حركه تستفزني !!!!!!

[لولو^]

السلام عليكم و رحمة الله و بركاته

شلونكم يا أحلى عضوات :eh_s(17):

انا صارلي تقريبا 3 شهور من ملجت :eh_s(22): و الحمدالله ريلي حيل حيل زين بس دااايما يسوي حركه تستفزني !!!!

طبعا هلحركه كل الكويتيين يسوونها :eh_s(16)::eh_s(14): الأغلبيه علشان محد يزعل

اول ما نوقف بلإشاره يشوف السياره اللي يمنه !!!! سواء بنت هندي صعيدي فلبيني لازم يطل :eh_s(14):

شسالفه !! و المشكله إني استحي او بلأصح مو عارفه شلون اوصله انه هالحركه تستفزني
خايفه اقوله و يكون مو قصده و اظلمه و تدرون يعني تونه متزوجين مو حلوه تطلع مني كلمه مني او مناك

يمكن الحركه عاديه و الكل يسويها بس انا اشوف ماله داعي !!

شرايكم :eh_s(1):

و بالنهايه ناطره ردودكم :eh_s(17)::eh_s(17)::eh_s(17):​

 

[عميمة]

مادري بس ما مرت علي

انا مو متزوجه بس ماذكر شفت احد من اخواني سواها

 

[قطوووة]

لاتسوين شي من ولا شي

دام هندي والا ايا كان يتلفت

خليه ع راحته .. خلاص طاف

لان لو كلمتيه ممكن مايسويها جدامج يسويها لما يكون بروحه

 

[تبطي عظم!]

شنو يعني يطالع السياره الي يمه وبعدين يصد ولا يقعد يخوزز

اذا نظره والتفاته عادي طوفي مو مشكله اذا يخوزز قوليله شفيك تخزه تعرفه نقديه على نفسه

 

[فوفو22]

بلحظه اللي يطل قولي له

اكيد مشبّه عليه صح؟؟؟

وهو رح يجاوب على السؤال

فوفو

 

[مشااااعر]

عاده سيئة ..وتدل على تخلف المجتمع

 

[G!RLooNa]

امممم على حسب ترا ساعات تكون حركه لا اراديه!

انا اذا كنت ساهيه التفت يميني بس ما اخز صج ماحب هالحركه بعد الناس كله تفسرها انها حركه مغازلجيه بس ترا ممكن تكون بدون ما الواحد يحس :d

 

[Model Look]

اي معاج حق تنرفز الحركه

قوليله ادري موقصدك حبيبي بس ترا مو حلوه الحركه كلش انا اخاف عليك من كلام الناس

وموحلوه بحقك

عاد قولي ذاك اليوم طالعه مع صديقتي ولا جذي شافت واحد يلتفت عليها ويمكن نفسك مايقصد

قالت عما بعينه شيبي يخز

وانا مابي احد يقول عنك خالكلام وادري موقصدك

 

[miss_whitemocha]

ههههههههه..ضحكتيني حبيبتي..صج أغلبية الشباب يسوون هالحركة..فيهم بلاغة شف لازم يشوفون اللي حوالينهم..عادي طنشي دامه يلتفت و يرد يطالع سيده..بس لا توصل مرحلة إنه يصير مكاسر بالنظرات بينه و بين وحدة..نبهيه و بيني له إنج متضايقة.​

 

[جوري 2007]

موحلوة تكلمينه عن هالحركة نطري عقب الزواج قوليله انج ماتحبينه يطالع السيايير اللي يمه ،، وترى حتى ريلي يسويها

وتنرفزني بس ماتكلمت

 

[سحـورة]

وين المشكله !!!
عادي ماشوف فيها شيء ، لا تبدين تكبرين هالأمور البسيطه
حتى عقب إذا صار شي جايد لاسمح الله بتجلبين الدنيا
طوّفي حبيبتي ومبروك عليج

 

[Rawonah]

انا اشوف الحركه مافيها شي يمكن لا اراديه ومتعود يطل مو قصده شي
والله يسخره لج

 

[مـعـجـبـة]

ما عندج سالفة .. حركة عفوية

لا تسوين من الحبة دبة >> مادري صح المثل هههههههههههه

 

[pusy cat]

عادي

 

[أم توتو]

ان بعض الظن اثم لاتسيئين الظن فيه يمكن بلاغه شف وبس ههههههه عادي حتى عندنا بالسعوديه جذيه تاكت ايزي

 

[مولاي الفرج]

طوفي

ترى حتى احنا لنا حركات لا اراديه

 

[احلام هزيله]

امممم على حسب ترا ساعات تكون حركه لا اراديه!

انا اذا كنت ساهيه التفت يميني بس ما اخز صج ماحب هالحركه بعد الناس كله تفسرها انها حركه مغازلجيه بس ترا ممكن تكون بدون ما الواحد يحس :d

اعتقد بمفهومنا كلنا .....تفسر على انها حركة مغازلجية
​

 

[~*~الملكة~*~]

لاتكلمينه ولاشي عادي الموضوع

 

[دلوعه بابي]

حتى ريلي مثل ريلج اول ماا نووقف يشووف السياره الي يمه عااد سالته لييش تشووف السياره الي يمنا كل ما نوقف جاان يقوول لاا بس يمكن سياارتي تحتك بسيارت الي يمنا .. و عاادي موو مشكله انتي عطي الموضوع على قد حجمه و هم عطي الموضوع طااااااااف

 

[mareea]

طوفي

ترى حتى احنا لنا حركات لا اراديه

صاجه