حزة النوم تكونين على سنقة عشره و لا (مشي حالك) تعالوا خـ ندردش و نستفيد

[بــــدره]

هااااي بنات

وقت النوم و ما أدراك ما وقت النوم

طبعا انا اقصد النوم الصجي الي تغمضين عينج و تدشين بعالم الأحلام
مو النوم بمعناه الآخر يعني(الجنس) فهمتوا علي

لما تكونين حدج هلكانه من اللويه و الكرف و مجابل البيت و الريل و العيال و طول اليوم تنطرين هالجم ساعه الي ترتاحين فيهم:ch12:

ما اطول عليكم

لي بغيتي تدشين الفراش و تحطين راسج يم راس زوجج عشان تنامين تكونين على سنقة عشره من ناحية الشعر المسنع و المكياج الخفيف و ريحتج معطره مبخره
و تلبسين قمصان النوم الستان و الحرير و سوالف الانوثه و النعومه و ملابس داخليه مثيره

ولا

تبين تاخذين راحتج و لابسه بجامه قطن شغل ايام العزوبيه و مدهنه ريولج و لابسه الدلاق رابطه شعرج عشان ما يتشربك و يكشش و ماسحه المكياج و ماخذه راحتج طبعا أكيد لازم تكونين نظيفه و ريحتج حلوه و مفرشه اسنانج لكن مو متزينه فهمتو شلون ؟

كل وحده تقول لنا شنو ستايلها حزة النوم خلونا نستفيد :ch12:

انا عن نفسي احب اخذ راحتي يعني تعتبروني من الصنف الثاني لكن احس بتأنيب ضمير !!!

احس ماودي زوجي يصبّح علي بهالهيئه و بنفس الوقت احس ما اخذ راحتي اذا صرت من الصنف الاول عشان جذي قاعده أعيش بــ صراع داخلي

و بصراحه غرااااااامي البجامات القطن الي تكون قميص و بنطلون او شورت و عليهم سوالف بيتي بوب و هيلو كيتي و سبونج بوب أحس اني بنوته و ياربييييي ارتاح فيهم لكن ما احس بالانوثه و السنع الي أقدر اواجه فيه زوجي

و القمصان الستان و الحرير و البيبي دول هذيله يضايقون حيل حيل و احس لما ألبسهم اني داخله حمام سونا ياربي يخنقون و ما يصلحون إلا لوقت الي خبري خبركم لانهم ينفصخون بسرعه >>>>>> أستحي يا بنت

المهم احس الوحده بصراحه اول ما زوجها يفتح عينه و يشوفها يمه بالفراش يكون منظرها حلو بس شلون تجمع بين الزين و الراحه ؟؟؟؟؟؟؟؟؟؟؟؟؟؟؟

عطونا حلول و افكار حق هالسالفه:eh_s(9):

ياااااارب ينزل الموضوع بسرعه:eh_s(22)::eh_s(22)::eh_s(22):​

 

[بتبوتااا]

شوفي ياقلبي بصراحه انا البس الي يريحني من بجايم وقمصانً بس مو القمصان المشخلعه هذول ينلبسون وقت الي احس في شي او متزهبه

والبجايم انوع مره شورتات ومره قطن ومره حرير ومره طويل

والعطور طبيعي قبل النوم واللوشن وكريم الويه والشعر مره مفلول ومره ملموم

وسلامتج

 

[مناير ...!]

مره جذي ومره جذي

 

[om 7sony]

خلج بين الاثنين
يعني لا تدشين الفراش وريحتج دهن !!
لبسي بيجاما مرتبه
واهم شي الريحه ،،، يعني لا تكون وايد قويه،،، لا تحطين عطر قوي اذا بتنامين ،،، صدقيني خشمه ما بيرتاح ~ ههه
اذا تحبين استعملي لوشن ريحته هاديه،، او انا عن نفسي احب بودرة وكلونيا بيبي جونسن
والشعر لازم يكون ممشط ومرتب،،، هم عشان لا ياذيه وهونايم
وعشان لم يقعد الصبح يشوف ويه حلو ومرتب
بس بدون مكياج طبعا
خلي كل شي بوقته

 

[ماني من الناس]

طبعا انتي وقت النوم ماتدرين شنو مصيرج !!

