حرمه زوجي ولدت شنو اهديها إقتراحاتكم ياحريم

[أم بدير]

سؤالج صعب لانها تزوجها علي يمكن اشوفها صعبه اني ازورها او اوجبها

شي طبيعي ان الوضع طبيعي عندج وتفكرين تزورينها لأنج انتي الي خذيتي زوجها منها
بس صعبه اهي تتقبل زيارة المره الي خذت زوجها منها وبالنسبه لها خربت بيتها
وهذا مو رايي بروحي حتى انتي قلتيها.. صعب تزورينها لو انها كانت الزوجه الثانيه
واتمنى ماتزعلين من صراحتي بس انتي طلبتي راينا وما حبيت ادش اجامل اطلع
انا اقول خليج بحالج وخليها بحالها الا اذا كنتوا متفاهمين وبينكم محبه وضامنه انها مو كارهتج فتلفون وهديه منج ومن زوجج تدزينا معاه تكون افضل

 

[NICE BABY]

هع اول وحده ارد :eh_s(6):

روحيلها مع زوجج وعطيها فلووس احسن وتستفيد منهم وغلفيهم بشكل حلو


انا حماتي يوم ولدت صج صج ماقصرت معاي عطتني سرير حق البيبي وتكلفت بالموالح حق المستشفى وجابتلي باقة ورد شكبرها يمكن سعرها حول الثلاثين وانا عطيتها 100 غلفتهم بتور لونه اوف وايت وحطيتله مسكة من اللولو طلع شكله يهبل

اتمنى اكون افدتج

رايي من راى الأخت نثر دموع عطيها فلوس أحسن
سؤال عندج عيال؟

 

[نـــوره]

اول شي الله يبارك فيج يارب ويعطيج على قد نيتج يا الحبيبه يا ام قلب ابيض

وثاني شي مبروكين على المولود

انا اقترح انج تروحين مع الوالده افضل

وبرايي ان تسألينها شنو ناقصها اهيا اكيد مجهزه كل شي حق البيبي

بس السؤال بحد ذاته حلو

وانتي شوفي ميزانيتج

وافضل شي ترا انج تعطينها فلوس

وتحياتي لج

 

[baby johnson]

حبيبتي والله عين العقل الي تسوينه
رووحي مع امج احسن ولاتطولين عطيها الهديه وقعدي 5 دقايق وطلعي
ومأجووووووره على الي تسوينه
انتي بتروحينلها وشكلج مابقلبج الا كل نيه حسنه

 

[فروحة الكويتية]

اشووووووووووووووفها صعبة

 

[بنت ابووها]

nice -girl
والله شاقولج علاقتنا بعض علاقة سطحية
لكن بزورها عشان خاطر زوجي لا يزعل

صراحة صراحة صراحة ولاتزعلين مني ... انشالله يزعل ولا يرضى

اولا حتى لوتودينلها هديه ولا ككاو ولا شي ماراح تاخذه راح تحذفه لان تخاف تسحرينها ولا شي

انا انصحج لاتزورينها ولاتروحليها ولا تعنين نفسج

اذا عشان مايزعل زوجج على قولتج دزيلها مسج باركيلها لا ومن تليفون زوجج بعد مو من تليفونج

 

[الجمال عنواني]

!!!!!!!!!!!!!!! لا تعليق !!!!!!!!!!!!!!

 

[أحلى قمر]

سوري على مداخلتي والله رحت ورديت على اموضوع الف مره
كنت احسب انج الاولى والله اختي بصراحه انا لو زوجي تزوج علي مابي زوجته الثانيه تجيني
ماراح اطردهاااا !! ولا بكشر ابوجهها ! ولا بغثها بنص حرف !!

بس انا اللي بنغث وبموت قهر وحره !

لانكذب على نفسنا ونقول متفاهمين
طبع الحريم هذا وهذه غريييييييييييييزه من زمان زمااااااااااان وحتى على أيآم الرسول عليه الصلاة والسلام كآن في غيره بين زوجاته !
المره بالنفاس !! مو زين تحتر

اذا فكرتي تروحين يختي روحي لها بعد سنه

هذا رايي لاني حطيت نفسي بمكانها وربي يشهد اني ممكن اموت قهر
هذا شي مافيه طيبة قلب ولعانه الا والله فيه غيره وقهر
واسمحيلي والله يوفقج ويعطيج على نيتج

 

[miss-fofo]

هذا راي وانشالله تتقبلينه

انتي تقولين بتروحين مع ريلج الي هو ريلها

جنج تحرينها ولو انج مو حاطه في بالج انج تحرينها

وجنج بتبينيله انه انا الزينه

الله يعطيج على قد نيتج

بس هي ما راح تشوفها من ناحيه النيه الطيبه

بالعكس راح تحتر

اذا انتي مصممه انج بتروحين روحي ويه امج

واذا قتنعتي انج ماتروحين

هم لا تقصرين باركيلها بمسج ودزي هديه فلوس في علبه كشخه او طقم ملابس بيبي لفيهم بطريقه غريبه وحلوه نفس الي هالايام يسونه

صدقيني لو انا مكانها جان ما قبلت الهديه وقلت ردوها

حتن لو انتي تبين تتقربيلها من بعيد لي بعيد

مو تدخلين بقوه بزورها لا جربي اولشي مسج اذا تقبلته وسكتت عطيها هديه
​

 

