حدي محتاره وابي رايكم بنات!!!!

[أم بدير]

السلام عليكم
طبعا صارلي جم يوم افكر وافكر لين قطت جبدي
قلت اخذ اكثر من راي عل وعسى ارتاح شوي

السالفه يابنات الله يسلمكم
ان قبل جم سنه يبتلي خدامه
ولأول مره من تاريخ استخدامي للخدامات تطلعلي خدامه ماكو احسن منها
فلبينيه بمواصفات سيلانيه
خخخخخخخخخخخخخخ
طبعا تسألون شلون
انا اقولكم
يعني بالأدب والذرابه والنظافه... فلبينيه
بالغباء وهزة الراس وكل ما ازفها شوي تقولي انشالله وتنزل راسها...سيلانية
والله كثر ما اقول سنعه شويه
حتى انا حبيتها
وهذا من سابع المستحيلات اني احب خدامه
والا دايما مطفشتهم
لوووووووووووووووول
والله من كثر ما احبها ما ارضى احد يزفها والا يقولها كلمه
اهي اصغر مني بثلاث اربع سنين بس كل ما احد يقولي شي عنها اقولهم مالكم شغل بعيالي
عادتها وحده منهم

طبعا اهي مسلمه
وبرمضان لما يأذن تكون قاعده تنزل الأكل ..اقولها خله روحي انتي تفطري وخلي المسيحيه تكمل
تقولي لا عادي كليت تمره لما اخلص اتفطر

المشكله وين الحين؟؟
في ببيت اهلي خدامه مسيحيه
وهذيج مو مليتلها او مخليه حق غيرها عيشه
انا تتهاوش معاي
خواتي تتهاوش معاهم
مره سايقنا دايس ببطنها بغى يذبحها من كثر ماقامت تصارخ عليه (والله حتى سايقنا سنع..ليته ذابحها)
وطبعا كل ماتقابلوا خدامتي وخدامة بيت اهلي يتهاوشون
ليش انتي فلبينيه يحبونج وانا هنديه محد يحبني
طبعا والله ساعات اقعد اسمع يمكن خدامتي تعيل عليها.. اشوف خدامتي دايما حاقره ولا كلمه وهذيج لسانها شطوله حتى لما ندش تكمل ماكو احترام لنا

ومرتين مدت ايدها على خدامتي وصارت هوشه بسيطه
بس اخر مره صارت هوشه قويه
بالمطبخ
سمعنا صراخ ونجره
ولما يينا نصعد انا وخواتي
ماسمعنا الا صوت الهنديه تصرخ من قمة راسها
رحنا والا فلبينيتي مع الهوشه والمكافخ تبي تتفجج من الهنديه راحت سحبت القوري اللي يصخن ماي حار وكفخيها فيه... لسوء الحظ القوري كان فيه ماي توه غالينه بيستخدمونه
واحترق ويه الفلبينيه
طبعا صارت قضيه بس محد تحاسب لأنها كانت تبادل ضرب بما ان حتى خدامتي متعوره
والله خدامتي يت تبوس ايدي وريلي وقطعت قلبي بس انا وخواتي من كثر ماتضايقنا من الموضوع قررنا نرد الخدامتين
خدامتي على طول رديتها
وخدامة بيت اهلي كنا ناطرين تخلص علاجها
خلصت علاجها خدامة بيت اهلي فقرروا ان الموضوع انتهى وماله داعي يردونها خلاص:eh_s(2):
وانا توهقت
ولاخدامه يبتها من ذيج الساعه سنعه
عاد خدامتي دقت علي بالعيد تعايد علي
وتسأل عن اليهال وتقولي اني اذا ابيها تردلي ما عندها مانع.. بتكون خدامة بيت اهلي خلصت مدتها.

المشكله ان من بعد سالفة الخدامة اللي صارت قبل يومين وانا ميته خوف
ومحتاره شسوي؟؟
اردها لأنها خوش بنيه
والا ما اردها لأنها يمكن تنتقم لأني رديتها ومارديت الثانيه معاها؟
مع اني ادري فيها والله مو مال انتقام بس الله ياخذها الفلبينيه اللي عيشتنا بخوف

اسفه عالطواله بنات
بس عذروني صج محتاره

​

 

[سمسميه]

والله صج سالفتج اتحير!
بس انا عن نفسي ماخذه مبدا الخدامه اذا وديتيها المكتب لا تردينها
خلاص ما يسوى عليج المحاتاة
والله يعوضج خير انشالله باحسن منها

