حدييييي مصدومة ومتضايقة

[الشمعه اللمعه]

بسألكم


إللي تسمع مسبتها بأذونها شنو تسوي وخاصة إن إن إللي سبتها خالتها


هذاك اليوم ولدي قاعد يلعب بالصالة مع خواته وخالتي موجودة وقاعدة تلعبة وتناديه ومارد قعد يكمل لعبه تتوقعون شنو قالتله
خالتي

ألعن أمك أنا انصدمت وويهي صار؟؟؟؟؟

إنزين ليش أنا سمعتها من قبل بس طوفت على بالي زلة لسان ولما سمعتها مرة ثانية عرفت إنها مقصودة ليش ألعن أمك مو أبوك ولا علشان أهو ولدها واللة العالم إنه عمري ماغلطت عليها او على أحد ومالي شغل بالناس كيقهم إنزين ليش وعلى فكرة مافي جنة بالبيت غيري مرت حماي فبيتها بروح وأنا صارلي 8 سنين معاهم وربيت جدام عينها ليش شنو شافت مني وإهي تدري إني متحملة ولدها موبس علشان عيالي وعلشانها بعد لأني أحبها من قبل لا اتزوج ولدها بس ليش قالت جذي وإذا قالتها بعد شرايكم أطنش ولا أرد عليها وبشنو أرد

 

[يا قلبي لا تحزن]

رد : حدييييي مصدومة ومتضايقة

الله يعينج بعدين يمكن زلت السان
سامحيهاا حسبت امج مره عووده

 

[زهراء الركابي]

رد : حدييييي مصدومة ومتضايقة

اللعنه ماتجووووووووز
لا تردين عليهاااا اتركي الله بيحاسبهااااااا

ة-ة

 

[أم قـمبر]

اسمله عللييج محشوومه
شووفي لا تحطين في باالج
في ناس اهي كلامها جذي ومو قصدها تسب الام يعني اطلعت معاها زلت لساان
يعني تيي جذيي معاها مو تقصدج
لا تشيلين بخااطرج ترى صدقيني مو قصدها تسبج مبين

 

[(m & m)]

طنشي بس احرجيها بطريقه حلوه

زفي ولدج جامها قوليله منو معلمك هالحجي ؟

على اساس انه قايل العن امك حق واحد من اليهال

قولي حق ريلج او اي احد جدام خالتج ما ادري منو معلمه يقول العن امك

انا ما احب اسمع عيالي يقولون هالمسبات

بس لا تحطين عقلج بعقلها و اعتبريها زله

 

[انا مو هني]

رد : حدييييي مصدومة ومتضايقة

قولي حق زوجج يقولها انج سمعتي الي قالته وتظايقتي

 

[eng.meema]

طوفي
مره كبيره ما عليها شرهه
يمكن اهيه متعوده على هالكلمه بس ما تقصدها
يعني في ناس استغفرالله متعودين على سبه مثل (( العن امج والعن ابوج والعن مادري شنو .... الخ ))
يعني اتكون لازقه بلسانهم بس ما يقصدونها

 

[طموحه بزياده]

قوليلها ان اللعن حرام ومو زين قولي الله يهداك بدال العن امك

بطريقة محترمه

 

[هيبة ملك]

لالعنت قولي لها خالتي مايجوز تسبين أمج

بتقولج ماسبيت أمي

قولي اللي يسب أم أحد ترد على أمه وهذا فعلا حديث عن الرسول صلى الله عليه وسلم

بما معناه يسب المرء والدي غيره فتعود اللعنة على والديه

وصدقيني ماراح تعيدها

سئلي مجرب

 

[فوفو22]

رد : حدييييي مصدومة ومتضايقة

في ناس لسانهم زفر ومتبري منهم

بس ردي عليها بذكاء

قعدي مع اليهال

وهي جنبكم

وقولي لهم

عييييييب يا عيالي تقولون كلام وسخ او تسبون احد ترى الله يوديكم النار

والكلام لج يا جاره


رح تفهمها

ان المسج وصل

فوفو

 

[أم حمد =)]

طوفي
مره كبيره ما عليها شرهه
يمكن اهيه متعوده على هالكلمه بس ما تقصدها
يعني في ناس استغفرالله متعودين على سبه مثل (( العن امج والعن ابوج والعن مادري شنو .... الخ ))
يعني اتكون لازقه بلسانهم بس ما يقصدونها

صح ..

 

[reem83]

في ناس جذي لسانهم زفر ومتعود على اللعن انتي خليها عنج وسفهيها مرة كبيرة

 

[الشمعه اللمعه]

ولدي صغير مايعرف يتكلم عمرة سنة ونص وإهي قالتها وإهي تلعب معاه

ولما قالتها من قبل مو بنفس اليوم لا قبل جم شهر وانا جني ماسمعتها بس وصلتلي المعلومة إنها ماترضى على عيالها ينسبون وخاصة ريلي وإهي متعودة تقول لعيال ولدها لوعن ضحك ألعن أمك انزين ليش ماقالت ألعن أبوك ليش أمك مع ذلك مارديت ولا قلت لريلي قلت مرة كبيرة بس حزت بخاطري لما سمعتها قالت لولد حماتي العن أبوك يعني عيال الناس عادي وعيالها لأ

 

[الشمعه اللمعه]

