حساسية الصدر

[هنااادي]

حبيت اسالكم عن حساسية الصدر حايشتني وبغيت اموت منو يعرف شنو اسبابها الدكتور يقول ابتعدي عن العطور والزقاير قلت مو بكيفي وامي تقول ايي من البرد شنو اسوي منو عندها خبرة

 

[بدورة القمورة]

حبيبتي حتي الفرش دير بالج

ولازم ماتحطين فرشه بغرفتج

 

[عسل سل]

رد : حساسية الصدر

معروووفه لاتقربين عند كل شي فيه غبره خخخخ الله ما كثرها عندنااا

والعطوووور يا حب الحريم لهاا خففي منها ومعطرااات الجوووو هذي برووحها سااالفه وخطره حييل وفليت ما فليت الله يكاافينا شر الزهيويات خخخخ والسبريييه مال الشعر هذي الاشيااار تجنبيهم اكثر من العطوورااات وبس

 

[هنااادي]

رد : حساسية الصدر

مشكورين علي الرد بس اللي قلتوا عنه ابتعد مستحيل مثل الغبار انتم تعرفون والفليت طبعا منطقتنا معروفه بالزهيوية سالوا عنها والباقي مبتعده بس الله يستر ويشافي كل مريض يااااااااااارب

 

[د/ احمد الخباز]

سلام

بالحساسيه للغبار نوعان:
1. تهيج بسبب الغبار نفسه وما يحمله من تلوث بيئي. هذا ممكن يحصل لكل شخص بتفاوت.
2. تهيج بسبب عث الغبار. وتعيش تلك في الأقمشه والمخده والسجاد والستائر.

فحص الحساسيه يحدد إذا كانت من العثه او لا. في حالة العثه من الممكن التخلص منها بالحراره العاليه وتقليل الرطوبه.
كذلك ممكن الشفاء من العثه عن طريق العلاج المناعي المحدد. وهو عباره عن طعم يعطى ببخاخ تحت اللسان بشكل يومي لسنتين. يقوم بتغيير مناعة الجسم بحيث لا يتحسس للعثه. واثره يستمر لمدى طويل جدا بعد انتهاء العلاج.

من الممكن استخدام العلاج المناعي المحدد لحساسيات كثيره مثل حساسيه حبوب اللقاح الموسميه, القطط والصراصير كذلك...

 

[NODA 2]

نفسج اريد حلً

 

[هامش الطيف]

انا عندي حساسيه بصدر بغيت اموت منها قالو لي ربو
وكنت اخذ ابر كرتزون بالوريد بسبتها
راجعت عند دكتور عبدالرحمن الاحمد وسوالي فحص حساسيه وطلعت عندي حساسيه من نبته بسبت الاقاح
وعطاني ابرة مناعه والحمدالله احسن بوووواجد الله يجواه الف خير

 

[danaa]

دكتور موسي خداده شاطر بامراض الصدر انصح فيه ...