 

[ii DareeN ii]

ام بدر ماكو جنسيه كلها مجرمه صج نعصب وجذي بس هم عندنا يعني مثلا خليجين مجرمين وخليجيات عذبو الخدم بصوره وحشيه وبعظهم افضو الي وفاه معقوله كلنا بنكون جذي لا

بعدين انتي ماتدرين شنو الضروف الي صار فيها الحادث وطول ما انتي تحسنين معاملتهم بتعاملج زين واكبر شي بتسويه بتنحاش ترا ان بني ادم يقتل شي كبير وعظيم ولا ينتقم بهالصوره ويضيع مستقبله

خدامتج وانتي عارفتها وعارفه زينها من شينها والله احنا نتعامل ويا فلبن من سنه
85 اكبر شي ممكن وحده مرت علينا سوته تغازل ولاتنحاش ممكن بس انتي مالتج تعرفينها وترا الاجرام ماله جنسيه ​

 

[يمامة]

صراحة مدامج طلعتيها من بيتج لا تردينها
وانشاالله بيرزقج أحسن منها بس ما تدرين شلون أهي تفكر وهم ما ينقال عنهم مامنهم أمان ولا تحاتين ولا شي جربي في الخدم ليما الله يرزقج بالسنعة​

 

[Alia]

ممممم لا لا تردينها لا تجازفين ماتدرين اخاف تتفرعن ولا شي لا تعورين راسج

 

[أم بدير]

يعطيكم العافيه بنات
وطبعا اذا مارديتها ادري ماني لاقيه احسن منها
ماصارلي سنه والا سنتين انا مع الخدم
انا اتعامل معاهم من اثنعش سنه (أول ماتزوجت)
واول مره تمر علي خدامه جذي سنعه قطيعه تقطعهم
من رديتها صارلي سنه ونص يبت فيهم ثلاث خدامات
ثنتين منهم ماقعدوا اسبوع يقولون البيت كبير مع ان مالهم شغل بالدور الأرضي اهم لهم الدور الثاني اللي انا قاعده فيه بس
يعني دور واحد وعيالي اثنين وكبار بعد مو يهال

والله حتى عيالي يحنون علي من دقت كلمتني يقولون رديها نبيها
بس ميته خوف (من سالفة فلبينية الفقر)لا اتندم بعدين لما ماراح يفيد الندم​

 

[bnt_kwt]

صح دام انج طلعتيها من بيتج لا تردينها
وهذي خيره لج والله بيرزقج بأحسن منها انشالله

 

[أم بدير]

والله محتاره ومادري شسوي
ثنتين من خواتي يقولونلي لاتييبينها....احنا ناخذها
ومرة اخوي تقولي انا اخذها اذا ماتبينها مابقى شي على ولادتي
واختي الثانيه تقولي والله حرام تتطوف انا اخذها حق خالتي تبي خدامه

حتى رفيجتي قالتلي اذا منتي رادتها عطيني عنوانها انا اييبها ​

 

[Alia]

اختي خيرة لج واهي طلعت بمشكلة ماتدرين شلون نيتها بعد ماترجع

فلا تجازفون لا انتي ولا اهلكم

 

[* LOVE STORY *]

آنا أقول عادي رديها وقوليلها آنا لاما وديتج كنت خايفه عليج من خدامة أهلي بس الحين افتكينا منها ,, ولاحظيها شوفيها متغيرة ولا لاء ,, شوفي شغلها وذيج الساعه حكمي عليها .

 

[أم بدير]

لحد الين ماكو الا ردين يشجعوني


شكلي ماراح اجازف مع اني تحسفت يوم رديتها
وبتحسف اذا مايبتها
بس مابي احاتي زود وان صار شي لاسمح الله بكون انا السبب​

 

[أم بدير]

يعطيج العافيه اختي محتسبه
بس تسأليني ليش محتاره

الخدم صارولنا هم بدل العون
قمنا نييبهم ونحاتي مصايبهم
الله كريم
وفعلا بستخير وبشوف
بس قلت اشور اكبر عدد ممكن عل وعسى يساعدني في اختياري

تسلمين عالمرور:eh_s(7):​

 

[monera]

ليش محتارة استشيري من لا تخفى عليه خافية صلي ركعتين وادعي دعء الاستخارة ثم أقدمي على اللي في بالج إذا شفتيها ما ردت عليج أو ما قدرت تجي لأي سبب إعلمي أن هذي نتيجة استخارتج والله يكتب لج ما فيه خير .

