حسبي الله على من ضيع فرحت عيدي

[hadoy]

ينات بقول لكم مشكلتي
لان حاسه بقهر وظلم وضايقه فيني الدنيا ماابي الا ان تدعولي الله يفرج همي ويكشف الكرب عني
مشكلتي صارلها اسبوعين صار خلاف بيني وبين مراقبي بس اعتبرته سوء تفاهم واهو قال حصل خيير لكن الطامه الكبرى كانت الخميس
سالفتي انه فنشوني من دوامي من غير سبب واضح وانا اشتغل بالقطاع الخاص مسؤلتي تقول عني ملتزمه بدوامي
ومراقبي لما سألته قلت له مقصره بشي قالي لا بالعكس شغلج تمام وملتزمه
مع انه اهواللي موقع قرار بفصلي ليييييييش حره بقلبي يقول دمجنا الشركات وصار عدد الموظفين وااايد مع ان في ناس صج مقصره بس واسطتها اقوى وانا واسطتي رب العبااد
ابيكم تدعون لي الله يكشف عني هالضر اماااااانه
واللي تعرف عن قوانين القطاع الخاص اللي متعلقه بنفس حالتي شتسوي
في حال انهاء خدمات الموظف
الكتاب اللي دازينه لي موقع بانهاء الخدمه 1 اكتوبر واهم عطوني الكتاب بتاريخ 3 نوفمبر
انا رفضت اوقع لان اللي وياي قالت لازم يقولون لج قبل 3 اششهر

 

[فلنتينو]

امبيه الله يعينج
بس مو علئ كيفهم يفنشون مني والطريق
شوفي شالسبه

 

[لياليـ]

اب
اب
لعيونج

 

[حبيبه العلي]

الله يفرج همج ماعرف بالقطاع الخاص

 

[مفسرة الاحلام]

الله يفرجها عليك من حيث لاتحتسبين

 

[hadoy]

اميييييييين والله منقهره لان مافي سبب محددينه اسألهم يقولون ماشالله عليج ملتزمه انزين شالسبب

 

[عادت ذكرياتي]

الله ياخذلج حقج ويفرجها عليج ..

 

[om_7soon]

ايي والله حددة قهر

الله ينتقم منهم وانشالله الله يفرجهاـ

ويسلموو

 

[حريتي بحجابي]

يمكن خير لك ماتدرين!
ادعي ربك وتوكلي عليه هو الرازق يمكن يسخر لك وضيفه افضل من الي قبل
الله يفرج همك

 

[english muffin]

لاتحاتين حبيبتي
الارزاق بيد الله

 

[منار البربرية]

انتي كويتيه ؟؟


لان الحين قاعدين يسوون سوالف علشان يطفشون الكويتيات من القطاع

الخاص مع الاسف ووحده تقرب لي

ظلوا يحفرون لها ليين طفشوها حسبي الله عليهم


قطع الاعناق ولا قطع الارزاق ​

 

[الزورق222]

ربى ماراح ينساج ان شاءالله ..

 

[over love]

بسم الله الرحمن الرحيم "أنما رزقكم بالسماء وماتوعدون "

لاتحترين ولاتحاتين الله وحده الى بيده الأرزاق مو البشر ألجئيله وماراح يضيعج

 

[Stay alive]

^
^

نفس كلامها

الله الرزاق وراح يرزقج باللي احسن من هالوظيفه

 

[روانتي 12]

الله ياخذ حقج منهم يارب

ولا تسكتين عن حقج ..,*

 

[hadoy]

انا محتسبه عند ربي واقول الحمدلله على كل حال وادري ان امر المؤمن كله خير والله بيده الارزاق بس انا توهقت اول شي انفصلت ماكوسبب مقنع
ثانيا انا علي اقساط
غير اني ادرس على حسابي بجامعه خاصه يعني طيحتي جايده
ومو اسلوب جذي ما يحسبون للموظفين حساب ابوي حبيبي قالي لاتشيلين هم
بس استحي اخذ من ابوي لان ابوي عليه التزامات ما ابي احمله اكثر
رفيجتي تقول رفعي قضيه الحق وياج بس ما عندي خبره بقوانين القطاع الخاص اذا وحده عندها خبره تقولي

 

[روانتي 12]

والله للاسف ماعندي خبره بالقطاع الخاص .. بس سمعي كلام رفيجتج احس انها صاجه

 

[Angel-Lady]

قولي

حسبي الله و نعم الوكيل و ان لله و ان اليه راجعون

اللهم اجرني في مصيبتي و اخلف لي خيرا منها

الرازق موجود و كاتب لج رزقج من كنتي في بطن امج لا تحاتين و ان شالله خيره لج بس استبشري

سمعي هذا المقطع

http://www.twitmunin.com/v/427161/والله-ماعاد-اشيل-هم-بكره/

الله يسهل عليج و يوفقج ان شالله و لا تربطين سعادتج و وناستج باحد ثاني

ما عندكم تظلم او شي مثل هذا؟ سالي الي اكبر من مراقب مدير و لا تيم ليدر او شي

طلعي و استانسي و غيري جو و نسي نفسج و و ادعي ربج و باذن الله ربج بعوضج ان شالله خير

 

[Queenleo]

والله حبيبتي خيره
يمكن في مكان احسنلج تكونين فيه
ووتوصلين لمركز كبير احسن من مكانج الحالي

بس شوووفي اول شيء استخيري اذا توقيعين او لا
وطلعي رقم المحامي العفيصان موجود بالنت
وايد شاطر
دقي واخذي استشارته
وووسمعي شيقووولج

 

[| تفاصيل |]

عسى ان تكرهوا شيئاً و هو خيراً لكم

الله يرزقج