عاشقه رويشد
Active member
[ السلام عليكم و رحمة الله و بركاته ]
قوة ..
شلونكم شخباركم ؟ ..
اليوم يا طويلين العمر عندي موضوع و ودي تناقشونه معاي , بس إن شاء الله ما يكون مكرر ..
حرام عـ البنات و حلال عـ الشباب
ليش ؟
ليش إذا الولد حب أو بدى يفكر بـ الحب يقولون عنه هذا كبر ماكو مشكلة , إهي مرحلة مراهقة و هـ الشي طبيعي
و إذا البنت فكرت تحب قالوا عنها هاذي قليلة أدب , و أهلها ما عرفوا يربونها
ليش إذا الولد شغل الأغاني و علّا عـ الصوت يقولون هاذي حركات عادية , و هذا ولدنا و نعرف شنو يسوي
( والله إنكم نايمين على إذنكم , روحوا شوفوه وين يروح و من وين إيي ! )
و إذا البنت سوت نفس الشي قالوا عنها ما تعرف الأصول , و ما تراعي أي شي
الولد مسموح له يعرف بنات
مسموح له يقعد عـ النت بدون حدود
مسموح له يضبط بنات
يقولون خله يتثقف , الحين النت لغة العصر
( أي ثقافة هاذي ! )
و البنت يويلها إذا سوت هـ الشي , يقولون لها إنتي لا عندج إحساس ولا ذمة , و قومي غسلي مواعين أحسن من هـ الخرابيط
الولد إذا طلع صوته بـ البيت و قام يرفعه على إخوانه و خواته يقولون عنه ماشاءالله هذا كبر و صار ريال , يبي يثبت وجوده
و البنت إذا سوت جذي يقولون لها إنتي ولد ولا بنت ؟ و ما عندنا بنات يرفعون صوتهم بـ البيت , و يالله قلبي ويهج
الولد إذا مشى مع الموضة و لبس لبس آخر موديل يقولون عنه هذا واحد كشيخ و ما فيه منه أثنين , و ما عليه كلام
و البنت يقولون عنها وحدة عقلها فاضي و تدور على التفاهات و الأمور الماصخة
الريال الأرمل و أهو راجع من دفن مرته يفكر بـ المرا اللي بـ يتزوجها
و المرا الأرملة إميات القيود حولها
الريال المطلق يحق له الزواج مرة و ثنتين و ثلاث , و يقولون خل يشوف حياته
و المرا المطلقة يعتبرونها عالة على المجتمع و ممنوع عنها كل شي , و إن طلعت من البيت حشوا ريولها
بـ النهاية البنت دايماً غلطانة
ليش يعني ؟
و لي متى هـ التفكير في بعض المجمعات و البيوت ؟
