حجاب ابيض ..

[....وبس]

السلام عليكم

خواتي جزاكم الله خير

حلمت اني كنت محتاجه فلوس وانتظر شيك جابوه لي من غرفة اختي اسمها افراح وما كنت عارفه المبلغ وطلع 200دينار اخذته واستانست قلت يغي حاجتي وزياده وبعدها دخلت غرفتي وتوضيت على اساس باصلي العصر طالعت الساعه الا وحده ونص الظهر احترت اصلي اي صلاه فيهم وقلت بطلع الحين ولي وصلت البنك صليت مدام اني على وضو المهم لبست عبايه وشيله ونقاب ولما وصلت لحوش بيتنا صرت لابسه حجاب ابيض ولما اقدمه يغطيني عن حرارة الشمس ركبت شيارتنا ولقيت اختي عزيزه تنطرني فيها وبس

وعندي سؤال..
في شخص دايم احلم انه ماسك ايدي ويمشي معاي داخل مدرستي الثانويه قبل وبالحلم اناديه امل مع انه رجال ويتم ماسك ايدي ما يهدها

انا بنوته مو متزوجه موظفه ملتزمه ول الله الحمد وهالرجال اعرفه من بعيد واحس انه حاط العين علي يعني بيتقدم لي والله اعلم


ياريت تفسرونه لي والله يجعله في ميزان حسناتكم كل مجهود مبذول اهنيه

 

[دلع العتبان]

هلا حياتي


افراح عرس راح يصير عندكم والله اعلم والشيك ورقه زواجج والحجاب الابيض ستر وعافيه وزوج لج باذن الله صالح والله اعلم وادرى ربي يوفقج


بخصوص الرجال الي تحلمين فيه جايز حديث نفس اذا تفكرين فيه حييل اما العكس فجايز وده يخطبج والله اعلم وادرى


موفقه