حرمه زوجي ولدت شنو اهديها إقتراحاتكم ياحريم

[al-zain]

زوريها مع امج وايد احسن
اصـلا اهي راح تفهم غلط اذا رحتي مع ريلج راح تتحسس ويصير تج يمكن

يبيلها من عطورات ام عبدالله السالمين وايد يمدحونها

 

[Sweety]

أنا أقول لا تروحين لها بالمستشفى لأن توها والده و ما لها خلق مجاملات


و بعدين ليش تروحين مع زوجج ؟؟؟؟؟؟؟

مو المفروض تراعين شعورها طالعة من تعب و ولادة عشان تشوف زوجها معاج ؟؟؟؟؟؟؟


حتى لو نيتج صافية ،،، بس مو لهدرجة على حساب أعصابها و غيرتها ،،، بعدين إنتي حطي نفسج مكانها ،،، تعتقدين راح ترضين اهيا تزورج مع زوجج ؟؟؟!!!


أنا أقول دزي لها كاكاو فاخر ،،، و دقي عليها بعده و باركيلها و لمحي لها إنج بتزورينها بالبيت،، إذا شفتي نفسها طيبة زوريها بالبيت و عطيها فلوس ،،، و إذا لأ دزيلها الهدية بعدين ،،،،و ما لها داعي أمج بالموضوع


و إن شاءالله ما تتضايقين من رايي

 

[عسلاتي]

روحي مع امج..

وودي لها طقم ذهب على سلامتها,,

وبوكيه عليه بيزات

 

[أم بيبي]

زوريها مع زوجج ووديلها هدية مميزة والله يديم التفاهم بينكم
بس حبيت أسأل هي راضية إن زوجها تزوجج؟؟؟؟؟

 

[مريم -الكويت]

زوريها مع زوجج ووديلها هدية مميزة والله يديم التفاهم بينكم
بس حبيت أسأل هي راضية إن زوجها تزوجج؟؟؟؟؟

مشكورة
بالبداية اكيد حالها كان حال اي حرمه ريلها تزوج عليها عارضت لكن انا كسبتها بالطيبه وحسن المعامله

 

[مريم -الكويت]

صراحه موضوعج مثير حتى انا ماكنت برد بس لازم احسج طيبه ومع ذلك فيج من صفات الزوجه الثانيه المعروفه طبعا انا حطيت نفسي اني الزوجه الاولى وبصراحه حسيت بشعور كرييه وغريب حسيت بقهر ما اتمنى اعيش هاللحظه واهوا مو صاير لي اسمحيلي صح اهيه ولدت وجابت ولد عسى الله يهنيهم بس لما قريب الموضوع عبالي انتي الاولى ووكملت الفلم قلت يمكن فرحانه لزوجج لان ماتجيبين عيال <<هذا الي صار ببالي
بس اذا انتي تبين البدايه الطيبه اكي قدمي لها فلوس اذا تقبلتها زين واذا لا فهديه بسيطه كبدله للطفل او كرسي كافيه لها واحسن لج روحي لها بروحج لا مع زوجج ولا امج وشوفي البدايه شللون تصير اذا فعلا نيتج صافيه

والله يهديكم لبعض صدقيني اذا قالت لج شي يزعلج ترا من حقها وكبري عقلج ونصيحه خلي علاقتج سطيحه اكثر لا تعمقينها عشان نفسج بس ولله يهنيكم ويهني زوجكم ويرزقكم كلكم




بلييييييييييييييييييييييييييييييييز قوليلنا اذا رحتي لها او شنو قدمتي لها وياليت تقولين لنا سبب الزواج بليز بليز وشنو رده فعلها . بصراحه انجذبنا لموضوعج ياليت تكملين لنا الي صار

مشكورين على المتابعه للموضوع
الحمدلله زرتها مع زوجي هو طلب انه يوديني لها انا كنت معارضه ابي اروح بروحي لكن هو اصر علي وقالي انا بوديج
وكانت المفاجاة

=



=




=





=



=

تتوقعون شنو

=


=



=

اول دخل ريلي وقال لها معاي ضيف اصر وحب يي بنفسه يبارك لج بالمولود
ودخلت وتفاجأة حيييييييييييييييييييييييييييييييييييييييل بزيارتي لها إهي تقول انا ماتوقعت تزوريني
وابتسمت والامر عادي مافي قهر وغيره ولاشي كأني قاعده بين اختي
واخذت لها هديه مجموعة ملابس للبيبي وبس

 

[miss-fofo]

الحمد الله انه يات جذي

 

[ابتسامي دمع]

الله يتمم عليكم المحبه والصراحه حسيت ان لين الحين الدنيا فيها محبه بين الناس :klhfl:

 

[مريم -الكويت]

الله يديم المحبة وينشرها بين الناس

 

[red tulips]

حبيبتي قولي امين
الله يعطيج كل ما تتمنين و يسهل امورج و يوفقج دنيا و اخرة
و يحبب فيج خلقه
و يجعلج بكل خطوة سلامة و سخر لج الناس كافه

 

[أمانيQ8]

الله يعينج ويعين قلبج ماعندي غير هالتعليق