حركة البيبي

[lolab]

مرحبا بنات ..
انا حامل بالشهر السادس بجر والبيبي لي قبل يوميين كانت حركتة كثيرة في بطني ماشاء اللة بس من قبل امس بليل وحسيت فجاة مايتحرك وقالولي شربي عصير فية شكر اتحرك شربت يدووووب حسيت ابحركتة وباجي اليوم ماكو شي وبليل قالولي اكلي بصل وكلييت وهم حركتة اذا اتبهتي ياللة اتحسين فيها واليوم من قعت من النوم ماكو شي فبليز قولولي هل هالشي اخوف ؟؟؟حدي قاعحاتيي

 

[{الجارحه}]

اختي مو لازم يتحرك كل الوقت

بس الحين البصل بيخليه يتحرك يعني!!!؟

 

[dana1986]

لاتحاتين ترى الياهل ينام واااااااااااااااااااااااااااااااااااايد عشان يكبر

تبينه يتحرك وتستانسين اكلي شي في بصل الله يعافي سبواي دقي عليهم وقوليله كثر البصل واستمتعي بالترفس

 

[lolab]

لااا المشكلة ان اسماللة علية حركتة كل يوم واايد يعني مو خفيفة بس صارلي يومين طاخ مرة وحدة

 

[؛؛حلاوه؛؛]

اي انا بالسادس حسيت بالبدايه شوي قلت هالحركه بس باخر السادس راح تزيد الحركه والترفس لول

انا لما اشرب ماي احسه يتحرك انتي شربي ماي وترى البيبي يتحرك وقت معين ويرد ينام ويقوم ويتحرك عرفتي شلون

بس ترى ضروري كل شهر سونار في بنات يهملون هالشي ووايد غلط

 

[anooma_86]

حبيبتي لا تحاتين سبحان الله الياهل ابطن امه مثلنا احنا يعني يوم نشيط و حركته زايده و يوم بس هادي و منسدح هههههه بس جد هالمعلومه أنا امس قاريتها بكتاب اسمه " ماذا تتوقعين عندما تكونين حاملا" فريحي بالج ماكو شي حبيبتي

 

[lolab]

لا انا امسوية قبل عشر ايام والحمداللة كل شي سليم وحركتة فوق الطبيعية كلة ترفس على قولتج بس من قبل امس وااايد افرقت معاي صار بس جنة نبض ابطني ماكو حركة

 

[هيبة الطاووس]

آنا طول حملي مره وحده ولا مريت حسيت بحركة بنيتي
ترا عادي ما تحسين بالحركه مو شيء ضروري تحسين
المهم الصحه والعافيه للبيبي ان شاء الله تقوومين بالسلامه

 

[lolab]

حبايبي طمنتوني الله يطمن قلوبكم واقومكطم بالسلامة

 

[shak!shoka]

عادي لا تحاتين ، بس ماخذ اوف يومين و انشاالله يعاود نشاطه

 

[أحلى عيون]

حبوبه حركه البيبي من السادس الي التاسع تكون قليله وثقيله يقعد سبحان الله مثل الي يتحرك مو يرفس يعني مثل السباحه واكثر شي تحسين كانه نبض ببطنج لا تحاتين ولا تخافين واشربي عصير يتحرك وايد وريحي نفسج قد ماتقدرين



وعسي ربي يسهل عليج وعلي وعلي كل حامل يارب