حديقة الحيوانات بالاحمدي&ونافورة المعرض

[سيدة الذوق]

تقريري عن مكانين لهم مكانه كبيره في قلبي في منطقه عزيزه علي اللي هي الاحمدي صحيح انا مو من سكان منطقة الاحمدي بس بما ان ابوي موظف في شركة النفط من صغري انا واخواني كنا نروح لها تقريبا 3مرات بالاسبوع

حديقة الحيوانات حديقه ممتعه وروعه صحيح هي مو بكبر حديقة الحيوانات العميريه لكنها معقوله

تاسست سنة 1956م ودخول لها مجاني وتفتح من الصبح الي المغرب متواصل





طبعا الحديقه تنقسم الي 3 اقسام:
1)طبعا اقفاص الحيوانات
2)مساحات خضراء العائلات تقعد فيها
3)العاب بسيطه للاطفال

نبتدي بالقسم الاول:

القسم هذا يشمل حيوانات بسيطه ومتنوعه وراح تتعجبون من اختلافهم بس متعايشين مع بعض يعني ممكن تشوفون خروف ودجاجه ونعامه بقفص واحد ........ شي غريب

هذولي نعام



وهذا تيس




وهذا حيوان اللاما



هذولي غزلان شحلاتهم

وهذا قاعد بروحه


هذي بعد نعامه



يتــــــــــــــــــــــــــــــبع

 

[سيدة الذوق]

وهذي بطه شحلاتها بيضه


الشواذي


الطاووس من عمري 4 سنسن قبل الغزو وانا اشوفه بنفس مكانه مادري هو ولا غيره


هذا الببغاء مادري واضحه صورته لكم اولا تعبني وانا الحق وراه


وبجذي خلصنا القسم الاول

ونروح للقسم الثاني :المساحات الخضراء

وهي تكون ورا اقفاص الحيوانات لها ممر خاص

مساحات كبيره خضراء ترد الروح




يقدرون العائلات يجيبون معاهم اقهوتهم ولاغداهم ويستانسون بالجو والخضره والوجه الحسن اللي هو احنا طبعا الحريم



وفي قعدات مريحه للي مايحب قعدت الارض


ونجي للقسم الثالث:العاب الاطفال

هذا مدخلها



يتبــــــــــــــــــــــــــــع

 

[سيدة الذوق]

طبعا الارضيه نفس الاسفنج الرطب حيل آمنه للاطفال


بعض الالعاب الموجوده




بجذي خلصنا رحلتنا في الحديقه واحنا طالعين نمر بممر اللي دخلنا منه عند البوابه


في محل علي اليمين تابع لشركة النفط ودايما من كنت صغيره لازم امر عليه واشتري منه ويوم تزوجت غصبت زوجي يتعود يمر عليه وحتي بنتي تعودت عليه

فيه كل شي للزراعه وانا وحده اموت بزرع ويوم كنت صغيره اخذ حبوب وازرع في بيتي والحين شقتي متروسه زرع وسبب هالمحل



شوفوا الخضار شحلاته


والمستلزمات كلها اللي تحتاجينها عشان تعتنين بالزرع بالبيت موجوده عنده

وعنده مشتل وره اذا بغيتوا تشترون من عنده شتلات صغار انا حاطه منهم بكل مكان حتي بالحمام تكرمون
[/urlhttp://www.0zz0.com]

يتبــــــــــــــــــــــــــــــــــــع

 

[سيدة الذوق]

وبجذي خلصنا من الحديقه اتمني انها عجبتكم

ومايصيرامر الحديقه بدون مامرالنافوره انا عندي بروتوكول خاص فيني
احب دوارات الاحمدي


النافوره هذي تابعه لمعرض شركة النفط وقريبه من قصر الضيافه وبيت بابا جابر الله يرحمه يوم كان محافظ منطقة الاحمدي



تاسست سنة 1944م
المعرض


هذا المدخل طبعا مجاني









[/urlhttp://www.0zz0.com]

 

[سيدة الذوق]

طبعا الجو اذا كان حلو يهف الهوا رذاذا مو طبيعي


وهذي بعد مساحه خضرا ترد الروح




وبجذي خلصنا

اتمني اني قدرت انقلكم شكثر بالاحمدي شغلات واماكن حلوه وبسم الله ننتهي كلنا بالاحمدي

 

[al7anona]

مشاءالله الصور عجيبةة

والاحمدي تهبل

تسلم ايدج على التقرير رووووووووووعه يهبل

يعطيج العافيه وتسلم ايدج

 

[سيدة الذوق]

تسلمين من ذوقج

 

[}{داشـه عرض}{]

اول مره اشوف هالمكان

عساج ع القوه ..

 

[الصابرة المحتسبة]

تسلمين ياسيدة الذوق على هالتقرير الحلو
وصج الأحمدي محافظة تزدهر يوم عن يوم

 

[bambena]

اقولهم اكو حديقه حياوين بالاحمدي محد مصدقني !!!

مشكوره على التقرير الحلو

 

[هوى الدار]

اول مره ادري ان في حديقه حيوان غير الي بالعميريه

بس خووووش تقرير وخوش صور


تسلم ايدج

 

[كيت كات]

الله يعطيج العافية خوووش تقرير

 

[Pink GirL]

يعطيج الف عافية

والاحمدي تهبل

 

[ضحـاوي]

خوش تقرير

موفقه

 

[.]

اول مره اعرف هالاماكن ..

وناسه..

مشكوره..

 

[سيدة الذوق]

رفع

 

[koosa]

ماشاااااااااالله

عجييييييييييبة الأحمدي احبهاااا

يسلمووو

 

[جنون العشق]

اول مره ادري ان في حديقه حيوان بالاحمدي



مشكوووره يا عسل عالتقرير الرائع

 

[سيدة الذوق]

العفو

 

[مطيريه ماركه]

التقرير روووووووووووعة

صج أول مرة ادري الأحمدي حلوة عبالي خلا وكلها تنقيب عن النفط يبيله أروح لها

يمال العافية النافورة تشوووووووق