حدي محتاره وابي رايكم بنات!!!!

[الغاليه نونو]

ام بدير اخذى راييي ياقلبي دامها تبيج رديها علالاقل انتي عارفتها عدل والفتره اللي قضتها عندج موشويه وعرفتي اطباعها بس انصحج لي يبتيها لاتودينها معاج بيت اهلج خليها تشتغل لج وعامليها زين عسا الله يسخرها لج وانتي علي ويه ولاده اشتبين باليديده تعل قلبج علما تتعلم السنع ييبيها وتوكلي علي الله وماعليكم الا العافيه ولاتقيسين خدامتج بخدم غيرج ترا كل الجنسيات فيهم الشين والزين لايغرج فلبينيه والا سيلانيه والا هنديه كلهم جلاب ملبسين ثياب بس عازتنا لهم تحدنا عليهم ييبيها ييبيها يابنتي والله كريم

 

[(الجوري)]

لا يوبا خليها تولي الله يعوضج خير 0

 

[سحايب نجد]

اختي اذا تبين الرد الحاسم لا لا لااااااا تردينها
وعن تجربه
يوم ردت خدامتي كانت تبي تسحرنا
لاني لقيت معها تراب وسالتها ليش هالتراب
كان جوابها انا كل يوم انثره بالارض وانتم تمشون عليه
بعدين اخمه واخذه معي اذا سافرت
علشان اذا صار لي شئ بديرتي اسحركم
وهذي صارلها خمس سنوات عندي وبعدين رديتها سنتين
ولما اكتشفت الامر حجزت لها بدون ماتدري وفتشت اغراضها واخذت كل شي عطيتها ما عدا اللي شرته بفلوسها وسفرتها
بس هم خايفه منها لان المره الاولى لما سفرتها معطيتها ملابس واغراض
والله يستر متكله على الله ونصيحتي لا تردينها

 

[Venice]

اختي اذا تبين الرد الحاسم لا لا لااااااا تردينها
وعن تجربه
يوم ردت خدامتي كانت تبي تسحرنا
لاني لقيت معها تراب وسالتها ليش هالتراب
كان جوابها انا كل يوم انثره بالارض وانتم تمشون عليه
بعدين اخمه واخذه معي اذا سافرت
علشان اذا صار لي شئ بديرتي اسحركم
وهذي صارلها خمس سنوات عندي وبعدين رديتها سنتين
ولما اكتشفت الامر حجزت لها بدون ماتدري وفتشت اغراضها واخذت كل شي عطيتها ما عدا اللي شرته بفلوسها وسفرتها
بس هم خايفه منها لان المره الاولى لما سفرتها معطيتها ملابس واغراض
والله يستر متكله على الله ونصيحتي لا تردينها

واي يما يخرعون هالخدم

حبيبتي ام بدير لا تردينها لانها طلعت بمشكلة ورجعت دقت ماتدرين شلون
صارت ! انا لو بمكانج بتخوف يخرعون اذا طلعوا وردوا يصيرون مو على نياتهم

 

[طال السكوت]

اهي المحروقه ولا اهي الحااارقه ؟؟؟؟


انا ما فهمت .......عموما اذا اهي الحارقه لاااااااااااااااااا تردينها يمه تخرع

 

[lady_flana]

كلمالي واقتنع لا تردينها وخيرها بغيرها،،،

 

[أم بدير]

ام بدير اخذى راييي ياقلبي دامها تبيج رديها علالاقل انتي عارفتها عدل والفتره اللي قضتها عندج موشويه وعرفتي اطباعها بس انصحج لي يبتيها لاتودينها معاج بيت اهلج خليها تشتغل لج وعامليها زين عسا الله يسخرها لج وانتي علي ويه ولاده اشتبين باليديده تعل قلبج علما تتعلم السنع ييبيها وتوكلي علي الله وماعليكم الا العافيه ولاتقيسين خدامتج بخدم غيرج ترا كل الجنسيات فيهم الشين والزين لايغرج فلبينيه والا سيلانيه والا هنديه كلهم جلاب ملبسين ثياب بس عازتنا لهم تحدنا عليهم ييبيها ييبيها يابنتي والله كريم

والله يانونو ردج يبرد الجبد
بس ردود الأغلبيه تخرع
ترى عمري ماشفت منها شي مو زين
الا اخر هوشه اللي تضايقت وايد وقلتلها ماتوقتج تسوي جذي
واهي تبجي تقولي شسوي بتفكك منها

بخاطري ادرها بس السالفه يبيلها تفكيييييييييييييير
مشكوره اخيتي:eh_s(17): ​

 

[أم بدير]

اهي المحروقه ولا اهي الحااارقه ؟؟؟؟


انا ما فهمت .......عموما اذا اهي الحارقه لاااااااااااااااااا تردينها يمه تخرع

ترى يوم طلعت ماكان باجي شي مدتها تنتهي
وطول ماكانت عندي ماشفت منها والله ولا شي
تخاف على عيالي
وتداريهم
ولا ترد علي لو شسوي
وتسمع كلامي واهي ساكته
ودايما مبتسمه وويها بشووش وسمح

بس الهنديه كل يوم لاعنه خيرها
واخر مره طاقتها
واهي يوم كتت عليها الماي الحار كان قصدها تتفكك منها وتكفخها مو تحرقها
وعلى فكره ترى هم اهي كان جسمها كله مزرق ومجرح من بقايا صينيه كانت الهنديه كاسرتها عليها
والله الداد لها
لوما فلبينيتي حرقتها جان انا حرقها خخخخخخخخخخترى كان لسانها اطول من الطويل
حتى انا ماتحترمني وترد عليه وتغلط​

