حركة الجنين خفيفه من امس وخايفه..فيدوني :(

[طفلي حياتي]

السلام عليكم ورحمة الله
اخواتي من امس احس حركة البيبي خفيفه ماني عارفه ليش يعني كملت 24 ساعه والحركه مو مثل كل يوم كلش خفيفه وخايفه حدي هل طبيعي ان مرات الجنين يهدأ والا في شي ؟؟
علما أني حامل في الشهر السادس

 

[(أم نونو)]

رد : حركة الجنين خفيفه من امس وخايفه..فيدوني

انتي باي شهر

 

[طفلي حياتي]

رد : حركة الجنين خفيفه من امس وخايفه..فيدوني

اختي بالشهر السادس انا

 

[(أم نونو)]

رد : حركة الجنين خفيفه من امس وخايفه..فيدوني

حبيبتي روحي سوي سونار انشالله مافي شي بس عشان تطمنين انا توقعتج بالتاسع قلت يمكن الجاهل محشور ولا شي

 

[ba6bo6a1]

mako ela el 3afia dam enig 7asa eb7araka 7ata law 5afefa 7emdella
o etha 5ayfa ro7y 6ware2 mostashfa hadi chayky 5al ysam3onig nabth el baby

 

[طفلي حياتي]

رد : حركة الجنين خفيفه من امس وخايفه..فيدوني

هو فيه حركه مش معدومه بس احسها قليله مو مثل كل يوم

 

[شوكة رنانه]

عادي ياقلبي انا مثلج وانا بعد جم يوم ادش السادس انشاءالله..

بس اذا حابه تتطمنين روحي اي طوارئ الحين وسوي سونار...


طمنينا عليج

 

[أم شيــ@وخة]

رد : حركة الجنين خفيفه من امس وخايفه..فيدوني

حبيبتي أنا توني داشة السابع وفي آخر السادس وايد خفت حركة البيبي عندي الي اقعد يومين وبعدين يتحرك رحت عند دكتوري
على طول وسويت سونار والحمد لله اطمنت بس كان البيبي محشور وقالي الدكتور ان البيبي كل ما يكبر كل ما تقل حركته لانه المكان يصير اصغير عليه

 

[MissChoco]

حبيبتي لا تحاتين ،، انا تيني ايام مايتحرك حيل ومرات يتحرك وجذي

بس سوي سونار احسن عشان تطمنين اكثر

 

[مراحب@]

لا تحاتين امر طبيعي ويعتمد حركته بكميه اكلك فلا تفكرين ماكوالا العافيه
:aha:

 

[طفلي حياتي]

رد : حركة الجنين خفيفه من امس وخايفه..فيدوني

يابعد عمري انتو تسلمون حبيباتي
للعلم انا بحرينيه مو كويتيه ولي الشرف اكون لكم اخت

 

[ديما ..]

رد : حركة الجنين خفيفه من امس وخايفه..فيدوني

عادي حبيبتي لاتحانين اكلي حلا
اشربي عصير منجا
الله يطمنج بالعافيه

 

[Miss_Tiger79]

رد : حركة الجنين خفيفه من امس وخايفه..فيدوني

مافيج الا العافيه ان شاءالله

بس شربي عصير كوكتيل او اي عصير يكون سكره عالي ولاحظي حركة البيبي
واذا نفس الشي ... سوي سونار احسن عشان تطمنين

 

[؛؛حلاوه؛؛]

رد : حركة الجنين خفيفه من امس وخايفه..فيدوني

بنات انا باخر الثالث واحس بنبض حيل برحمي هالشي عادي ولالا حدي خايفه

 

[الأميرة جوري]

رد : حركة الجنين خفيفه من امس وخايفه..فيدوني

اكلي كاكاو ونامى علي ظهرج .... وراح يتحرك ..او عصير

 

[جذابه بنت ذيابه]

رد : حركة الجنين خفيفه من امس وخايفه..فيدوني

عادي حبيبتي


اشربي عصير مانجا ونامي على جمبج اليسار


وان شاااء الله مافي الا العااافيه

 

[dreamy_83]

حبيبتي اكلي حلويات .. الاشياء الي فيها سكر تعطيه طاقة وتخليه يتحرك

 

[موجة ~ بحر]

اكلي ككاو وشوفي يتحرك ولا لا. وافضلج تراجعين دكتورتج تتطمنين

 

[LiL MaMa]

رد : حركة الجنين خفيفه من امس وخايفه..فيدوني

لا عادييي مرات الجنين تصير حركته خفيفه

يقولون المنجه زينه