[الحظ العاثر]

أنتى طيبه وايد ماشاء الله

 

[*كيفي*]

امبيه الله سخركم لبعض لوانا ماروح

 

[الحــــــلا كله]

ما ابي اجرحج
بس خليها تعيش لحظتها

 

[فراشه]

شكلج قلبج ابيض ماشاء الله

الله يعطيج على نيتج

 

[صمت السكون]

الله يعطيك على قد نيتج ، وبصراحة أنا أول مره أسمع وحده مستانسه وفرحانة (الله يدوم الفرح عليج) يوم عرفت أن حرمه زوجها ولدت ولا بعد تبين تزورينها بالمستشفى ،،،،،،،،،،،، أنا بصراحة أهنيج على تواضعج وطيبة قلبج وشفافية أحساسج وعقلانيتج ، والله يوفقج وأنا أقول أحسن تروحين مع زوجكِ وتأخذين معاكِ قطعة ذهب عشان تكبرين بزيادة بعين زوجك
والله يوفقك .​

 

[عهود الحب]

انتي نيتج موصافيه
مستحيل
انا اتمنى من ربي انه يعطيج على قد نيتج
شكلج تبين تقهرينها
بس صدقيني الدنيا دين
ويجي لج يوم تنقهرين
لاتزعلييييييييين ماعرف اجامل
خو انتي بايقة زوجها وهم رازة وجهج يعني شوفني انا طيبة وحبيبة واعرف الواجب
تبين تحرين المرة وهي توها والدة !!!!!!!!!!!!!!
الله ينولج على قددد نيتج

 

[الخبر]

مدام انتي الثانية عادي راح تروحين لها ... المهم الله يخلي الولد ويجعلة م مواليد السعاده

 

[ريحانةالروح]

ما كان ودي أعلق بس هذا شاهد علينا يوم القيامه وعساه يشهد لنا مو علينا
أختي لو كان موضوع الزياره لأنج فرحانه وتبين جزاها من الله ماأستشرتي في هالسالفه المؤمن قلبه دليله للصح والغلط بس أنتي أحترتي وهذا دليل على أن الموضوع بالنسبه لج له أعتبارات ثانيه منها زوجج ما يزعل ما فكرتي بالزوجه الأولى تزعل محتاره بهديتها كأنج ضامنه شعورها تجاه هالزياره وتبين تدخلين معاه عشان شنو؟؟؟؟
واللي تقولج روحي مع أمج حمايه يعني وألأ بعدشنو؟؟؟؟
تبينها لله ولللأنسانه اللي دخلتي حياتها روحي بروحج لي زرتي صديقه لج تسحبين معاج ريلج والأ امج؟
اللي مافيه خير تركه أخير وزيارتج لها ما فيها خير على الأقل بالنسبه لها الزوجه الأولى يعني أتركيها تعيش حياتها بمجرد ذكر أنج مو جوده فيها ماله داعي تركزين صورتج في بالها!
وأنتي قلتي علاقه سطحيه مو مطلوب أنج تعمقينها معاها لو تبيج راح تبادر بس ماأعتقد
الله يهدي سرج ويصلح لج سريرتج وعلانيتج

 

[alotroja]

حبيبتي الله يعطيكي علي قد نيتك
زوريها مع الوالده احسن
خذيلها دهب ازرب

 

[اشراقه]

يعني انتي الي جايه عليهاااا

شي طبيعي تزورها يا بنات شفيكم مستغربين ... اختنا الغاليه اهي الثانيه

انا انصحج اتصلي تلفون وشوفي الخاطر اول.. واذا انتو سمنه على عسل عادي روحي واهديهااا فلوس مو شي مادي احسن لج جذي

:eh_s(15)::eh_s(15):​

 

[عاليه ومتعاليه]

صراحه موضوعج مثير حتى انا ماكنت برد بس لازم احسج طيبه ومع ذلك فيج من صفات الزوجه الثانيه المعروفه طبعا انا حطيت نفسي اني الزوجه الاولى وبصراحه حسيت بشعور كرييه وغريب حسيت بقهر ما اتمنى اعيش هاللحظه واهوا مو صاير لي اسمحيلي صح اهيه ولدت وجابت ولد عسى الله يهنيهم بس لما قريب الموضوع عبالي انتي الاولى ووكملت الفلم قلت يمكن فرحانه لزوجج لان ماتجيبين عيال <<هذا الي صار ببالي
بس اذا انتي تبين البدايه الطيبه اكي قدمي لها فلوس اذا تقبلتها زين واذا لا فهديه بسيطه كبدله للطفل او كرسي كافيه لها واحسن لج روحي لها بروحج لا مع زوجج ولا امج وشوفي البدايه شللون تصير اذا فعلا نيتج صافيه

والله يهديكم لبعض صدقيني اذا قالت لج شي يزعلج ترا من حقها وكبري عقلج ونصيحه خلي علاقتج سطيحه اكثر لا تعمقينها عشان نفسج بس ولله يهنيكم ويهني زوجكم ويرزقكم كلكم




بلييييييييييييييييييييييييييييييييز قوليلنا اذا رحتي لها او شنو قدمتي لها وياليت تقولين لنا سبب الزواج بليز بليز وشنو رده فعلها . بصراحه انجذبنا لموضوعج ياليت تكملين لنا الي صار