فلازم تكونين جاهزه any way

واذا كلش كلش تعبانه غسلي ويهج وخلي فيه كريم مرطب وكحل خفيف ولونه مو قوي بس فوق العيون من الاطراف فقط عساس يبين طبيعي
وبدون مسكرا ولا شي شويه بلشر عشان نضاره ومرطب شفايف

والشعر اما مفلول او مرفوع ومن جدام كم خصله طايحه لزوم الانوثه


وانا صراحتن ماحب بجايم الاطفال خخخ احس ترجعني سنين لورا

لبسي سكينيً قطن خفيف ولطيف وانثوي

وفوقه توب قطن كات خفيف ولطيف


وبث

 

[قلبي لك ربي]

انا ارتاج للبجامات وحتى بعد ماروح عند زوجي اكيد بنام بالبجاما يعني شنو هو ياخذ راحته وانا حتى بنومتي لازم اجامله واعمل له الف حساب
انا مو ناويه اسوي نقله وايد عوده وين العزوبيه والزواج لاني احب حياتي وايد
وسلامتكم

 

[قمري]

انا مره ومره

ساعات اكون لابسه بجامه قطن وساعات كاشخه على حسب الراحه النفسيه

 

[@همس المطر@]

بعض الاوقات كذا
ومرة كذا

 

[عذبة السجآيآ]

بين وبين

يعني احيان اكون لاببسه بجامه حرير ومبطله شعري وحاطه عليه خمريه

ومره بجامة قطن ولامه شعري ومتعطره عطر من نعومي

ومره قمصان طويلة وحركات ناعمه فيها يعني نص اغراء ههههه

بس لازم قبل النوم بكل الحالات ارطب وجهي وايديني واحط مرطب وقلوس عالشفه وكحل داخل العين وقبلها طبعا اكون ماخذه شوور

 

[ضاع الود]

انا زوجي مو موجود عندي على طول بس اجازته4 ايام بالشهر

اذا صار عندي احب انام بقمصان قصار ستان واحط عطر خفيف ولوشن ريحته هاديه وشعري دايم مرتب ومستشور

يعني على سنقه عشره

 

[Patcholli]

حياتي وقت النوم اهو الوقت الوحيد اللي ترتاحين فيه بعد عناء البيت ومجابل البيت والعيال والطبخ والتدريس والخ
وحلو انج بهالوقت تلبسين اللي يريحج خاصه انج بتنامين والغرفه ظلمه يعني ماراح يكون في تركيز على شكلج ولبسج وستايلج ..
عن نفسي اكتفي بترطيب ويهي بكريم اولاي لتفتيح البشره .. وارطب شفايفي بزبدة لابيلو الكرز .. و شعري طبيعته مايخترب حتى لو نمت ممكن القذله تعتفس بس مايصير كشه فما احاتي هالمسأله ..
بالنسبه للكحل والماسكرا والفاونديشن لازم مايكون لهم اثر بويهج .. اولا الفاونديشن يضر البشره فمابالج اذا ظل لوقت طويل مع وقت النوم ؟
والماسكرا والكحل ممكن يسببون حساسيه لعينج خاصه انج وقت النوم تغمضين عينج لفتره طويل وممكن الماسكرا تدش بعينج وتسببلج حساسيه وحرقه بالعين ..
العطر واللوشن شي اساسي .. وهالشي طبيعه فيني من قبل الزواج لازم اتعطر وقت النوم .. حتى لما اقوم اصلي الفجر ارجع ادهن جسمي باللوشن وارد انام .. احب ريحتي تكون حلوه وقت النوم ..

 

[أحساس مجروحهـ]

مره هيك ومره هيك لووووول

صراحه مرات على سنقة عشره
ومرات اقول ماله داعي لان ادري ماراح نسوي شي ! وعلى طول ندش غرفتنا نطفي الليت وننام
يعني بس اكيد البس اي شي مريح سواء كان حرير ستان او قطن بس لازم قصير للان متعوده
وطبعا اهم شي ريحتي تكون طيبه شعري ووجسمي اكيد
احط ع السريع لوشن جسم وكريم مرطب لوجهي بعد مااغسله ,وشعري لم انام يكون مرتب بس لم اقعد الصبح الله لايوريج الكشه ! كأني اسد متهاوش بالضبط!هههههههه
بس اهم شي ريحتج ,,مرات مااكون لابسه شي لان طبيعتي اتضايق من الملابس لم ايي انام ! البس بس شورت واتعطر ع السريع واييني ريلي يقول لي بنام على صدرج ريحتج حلوه ,,اقول بقلبي الحمدلله يارب لوووووول