مشاءالله .احسن شى الاستخارة
والله يكتب لج مافيه خير

 

[lady_flana]

انا اقول استخيري وشوفي مع اني هم مترددة معاج///
مادري اذا عيالج كبار وماراح تحطينهم بايدج مايخالف... شوي اهون

ترى احنا هم نفسج كانت عندنا خدامة كبيرة بالسن ونجرية وتبط الجبد امي ماكانت راضية توديها على اساس انها تعرف لها الطباخ والشغلات الثانية بس ماكان يسوى الخناق والهواش مع الخدم الثانيين ومعاتا.. اتصدقين كانت توزع الشغل على الخدم واواكر عليهم واذا قليتي لها سوي الشي الفلاني تقول مو شغل شغل الخدامة الثانية... لي هالدرجة
ما تتصورين اشكثر كانت تتخانق،،، لما مرة انطقت من خادمة كانت اهي يايبتها عندنا،، وبالاخير سفرنا الكل وارتحنا.. الحين غيرنا الستاف كله امي ارتاحت معاهم واهم ارتاحوا مع بعض...
الحين اللي عندنا فليبينيات من سمعوا سالفة هالخدامة المجرمة واهم يساحلون امي خافوا تسفرهم .. كله يقولون لها المجرمة مسيحية،،،
بس عالعموم ترى المعاملة تفرق معاهم انت انوي الخير معاهم وعامليهم عدل ولا تصارخين وايد الله يهديهم لج...... موفقة انشالله بامورج

 

[أم بدير]

شوفي اهم عيالي اثنين سبع سنين واحدعش سنه
يعني شايلين نفسهم
وانا فعلا جربت غيرها ثلاث
مو قادره ارتاح حق ولا وحده
اخر وحده اللي عندي الحين وناطره اليوم اللي اذلفها فيه مو قادره اتحملها​

 

[النبع الصافي]

ياقلبي استخيري وبعدين شوفي وماأدري صعبه تيبينها بعدماوديتيها بظروف مشكله صايره أكيد شالت بقلبها على رزقها الي انقطع واقول لو تشوفين غيرها أحسن لج ..

 

[ضحكة الدنيا]

شوفى حبوبه شكلج مو مرتاحه لرجعتها وبتحاتين وبتحسين انها متغيره عليج من كثر ماقالولج لا ترجعينها احسن شى لاترجعينها مع انى شايفه المشكله فى خدامة اهلج وخدامة اهلج تقولين بتخلص مدتها يعنى ماكو مشكله
وعلى قولة المثل اللى تعرفينه احسن من اللى ماتعرفينه​

 

[Alia]

اختي انا ليش قلتلج لا ترجعينها لانه نفس السالفة صارت حق خالتي
وساحلتها ويوم رجعت بعد شهر بالضبط انصدمت بتغيرها قامت تبوق فلوس

وموبايلات وتنزر اليهال !! صارت شي ثااااااااااااني من بعد ماكانت تهبل
الكل انصدم فيها

وبنصحج نصيحة اذا يبتي واحده لا تقارنينها مع هذي انسيها يمكن غيرها احسن منها بس انتي لانه بالج معاها فماتلاحظينهم عدل

المجازفة صعبة وعيالج مشالله كبار يعني تقدرين تيبين غيرها وتعودينها
على نظام بيتج والله يعوضج :eh_s(7):

 

[أم بدير]

تسلمين حبيبتي
بس والله مو قاعده اقارن
بس اللي اشوفه من الباجي حتى بدون مقارنه محد يرضى فيه
يعني لما تييني وحده ريتحها الله لايبليج بمثلها وكل يوم تقولين تسبحي ماكو فايده
ما اقارن واقول هذيج نظيفه وهذي لأ
بس ماتقدرين تتحملين خدامه وصخه
ولما تييج وحده ترادد ولسانها طويل هم ما تتحملين
مو مقارنه هذي لسانها طويل وهذي لأ

والباجي من يشوفون بيت عود يقولون بنمشي
ماجنه اهي بس عليها شقه بهالبيت مو كله
والله ثنتين يبتهم وحده ثان يوم قالت برد المكتب حتى مامداني احاجيها
والثانيه هجت عقب ثالث دور
عذرهم ان غرفة الخدم بالدور الثالث يبون اصنصير عيال البيك​

 

[كـلا كـلا]

نصيحة لا تردينها