حزني وداني للنفسي

[ام منونه]

السلام عليكم خواتي


شلونكم شخباركم انا من زمااان عنكم بس ظروفي ابعدتني والحين انا بينكم رحبوا فيني


الحين بقولكم سالفتي البنات اللي يذكروني تذكرون لما قلت لكم عن وفاة ام زوجي وتعبت عقب وفاتها

الحين ياخياتي عقب صراااع اجبروني خواتي وعمتي الله يخليها لي ع اني اروح لدكتور نفسي لاني وسوست بمرض ام زوجي معاد كليت حتا بنتي وزوجي مالي نفس عليهم معاد نمت خوف وسواس قلق اكتئاب المهم رحت لدكتور النفسي وشرحت له حالتي من اوال للاخير وقالي هذي كلها نتيجة الحزن اللي انتي فيه وعطاني حبوب مهدئه ومنومه واتنسيني خالتي والتعب اسمها ريميرون بنات من فيكم كلتها وشنو حست فيه وكم مدتها وقالولي انها اتسبب زيااااااده في السمنه وفتح الشهيه تكفون ردو علي وقولولي:rgewrg:

 

[دلع العتبان]

الله يشفيج ياعمري اقري قران وايد

 

[الميمونيه،،]

مــآعـنديييييييييييييييييييييييييييييييييي فـكـــره ..!|~|

 

[رحــــيــــل]

حبيبتي نصيحة ابتعدي عن الحبوب النفسية

الحبوب النفسية تسبب لج كسل وخمول طول الوقت وتخليج ماتستوعبين أي شي يدور حواليج

تخليج نايمة على طول وماتقدرين اتحريكين تسوين شي

ويا حبيبتي لاتفكرين وايد " كل من عليها فان ويبقى وجه ربك ذو الجلال والإكرام "

كلنا بنموت انخلقنا من التراب وراح نرد له وهذا أمر رب العالمين

في الموت والمرض حكمة

وإنتي الحمدلله الله معطيج الصحة والعافية استمتعي فيها واشكريه على هالنعمة

واهتمي في بيتج وعيالج وانسي وشيلي هالوساوس من بالج لهي روحج بشغلات ثانية

مارسي هواياتج اشتركي بنادي سجلي بدورة سوي أي شي لاتقعدين فاضية

الحياة ماشية ما توقف

 

[عسل سل]

لااااااااا لييش تااكلين حبوووب لو فاادتج اول جم يوووم بعدين رااح تدمنيين علييها وماراح ينفعج وبتضرج وبتنكس حالتج اذا استمريييتي اغلب الدكاتره النفسيين يقوولوون هالكلااام ديري بااالج دامج على البر خليييهم وحااولي تتنااسينها خالتج انتي بنفسج.. وتذكري ان الوسوااااس والتفكير بالمشكله يتعب اكثر من المشكله نفسهاااا خلييج ذكيه عشاان صحتج ياقلبي

 

[قاهره عذالي]

انا اقول الرقيه وذكر الله بيفيدج اكثر من حبوب النفسيه ترا تزيد الوزن وتضر الكلى

 

[كويتيه سبيشل]

بسم الله الرحمن الرحيم حبيبتي حبيت أقول لج الله يشفيج انشالله وهذه أمور في الدنيا كلنا معرضين لها سبحان الله لكن يا حبيبتي العلاج القران توكلي على الله والتزمي بقراءه سوره البقره واهي شفائج لا تعتمدين علي الطب النفسي والادويه النفسيه تعبها أكثر من راحتها وبالنسبه للدواء سألتي عنه عندي بعض المعلومات:يسبب زيادة في الوزن وزيادة في الشهية يسبب له صداع ودوخه في اوقات محددة يسبب له تغير في الاحلام ويرى كوابيس يسبب زيادة في النوم وقد ينام الشخص اكثر من9ساعاتيسبب الخمول والكسل والادوية النفسية لاتعالج في اسابيع قليلة بل تستمر الى عدة شهور وقد تطول فيصيب المريض ملل منها ومن غلاء سعرها ويتوقف عنه تصبح حالته الصحية اكثر سوء مما كانت في احسن حال وقد يستمر العلاج ريميرون سنوات وليس سهل التوقف عنه الا تدريجيا ًوحتى لو كان التوقف عنه تدريجياً فلا بد ان تعود الحالة ويعود الى العلاج ويكون إدمان والافضل ان تبحث عن طبيب لايصرف ادوية حتى لو كان علاجك يحتاج الى فتره طويلة والحذر من الادوية النفسية اشد خطر لأن أدويةالاكتئاب تؤثر على مستخدمها

