حبايبي شاكرتلكم عالاهتمام بعدي عمري فديتكم
انا كنت الوقت الي فات كله بالمستشفي
لان فجئه صارت فيني دوخه ودنيا فترة فيني
وجسمي تخدر ماقمت احس فيه ونمل بعد
وزادة نبضات قلبي ونفسي انغمت
فرحت المستوصف لان دنيا ليل والكل خفارا
فحولتني مستشفي صباح الولاده
فحطوني تحت الملاحظه الوقت الي طاف وعطوني ادوي
قالي طبيب انا طوارئ مااقدر اسويلج شي يااحولج حق طبيبتج يا احولج للعياده
واذا تبين انومج بالمستشفي تحت الملاحظهويطمنون عليج شوفي الي ريحج وبسويه
قبلها بط جبدي وعصبت علي كتب لي تحاليل ومن سويتهم قراهم وكتب الادويه ومشي حسسني ماله خلق
جان تيي السستر وقول خلاص مافيج شي روحي اخذيادويتج
اهني احس فوق تعب بركان طلع مني
قلت لها نادي دكتور
من يه قلت له انت مو مفروض تسالني شفيج وتشخص حالتي وبعدها تفهمني شنو بالضبط شفيني وبعدها الادويه وروح
مو مطرش لي سسترات خلاص خل تاخذ ادويتها وتروح
جان يقولي لا انا مو سالتج قلتيلي فيج صداع ودوخه وتعبانه وانيميا
وانا سويت لج تحاليل كل شي كويس وكتبت لج الادويه
وقلت له شلون تقولي اخذي ادويه وانا عندي ادويه والياهل بينضر وينعفس ستين مليون دوه
وغير جذي انا فيني عوار فبطني ونغزات قاعده تروح وترجع بالمنطقه الحساسه
والياهل صارلي يومين ماحس بحركته
قالي انا قلت للستر تسويلج ولا ماسوة قلت له لا ماسوت
المهم عقب طنقرتي رقع موقفه وشرح لي الي قلت لكم ياه انه مايقدر يسوي شي
طبعا تخطيط الي اهو سونار نبضات القلب من سوه وقف قلبي
تصنمت انتهيت
تحوس تدور نبض البيبي ماكو تدور نبض البيبي ماكو
انا اهني ياست بغيت ابجي
عقب مامابين معاها قام اهوه وسوالي تخطيط وبين معاه بعدين
وهذا الي صار معاي
طبعا انا انسانه اكره طبيب حييييييل*
