريجيمي : مخففة الأكل وااايد وااايد يعني : أتفطر خفيييييف و السحوور أخف

قبل الفطور بساعتين ألبس لبس الرياضة : و العب على الغزال الطائر تقريبا 10دقايق (هذي البداية وبزيد 5دقايق كل اسبوع )
بعدين البس عبايتي و اطلع أمشي بالحديقة اللي يم بيتنا تقريبا من 20 -30 دقيقية


وودي لو اسوي تمارين معدة بس الوقت آه من الوقت

 

[JaDeL]

بالعكس فيه وقت يمديج سويها باليوم عشرين مرة

 

[نشميه]

فوه بنات والله خوش موضوع يبيله كل ييوم ايي اطل عليكم علشان اتشجع انا صارلي من اول يوم رمضان وكل يوم الحمد الله العب رياضه عندي الغزال العب فيه اقل شي نص ساعه وعندي قاري بعد العب عليه وهم قرص

 

[نـــــ أم ـــــور]

صح كلامج لازم مع الرجيم رياضه

وللأسف انا ما عندي برنامج معين للرياضه

 

[om_3alawy2008]

بنات انا امشي بالبيت لأن ماقدر اطلع الممشى
و ألعب الغزال الطائر من وقت لي وقت
بس اتهقون يسوي شي؟؟

 

[شيومة العوضي]

اسوي كل يوم او اربع مرات في الاسبوع

رياضة السايكل و المشي و معدة