 

[عيش و مرق]

ياحبيبتى ترا كلنا بنموت ماتعرفين هشي هذه ينى قوى ايمانج بالله وتوكلى على وفوضى امرج لله ولازززززم يكون عندج ايمان بالقضاء والقدر

 

[هيبة فتاه]

يارب الله يشاااافيج حاولي تتقبلين فكرة الموت ....!
والحبوب مثل ما قالوا البنات ما تفيدج

 

[رنين...]

ياحبيبتي نصيحه مني لك لاتاكلينها ابدا ابدا فيه قريب الي ياكلها حقت اكتاب تدرين كم له عشرين سنه وهو ياكلها ادا تركها اثرت عليه صار مودي الكل يهرب منه وهالحين ياكلها الله يشفيه ......الله يعوضه

واختي كمان جاها اكتئاب بس انا رفضت انها تاكل حبوب استمرت ع سورة البقره يوميا بلاضافه الرقيه عند الشيخ وايضا الصدقه بنية الشفاء والحمد لله شفيت بعد سنة من مرضها .....اسال الله العظيم رب العرش الكريم ان يشفيك...العلاج يبيله عزيمه وصبر

 

[Flower20]

عالجي بالقرآن او عند شيوخ

 

[ام الدرر]

حبيبتي اسمحي لي بكون قاسية وصريحة معاك
كلنا فقدنا عزيزين عندنا امهاتنا واباءنا بس ماوقفت الدنيا ولا عذبنا انفسنا
((كل من عليها فان ))
حكمة رب العالمين
اسمحي لي هذا ضعف ايمان
بحزنك واكتئابك كانك تعترضين على حكم رب العالمين والعياذ بالله
انت ارحم منه جل وعلا على عباده
كانت مريضة ومرضها ان شاءالله تكفير لذنوبها
والله اخذ امانتها ورحمها من عذاب المرض
ليش الحزن والاكتئاب
فكري ياقلبي حزنك شبيفيد فيه
بيرجعها لا
بيريح قلبك لا
بيزيد من قدرك عندها لا اكيد
بيزيد من حبك لها واكيد لا
لانها خلاص تحت رحمة رب العالمين
مايخالف تحبينها وهي الله يرحمها ماقصرت بمعاملتها الطيبة معاك
جازيها بمنفعة مو بمضرة
بريها باللي تقدرين عليه من صدقات ودعاء
والاهم ارحمي ولدها
ترى حزنك على امه مايشفع لك عنده لما تصدين عنه
لا تفكرين انه بيراعي شعورك وحزنك على امه
الرجال يفكر بعقله مو بقلبه
نصيحة اخيرة
اترك الطب النفسي وعلاج البشر
علاجك بايدك
قوي صلتك برب العالمين بترتاحين
عسى ربي يهديك ويريح قلبك

​

 

[Q 8 Y A t]

يا حياتي

لا للنفسي ولا شي


روحي الجمعيه او عطار ثقة ما يغشج

اشتري التلبينة النبوية

تراها حلوة حق اللي فيهم اكتئاب



انا مجربتها


واي سؤال حاضرة

 

[كتكات احمر]

ماعندج سالفة
والحبوب النفسية موت بطيئ ابتعدي عنها نصيحة من مجرب

 

[هنووفوو]

داومي على قراية سورة البقره
كلام الله اهو الشافي المعافي لاتاخذين الحبوب

 

[MemoO19]

حبيبتي الله يرحم عمتش ان شاء الله ..
وحابه اقولش اني مريت في مرحله مشابهه لمرحلتش
ورحت الطب النفسي
وعطاني حبوب
واستمريت عليها لمده سننه طبعا لحبوب تعبتني زياده وما قدرت اخلي الحبوب طبعا قطعت الحبوب بالتدريج وبصعوبه مني انا من كيفي بدون ما اقول للدكتور
لانها بجد تعبتني وكل مره يزيد الجرعه
تركتهم واتجهت الى ربي والحمد الله
صار لي 3 سنوات ما شربت ومرتاحه نفسيا
نصيحتي لش حبيتي مالش الا ربش