حدييي محتاره ساعدوني

[R W 3 A]

السلام عليكم

باختصار انا حدي حتاره بسالفة الخدم
انا طالبه اثيوبيه مشتغله بالخليج من قبل وبتوصل اخر الشهر
وخذيت من فتره فلبينيه مسترجعه
بس والله خوش وحده مشااءالله عليها انا يبتها عشان تساعدني بنقلتي من شقتي
هب ريح ولا تتحلطم ولا شي ساعدتني وايد بنت الحلال
مرات اقول اخذها واكنسل هذيج ومرات اتردد
لاني مجربه الفلبن من قبل وايد كلهم x نفسيه ومايبون احد يامرهم وكل يوم طالعين بموال يديد ووصخين الفلبن مو نفس قبل حيل نغيرواحتي فبيت اهلي جذي
وهذي اخاف هب الريح والنداره اللي فيها تكون هبه وتروح وتصير حالها من حال اللي عرفتهم قبل

وخاصتا ان في فرق كبيرعن الاثيوبيه بسعرها وبمعاشها بعد
قلت دام انها تريحني مو مشكله نضغط علي روحنا شوي
وخاصتا انا ابيها بس حق التنظيف وتعاوني بالمطبخ يعني لا يهال ولا غيره

 

[@ام يوسف@]

نصيحه اذا الفلبينيه زينه خليها ولا تاخذين الاثيوبيه لانهم نفسيه انا عندي وحده عقب رمضان على طول اوديها لانه اتعرفين اللحين ازمه خدم وبعدين يطقون الجهال

 

[ام الدرر]

حبوبة
انا انصحج بالفليبينية
دامها على قولتج هبة ريح
وترى نقلة البيت مو سهله يعني لو هي عيازة وماتبي الشغل جان بين عليها
انا عندي فليبينية لها 5 سنين ماشاءالله ونفس اللي عندج
اذا انت عصبيه وتهاوشين ما تنفع لج مو لانهم مايتحملون لا
لانهم متفتحين ودارسين وقليل منهم اللي يعيشون بالقرى فتصير نفسهم عزيزة ماتتقبل الهواش
مو مثل الهنود والسيلانيات فقارى ومو متعلمين واغلبهم يتغاضون
وعالاقل هذي شفتيها وشفتي شغلها
واللي طالبتها ماتدرين عنها
واهم شي استخيري ​

 

[مشغوله و محتاسه]

دام زينه ليش تخلينها ؟؟

و مو من حلات الاثيوبية

شكثر مشاكلهم و اييون نفسيات و شايفين عمرهم



دام جربتيها و عجبتج ... خليها عندج



لو منج ... امسك مينوني لا اييني الاين منه

 

[رحيل المرافيء]

الفلبينية احسن من الاثيوبية
الاثيوبيات نفوس خايسة الله لايوريج ووصخات
الفلبينية نظيفة وتفهم

 

[بتبوتااا]

خلج عالفلبينيه احسن ياقلبي والله يسخر لج اياهم ان شاء الله

 

[الغاليه نونو]

تبين الصج والله الخدم حظووظ مثل الرقيه تلاقينها حمره شيره والا بيضه ماصخه
هالفلبينيه دامها سنعه خليها ولي وصلت الاثيوبيه عطيها اي احد محتاجها واخذي فلوسج كامله واذا مودافعه فيها شي كنسليها وخلج علي مينونج