 

[أم بدير]

واي يما يخرعون هالخدم

حبيبتي ام بدير لا تردينها لانها طلعت بمشكلة ورجعت دقت ماتدرين شلون
صارت ! انا لو بمكانج بتخوف يخرعون اذا طلعوا وردوا يصيرون مو على نياتهم

وعليه داقه تعايد علي بالعيد وتتطمن عاليهال مو عشان ترد
اهي تشتغل بالامارات الحين وباقي على مدتها ست اشهر وترد ديرتها

انا سألتها اذا تبي تردلي
قالتلي والله ودها بس لما تنتهي مدتها عشان ماتبي تقطع فترة شغلها بالبيت اللي تشتغل فيه بالامارات

وقالتلي اردلها خبر عشان ماتعطي البيت كلمه انها بتردلهم اذا انا ابيها ​

 

[أحلى الجياكر]

السلام عليكم ,,,
أم بدير ..إنتى على كلامج ما صار تج بينج و بينها ...و لا عاملتيها غلط و لا عيالج مأذينها ..و ما كان باجى شى على مدتها ...يعنى ما أظن أن ذاك الحقد صار فى قلبها .. و كاهى على قولتج ..الحين إهى بالإمارات ..و فى أمل إنهم يردونها ..يعنى بالمختصر ..ما قطعتى رزقها ...لا تحاتين ...
الحين ..صلى إستخارة و شوفى ربى شيكتب لج ...بعدين سالفة المجرمة هذى مو مثل ..ما تدرين شلون كانت الظروف ..منها و من المعازيب ..توكلى على الله ...بس بقولج شغله وحدة ..شيلى من تفكيرج إنه ماكو شكلها ..و إنج ما راح تلقين وحده مثلها و إنها و إنها ...أوكى ترى ما راح تترس عينج خدامه أبد ...و عادى 3 عقبها ما يتمون عندج ..أنا 7 دشو و طلعو بسبت مقارنتى لخدامه كانت عندى ...الله يريح بالنا و بالج حبيبتى

 

[أم بدير]

والله احلاهم كلامك يطمن
بس ترى والله ما قارنت
انا اقول ان اللي يوني حتى لو هذي ماكانت عندي ماراح اتحملهم وهم بردهم
لأن ولا وحده يتني قبل هذي سنعه
وكنت اردهم
بدون مقارنه لأن ماكانت موجوده عندي اصلا

انا بصلي استخاره وبشوف
الله يكتب اللي فيه الخير للجميع انشالله​

 

[جارة القمر]

تعرفني رأي بالموضوع

 

[أم بدير]

تعرفني رأي بالموضوع

لا والله ما اعرف
قوليلي جارة القمر

انتي تعرفينها
وتذكريني شلون كنت اتكلم عنها

وتعرفين معاناتي مع الخدامات اللي يبتهم بعدها
قوليلي رايج
​

 

[DLOOL]

رديها
يه مسكينه مالالها دخل باللي صار ولو تيرت شخصرانه رديها
يخت شي تعرفينه احسن من ما تعرفين عنه شيء
والخدمه مسلمه وفيه فرق بين االمسلم والغير مسلم

 

[أم بدير]

رديها
يه مسكينه مالالها دخل باللي صار ولو تيرت شخصرانه رديها
يخت شي تعرفينه احسن من ما تعرفين عنه شيء
والخدمه مسلمه وفيه فرق بين االمسلم والغير مسلم

مو الخوف من اني اخسر عيالي الله لايقوله
عقب سالفة فلبينية قريح اللي توها صارت بالديره
صرت حتى نوم ما اقدر انام لين اقفل على عيالي غرفهم​

 

[جارة القمر]

أم بدير

أنا جم مره قلتلج رديه

للأنج أشكثر تحجيتي معاي أنه زينه


والله يعينج صج

ولا خدامه ارتحتيله كثر هذي

أنا اقول صلي استخارة وشوفي نفسج

 

[أم بدير]

اي والله صج ما ارتحت حق غيرها
وكلهم مأذيني

بصلي استخاره وبشوف
وعقب السفره بقرر انشالله ​

 

[bnt q8 in usa]

رايي من راي دارين بس حرام انتي قطعتي عيشتهااا
واذا تبين رايي رديها اهي ماطلبت ترجع الا انها عارفه انتي معاملتج طيبه وياهااا....................وبس لاتودينها بيت اهلج وفكي عمرج

 

[أم بدير]

رايي من راي دارين بس حرام انتي قطعتي عيشتهااا
واذا تبين رايي رديها اهي ماطلبت ترجع الا انها عارفه انتي معاملتج طيبه وياهااا....................وبس لاتودينها بيت اهلج وفكي عمرج

ماقطعت عيشها اهي تشتغل بالامارات الحين
لو بقطع عيشها جان ختمت على جوارها ماترجع
بعدين حبيبتي بنت الكويت اهي تهاوشت هوشه عوده وصار فيها اصابات وقضيه ومخفر
يعني اذا عندج عيلي بتعرفين اني خفت حزتها على عيالي لاتعصب عليهم وتسوي نفس الشي
وبعدين اهي قالتلي ماتبي تشتغل ببيت ثاني وتبي تسافر
وانا نفذتلها رغبتها يعني ماظلمتها وغصبتها تشتغل ببيت ثاني وخذيت فلوسها
واذا عن ردتها
انا خايفه ترد عشان تنتقم مني بعيالي عشان عرفت من الخدم الباجي ان الثانيه ماسافرت واختي ردتها تشتغل عندها
يعني بتقول ليش انا سفروني وهذيج ردوها؟​