حجز الفنادق والطيران الداخلي (ماليزيا)

[كويتية777]

السلام عليكم
بنات انا اول مرة بروح ماليزيا والمشكلة امس قررنا واليوم حجزنا على الاسبوع الياي وما اعرف عن الفنادق ولا شي وحتى عن حجز الطيران الداخلي ومتوهقين بنات ابي منكم تقولولي احلى الفنادق بمنطقة كوالا(يطل على شارع العرب) _جنتق _ جزيرة بينغ _وجم يوم اقعد بكل منطقة وبنات وين احصل الجناط والجواتي التقليد ؟ اعذروني ادري عورت راسكم بس والله متوهقة وخصوصا اني ولا مرة حجزت من النت واخاف اروح وما احصل اذا ما عليكم امر ابي وحدة تعلمني الطريقة

 

[ArEEj]

لازم تفرين على المواضيع كلها وتقرين عشان تقررين اى فندق
لان البنات ذاكرين تجاربهم
اتعبي شوى الله يعينج
بس لازم تقرين لا تروحين على عماتج
بتستفيدين حييييييييل
واهم شي خزنى كل المعلومات وكتبيها عشان ما تتخربطين بالاسماء

 

[كويتية777]

مشكورة حبيبتي اريج

 

[كويتية777]

بنات شنو تنصحوني احجز من النت ولا من الشركة نفسها

 

[knafa-q8]

قصدج الشركه نفسها شنو؟
موقع الفندق نفسه يعني؟
اهوا عادي بكلا الحالتين بس دوريلج موقع مضمون بس انا افتريت على اغلب المواقع وماحصلت فيهم حجز
حجزي من موقع الفندق نفسه
ومثل ماقالت اختي ارييج حوسي المنتدى وراح تلقين وايد بنات كاتبين عن رحلاتهم وانصحج بالتقارير المصوره

 

[haneen]

هلا ياقلبي ..

شوفي بكوالا عندج .. الماريوووووووت والميلينيوم .. عجيبين .. ( بشارع العرب ) بالضبط

وانا قعدت بتريدرز .. فضييييييييع .. قعدي اكثر شي بكوالا يعني اسبوع واكثر مووووووووو اقل ..

وروحي بيينغ قعدي بشانغريلا وايد حلووو .. قعدي 4 ايام كااااااافي ..

وجنتنغ مايبيلها نومه هناك .. لانه تخلص بيوم ..

لما تروحون كوالا روحي رحلة لجنتنغ هناك مايبيلها الا 45 دقيقة .. ماتسوا نومة فيها ..

والجناط التقليد والجواتي تكرمين تلقينهم بالسوووق الصيني بكوالا

والماركات بكوالا في مجمع سوريا كي ال سي سي .. عجيب


واذا تبين فنادق اللي بكوالا بشارع العرب اساميهم .. ( الماريوت وميلينيوم وفيدرال ) يمدحونه



وعسى ربي يهنيكم بالسفرة وبحياتكم

 

[كويتية777]

مشكورين بنات وما قصرتو
والله ابوي قرر انه نروح ويا قروب شنو تنصحوني اي قروب حلو واسعاره معقولة؟

 

[maanooora]

هااااااااي بنات انا ساكنة بالرينيسانس بكوالالمبور البرج الغربي اليديد امبي فظييييييييييييييييييييييييييييييييييييييييييييييييييييييييع راقي وحلو واايد وماليزيا بصراحه اتينن مع اني كنت مفكره ان ضيقة خلق... لا والله حياة الناس يهبلون وامان وحلوه وااايد الحمدلله الله يتمم علينا

 

[knafa-q8]

حبيبتي كويتيه 777 اذا انتو عايله وتبون شقق فندقيه بشارع العرب عندج فندق اسمه kl بلازا هاذا موقعه ورا الماريوت حددده يمدحووونه
ومحد طاح عليه وايد هاذا احلى شي لووووووووووووووووووول
واللي يميزه بعد سعره واايد زيين تقريبا 40 دينار لليله اما اذا ماكنتوا عايله وماتبون شقق فتدقيه عندج الملينيوم واذا تبين تروحين بيننغ روحي بطيران داخلي اسمه airasia
وماانصحج تروحين مع قروب ماليزيا مايبيلها شي لأن اسعار القروبات وايد غاليه

 

[كويتية777]

مشكورين بنات ما قصرتو بنات منو تعرف رقم مكتب اللي يأجر سيارة مع سايق احنا تقريبا خلصنا كل شي بس بقا السيارة وشنو تنصحوني اروح بينانق بقطار او باص او طيران داخلي ومن وين احجزهم؟(من اي مكان احجز التذاكر)