حدي متحطمه فشل التلقيح اللي سوت تلقيح صناعي تدخل ضروري :(

[انثى راقية]

فشل التلقيح اللي عملته الشهر اللي فات.. لاكن الحمدلله على كل حال رضيت :eh_s(16):

والحين بديت ابر وبعمل تلقيح ان شاء الله على الاسبوع الجاي او بعده واسويه...

بنات اللي جربت التلقيح ونجح وش سووت....!!
انا فيه غلطه بنبهكم عليهااا(التحاميل حقت التثبيت مااستخدمتها الا كم مره متفرقه)
مااهتميت. يوم سالت الدكتورة قالت التحاميل تقوي الرحم والبطانه وتساعد على تلقيح البويضات وتثبيت الاجنه...
لاتهملونها مثلي نصيحه.. :eh_s(11):

اذا عندكم لي نصائح قبل وبعد التلقيح ياريت تعطوني.. :eh_s(17):​

 

[الزيـــــ^^ـــــن]

الله يعوضج ان شاءالله

والله ماعندي فكره

 

[lovemyself]

ما سويت تلقيح ولا مره انا تخصص اطفال انابيب والحمدلله
معوضه حياتى وزين انج عرفتى غلطتج خلاص عوضى وسمعى كلام الدكاترة واساليهم كل للى ودج قبل ما تبدين
واسال الله لكى التوفيق

 

[انثى راقية]

الله كريم

 

[ana mo ana]

الله يعوضش.. خيره الحمدالله ع كل حال
انا اليوم سويت تلقيح ووصفتلي الحبوب المثبته بس من بكره مرتين ف اليوم
والله كريم
ربي يرزقش وويرزقني وكل وحده تبي الذريه

 

[ana mo ana]

انثى بسألش عن حبوب التثبيت...
انا سويت تلقيح اليوم الظهر متا اكلهم ؟؟ بالليل ولا باجر الصبح ابدأ فيهم؟؟

 

[أم عمر العتيبي]

حطي املج بالله وإن شاء الله الشهر الجاي تكونين حامل بقدرة الخبير اللطيف بالعباد
كلنا نجتهد والتوفيق من الله

 

[حرم عبدالله]

الحمدلله على كل حاااال وأعوذ بالله من حااال اهل النار
عسى ربي يفرحج بالقريب العاجل ويعوض عليج بكل خييييير...
احرصي على صلاة الفجر والاستغفار والاذكار وانشالله الثانية ثابته ومايضيع جهدكم..
ووووين سويتيها؟؟؟

 

[بخـــارى]

رد : حدي متحطمه فشل التلقيح اللي سوت تلقيح صناعي تدخل ضروري

كل ماسويتي عملية التلقيح كل مازادت فرص نجاحها
حرصي على الفوليك اسيد والبيبي اسبرين والمثبتات والله يرزقج يارب

 

[دمثة]

1- التوكل التام على الله سبحانه واذا ماكتب قولي الحمدالله اكيد في خيرة دام من رب العالمين هالشي

2- الصدقات والاستغفار وقراءة البقرة

3- التحاميل المثبته ممتازة ومفعولها اقوى من الحبوب الحبوب اذا مافي تلقيح تنزل دورة يعني ما تنفع الرحم لكن التحاميل تفرز هرمون يساعد على تثبت الحمل اذا ربج قبل كل شي اراد



الله يرزقج يارب الخير لج يارب عاجلة

 

[~{.. روج احمر]

الله يعوضج يارب

ماعندي فكرة بس سمعت يقولون شربي ماي وتغذي عدل وخري عن المواد الصناعيه والحافظه والفاست فود

وكثري من اكل الورقيات الخضراء..
هاذا الي اقدر افيدج فيه

ربي يعوض صبرنا خير ويرزقنا شوفه عيالنا ويعينا علي تربيتهم

 

[مربى و قيمر]

الله يعوضج اختى ويرزقج بالذريه الطيبه عاجلا غير اجلا
يارب العالميين

 

[انثى راقية]

اسفة على التاخير/ المثبتات مااعرف الا للتحامبل.. الحبوب ماعرف
التحاميل من ثاني يوم الصباح واذا حبتين تستخدمينها كل 12 ساعة
انا كيذا كتبولي...
الله يتمم عليك بخير وتفرحين بحملك...

سويتها بالسعودية...

الله يسمع منكم يارب ويتقبل ويارب جميع ...
الله يكتب اللي فيه الخير...

بنات بس بسالكم ايش هوو البيبي اسبرين
كيف استخدمه
ابي اسوي كل شيء يساعد على تلقيح البويضات وتثبيتهااا
ساعدوني...

 

[ScarletteO'Hara]

الله كريم حبيبتي
انا جربت التلقيح ثلاث مرات و لا مرة صار حمل
بس الحمدلله حملت طبيعي لا احتجت تلقيح و لا غيره
عشان جذي ما احبه
حتى قبل ما احمل دكتوري قال لي نرد نبلش بالتلقيح الصناعي
بس انا كرهته و قلت على طول ابي طفل انبوب
خصوصا و ان نسبة نجاح التلقيح قليله بس 15%
و اطفال الانابيب 35%
حطي فبالج هذا و انا و ريلي سليمين مافينا شي
بس الحمدلله ما احتجت
انتي استغفري ربج
و خليج على المثبتات
انا الدكتورة حسبي الله عليها الي شفطت مني الاكو و الي ماكو لا عطتني مثبتات و لا سوت لي اشعة الضبغة

 

[ام عفاف الكويت]

قولي آمين
انشالله ما تخلص السنة إلا إنتي حامل ،، ربي يرزقج الذرية الصالحة

 

[سارووه الاموره]

عسى الله يرزقكم ويرزقني الذريه الصالحه عاجلا غير اجلا يارب ..

 

[newq8ia]

حبيبتي الله يعوضج خير يارب انا تحليلي ١٠ الشهر ادعوووولي
عطوني تحاميل بس نسيتهم مرتين

 

[newq8ia]

حبيبتي الله يعوضج خير يارب انا تحليلي 10 الشهر ادعوووولي
عطوني تحاميل بس نسيتهم مرتين

 

[ice-moon]

الله يعوضج خير ياااارب

ماء زمزم لما شرب له

شربي ماي زمزم وادعي من قلب

توكلي على الله الواحد الاحد


وفي وحده اعرفها سوت تلقيح ماشاء الله نجح

الدكتوره وصتها بنفس يوم التلقيح تسوي جماع لمدة 3 ايام يفضل مرتين صبح وليل (وكااانت وااايد تستغفر على طوول لسانها رطب بذكر الله)

وحملت ماشاء الله الله يثبت حملها ويجعله من الذريه الصالحه ويرزقكم أجمعين

 

[تميميه]

أنا سويت تلقيح مجهري وفشل ماصار تعشيش بالاجنة واجنتي على قولة الدكتور منا منيحة يعني مو جيدة,,,,,, سويتها بشهر 12 ميلادي ووصاني قبل العملية بثلاث او اربع شهور اكل حمض الفوليك وحبوب الزنك ,,,,,,, وبيبي اسبرين قبل العملية بشهر ,,,,,,,,,,,,,,,,,,,,,,,,,,,,,,,,,,,,,,,,,, الله كريم الله يرزقنا ويرزق كل محروم يوم هالجمعة اللهم اااااااامييييييييييين