وبس

 

[اخت خالتهم]

ألبس بجامة حلوة بجامتي اللي بالبيت ولازم متعطرة ونظيييفة
بس عااادي احسسه ان عايشين طبيعيين مو تمثيل

 

[قطوووة]

انا طموشة بس مو قادرة استوعب ان وحدة تنام بمكياج حتى لو خفيف

يعني من باجرية الا الكحل والمسكرا سايحين والا الغلوس ناشف !!!!
والدنيا معفوسة .. كلش ماظن انه منظرر رومانسي .. بدونه كان احسن ههههههههههههه


ههههههههههههه سوري بس تخيلت المنظر


سويتوها نمتوا بمكياج ؟ ؟؟؟؟؟؟؟؟؟


وذا المكياج ماخرب اكيد في ريحة حلج مالت طول اللليل ( سوري بنات بس هذا الواقع طبيا ان البكتريا اللاهوائية لها ري اكشن طول مده النوم ) وهذا مو دليل عدم نظافة

 

[صادقة بكلمتي]

حبيبتي انا عن نفسسسسي ما اعرف انام ولا اطلع الصبح من البيت ان طلعت الا متسبحة صيف شتا هذا السبب اللي دوم انا منه تعبانة وعظام جسمي مهدودة بس شسوي عادة من قبل الزواج حتى والحين مع الزواج نفس الحاله احيانا ان كنت مسوية غدا وجذي اتسبح ورا الغدا واتدهن وابدل ملابسي غسالتي دوم شغاااااااالة لوووووووووووول ولا يت انام ان كنت العصاري طالعة او مسويه رياضة في البيت على السير وجذي اخذ شور وادهن نفسي كريم واتعطر ولا يت انام اكون نظيفه حق نفسي قبل ريالي علشان الحمام الدافي يريح الجسم ومن نصايح امي لا تخلين ريلج ينقد عليج بريحتج لو كنتي بتموتين من التعب وانا ماشيه على هالنصيحة بصراحة عقب زواجي واحيانا اكون سابحة ونايمة احصل ريلي يبيني (؟؟؟)فهمتوا فما امنعه واكون اصلا مهيئة نفسيا وجسديا والحمدلله دوم يمدح بنظافتي وترتيبي بس ايام الدورة اول يوم بس اريح جسميو ما اسبح ومن يشرق صباح ثاني يوم اتسبح عادي بس اكون 24 الله يعزكم بالحمام اغسل الف مرة واتعطر ودهن عود ووو لاني اكره نجاسة الدورة

 

[رقـة الاحسـآس]

استغرب احيانا من هالاسئله لول
هذا ريلج
يعني ليش التمثيل؟

اكيد بتكونين عارفه وقت الاحم بتكونين كاشخه و قميص نوم وحركات
بس بعد الاحم مسحي ميك ابج مهما كان خفيف و عادي لو بدلتي و لبستي بجامه مريحه

ماعرف ليش مستهينين فالبجايم القطنيه
في وايد اشيا حلوه و حركات
شورتات و سليبنج شيرت

وطبعا لازم بتنامين شكلج مرتب و ماخذه شاور
اقصد مرتب يعني شعرج مشطتيه< انا اخليه مفتوح بصراحه ماحب اربطه وقت النوم
عطر ناعم و لا تكثرين
كريم مرطب و افضل شي مثل بيبي جونسون ريحته بيبات حلووه و خفيفه
وبدون و لا نقطه ميك اب و لا جحال وقت النوم < اكس كبير ع هالحركه

 

[بنت النور 88]

أنا مكس بين الاثنين. هيك وهيك

 

[توتا حمرا]

على حسب المزاج اخلط بين الاثنين
ولازم لوشن للجسم اما خلطات نوووووو

 

[رمز الفخر]

انا انوع مره بجايم قطنيه حلوه ومره قمصان
وبدون ميك اب بس كحل خفييييييف كانه طبيعي ولازم اللوشن والعطر والمرطب اكييد

 

[shy rose]

انا من الطرف الثااااااااااااااااني
ادور رااااااااااااااااااااحتي بالنوم