حجابات من الكويت .. بليز

[عبره]

السلام عليكم
الله يعطيك العافيه بنات

بسالكم عن الحجابات هذي نفس اللي بالصوره

وش اسمهم .؟
انا وصيت اخوي وجاب لي من الكويت حجابات
شيفون مررره خفيفات ماعرف الفهم واذا لفيتهم رقبتي تبان
لأني البس بندانه تغطي شعري
بس رقبتي وكذا
ابي زي ذولا مره حلوين واحسهم يغطون ويسترون
شسمهم بالضبط عندكم ومن اي محل !
واي نوع بندانه تلبسون تحت الحجاب علشان يستر الشعر والرقبه !
انا ادرس برى ومره ودي الف حجابي زي كذا ونفس خامه الحجاب

واذا وحده عندها فيديو للفه الحجاب لاتبخل علي
او صور ..
.
.
الله يجزاها خير اللي بتساعدني :eh_s(7):

 

[manoooram]

حبيبتي الشيفون أو الكريب شيفون
والحين يلبسون شيلات القطن وأيدد شي القطن بالطباعه

عموما الشيفونات ينلبس تحتها امطه كامله اللي تغطي الرقبه على شان تضمنين انها ما تبين
أو البنت نفسها يعتمد على طريقة لفتها للشيله ان تخلي رقبتها ما تبين

 

[عبره]

مشكوره حبيبتي
بس البندانه اللي تغطي الرقبه من وين الاقيها ؟
وماقصرتي
وياليت شرح للفه الحجاب مره عاجبتني

 

[manoooram]

حبي بكل محلات الحجاب اللي بالكويت تلقينها الامطه
أقل ما فيها روحي سوق المعلم اللي بالسالميه لون المبنى من بره أحمر
كل المحلات تلقين جميع خامات الحجابات متوفرة مع الامطه أشكال و ألوان

بالنسبه للطريقه
حطي الشيله على راسج وخلي طرف أطول من الثاني
الطرف الأقصر لفيه على رقبتج لي ورا
والطرف الأطول لفيه عادي على راسج يبقى طرف من الشيله قطيه على كتفج الثاني
ويكون متدلي لي ورا هذا بالنسبه للشيله القطن

أما الشيله الشيفون نفس الشي بس بدل ما نقط الشيله على الكتف نخليه نازله على الصدر

وبس ان شالله شرحي واضح

 

[ام الدرر]

ماقصرت مانورااام ​