طوفي
مره كبيره ما عليها شرهه
يمكن اهيه متعوده على هالكلمه بس ما تقصدها
يعني في ناس استغفرالله متعودين على سبه مثل (( العن امج والعن ابوج والعن مادري شنو .... الخ ))
يعني اتكون لازقه بلسانهم بس ما يقصدونها

لا إهي مو متعودة على هالكلمة وقالتها متعمدة مو زلة لسان وإهي مرة صايمة ومايطوفها فرض ومتعلمة مو جاهلة بس لي هالدرجة تحب عيالها وماتسب عيالهم بأبوهم تسبهم فيني أنا شنو ذنبي

 

[ضايعة بدنيتي]

رد : حدييييي مصدومة ومتضايقة



ياقلبي ليش مضايقة نفسك هذي مرة كبيره ماا عليها شرهة حبيبتي ... اخذيهاا على قد عقلها وبعدين اذا هي تحبك قولي لها يايمة تتمنين لي اللعنة من ربي ؟؟؟ تتمنين ان ربي يلعنني ؟ ؟ هي بتقول لك اكيد لأ . قولي لها اجل ليش كم مرة اسمعك تقولين لعيالي العن امك . هالكلام ما يجوز وبعدين العيال صغار ممكن يتعودون على هالالفاظ وانا تحز بخاطري ان خالتي الي هي بحسبة امي ومعزتها من معزة امي تلعني وتسبني . وانا لو ما احبك وما اغليك ما تضايقت من كلمتك . دام اني مثل بنتك خافي علي مثل عيالك مثل ما تحبين انك تدعين عليهم و تسبينهم هم انا لا ترضين علي بالمسبة . وبوسيها على راسها وخلاص. هي اكيد بتنحرج . وانتي حبيبتي لا تضايقين عمرك ولا شي تراها مرة كبيرة وعقلها كل ما له يصغر .

وآخر كلامي دعائي ... عسى ربي يسعدك ويهون عليك ويخلي لك عيالك ويجعلهم من الصالحين البارين فيك وفي ابوهم . ويسخر لك زوجك ويجملك بعينه ويخليه ما يشوف غيرك . وعسى ربي يفرج همك ويبعد عنك كل شر و سوء ويوفقك ويرزقك كل ما يرضيك . اللهم آمين .

 

[sawaranza]

حبيبتي انتي لا تتضايقبن ولا شي مره عوده ما ينشره عليها انتي بس شيلي الموضوع من بالج والله يهديها

 

[الوردة المكنونة]

حبيبتي عادي طوفي انا دايما اسمع خالتي تسبني ما ارد اسوي نفسي مو سامعه بس لما سمعتها مره تقول حق بنتي (- امك ) كلمة قويه اتفقت مع ريلي اني راح اكلمها اقولها بنتي قالت هالكلمه حق ابوها وطقها ابوها وفعلا سوينا هالشي وتضايقت لان البنت انطقت بسببها صارت ما تقول هالكلام جدام بناتي ساعات اسمعها بالصدفه وانا نازله تسبني جدام بناتها من وراي عادي ما اهتم اخذ حسناتها وتاخذ سيئاتي تخفف عني

 

[atc666]

رد : حدييييي مصدومة ومتضايقة

بسألكم


إللي تسمع مسبتها بأذونها شنو تسوي وخاصة إن إن إللي سبتها خالتها


هذاك اليوم ولدي قاعد يلعب بالصالة مع خواته وخالتي موجودة وقاعدة تلعبة وتناديه ومارد قعد يكمل لعبه تتوقعون شنو قالتله
خالتي

ألعن أمك أنا انصدمت وويهي صار؟؟؟؟؟

إنزين ليش أنا سمعتها من قبل بس طوفت على بالي زلة لسان ولما سمعتها مرة ثانية عرفت إنها مقصودة ليش ألعن أمك مو أبوك ولا علشان أهو ولدها واللة العالم إنه عمري ماغلطت عليها او على أحد ومالي شغل بالناس كيقهم إنزين ليش وعلى فكرة مافي جنة بالبيت غيري مرت حماي فبيتها بروح وأنا صارلي 8 سنين معاهم وربيت جدام عينها ليش شنو شافت مني وإهي تدري إني متحملة ولدها موبس علشان عيالي وعلشانها بعد لأني أحبها من قبل لا اتزوج ولدها بس ليش قالت جذي وإذا قالتها بعد شرايكم أطنش ولا أرد عليها وبشنو أرد

شوفي يا انج تسامحينها وتحتسبين هالشي عند الله

أو انج على ضحك تقولين لها افا ياخالتي ليش تلعنيني

او قولي لها حرام ليش تلعنيني ترى الرسول عليه الصلاة والسلام يقول ليس المؤمن بالسباب ولا باللعان.

 

[روبالوا]

الصراحة ماحد يرضي بأهانة كلميها باحترام من غير نرفزة انج ماترضين احد يسبج خاصة جدام اعيالج حتي لو كانت مرة كبيرة كل شي له حدود

 

[مــســك]

والله ما ادري شقولج ..


بس ديري بالج لاتقولين حق زوجج ... سوي مقل طريقة فوفو .. انج تقولين حق عيالج عيب يا ماما لا تقول هالكلمة واهي راح تفهمهاا ..