حسبي الله عليهم ناوين نسافر عطوني فيزا ورفضو يعطون زوجي فيزا شنو الحل

[adriana]

:eh_s(11):بنات فيني حرقه حسبي الله علي السفارات الاوروبيه كانها متعسره تخيلو لنا شهرين مقديمن فيزا

علي اروروبا بنروح سويسرا والمانيا في شهر 6 ودينا الجوازات حقتي انا وزوجي السفاره النمساويه اسبوع واحد ورفضوها ليش قالو

لازم حجز الفنادق موجود ومدفوع الضاهر طبعا زوجي وانا مخططين ان احنا نختار السكن اذا رحنا يكون علي كيفنا لان

بنروح كذا منطقه طيب ورحنا قدمنا الفيزا علي السفاره الايطاليه صار لهم ثلاث اسابيع الحين تخيلو وقبلو جوازي عطوني

فيزا وزوجي ماجا الجواز حقه حركه تقهر كلمهم راعي المكتب قال رفضوها يقول يبون يسوون معاه مقابله مادري شحقه زين الحين انا

شافيه علي السفره ومخططه وزوجي حسيته يائس من السالفه يقول تعبت منهم اذا ماقبلوني بنكسل السفره تخيلو وانا قاعده

احن عليه يقدم في سفاره ثانيه الالمانيه مثلا لان من الطياره بننزل ميونخ علي طول وهذاني احاول فيه عسي يتسمح يقول

خساره مره ثانيه وحوسه قبلو ولا رفضو شسوي بنات عطوني حل وفي احد منكم صارت له سالفه مثل جذي تكفون

عطوني حل :eh_s(14)::eh_s(14)::eh_s(14):

 

[كويتية أصيله]

أختي العزيزة شوفي بقولج شي طبقيه حرفيا :

خلي زوجك يروح أي سفريات يعطونه حجز وهمي وإقامه وهمية لأسبانيا ويروح السفارة الأسبانية يفيز يعطونهياه في يومين ... طريقة مجربة

ولاتنسين تطرشيلي علي الخاص شنو صار عليكم.....

 

[ام عفاف الكويت]

حبيبتي والله ياشين لا وهقوكم والله
طبقي طريقته الحجوزات الوهميه والله يوفقكم

 

[prestige]

مالج الا الحجوزات الوهميه هذي طريقتنا

 

[أم صالح]

حبوبه الكل يسوي حجز فنادق وهمي وبعدين لازم تكون كل الطلبات مستوفيه عشان يقبلون الفيزا والشنغن افضل سفاره الاسبانيه ماتطول

 

[adriana]

هلا بنات مشكورين علي الردود نسيت اقولكم ان لما دزينا الجوازات علي السفاره الايطاليه كنا مسوين حجز وهمي لكل شي حتي في السفاره الي قبل يعني مافاد فيهم وجع
واخر ماتوصلنا للموضوع ان زوجي يأس منهم وقال حتي بلادهم بالمنه نروحها يذبحونا علشان فيزا ويذلون عاد زوجي عزم شكله علي ماليزيا

يقول يازينها لافيزا ولا شي سمحين عاد انا كنت شافيه علي اوروبا ابي سويسرا حتي الملابس جهزتهم كله شتوي حق السفره ياقراده

حضي بس انا ماسبق رحت ماليزيا الي راحت لها تقولي هي تونس وتسوي العنوه يعني بتعوضني عن سويسرا وابي اتسوق بعد سمعت ان

سوقهم زين هذا الي مهون علي شوي

 

[إستبرق]

حبيبتي لاتكدرين عمرج يمكن خيره لج ماتدرين والله
سوي بحث عن دول ثانيه وروحي استانسي والله يكتب لج سفره لسويسرا مره ثانيه انشاءالله
انا الشهر الطاف ابحث عن تركيا وعرفت عنها كل شي اني مقرره اسافر لها هالشهر ولا زوجي ياي يايب لي تذاكر يعني مفاجئه لتايلند هالشهر وانا رايحه لها 2007 بس قلت يالله خيره من الله وهم راح استانس وماليزيا حتى حلوه توني شهر 11 راده منها روحي بما انج بتعوضين سويسرا روحي كولا ولنكاوي وبننق وجنتنق نصيحه لاتسكنين فيها بس روحي لها من الصبح لي بليل ردي لانها تملل بس جوها حلو ولنكاوي احلى من بننق خاصه اذا انتي وزوجج بس لنكاوي تهبببببببل وتقدرين ماتروحين بننق لان مافيها شي زود تروحين لبانكوك تخلين تسوقج مناك او بوكيت لان اسوقتهم عندي احلى من ماليزيا بواااااااااااايد

 

[lolo6688]

حبيبتي ليش سفاره وتعبين روووحج
روحي بشرق في مكتب اهو خاص حق الفيزا تعطينه الجواز اهو خلال يومين او 3 يطلعلج الفيزا شنقن - احنا عمرنا مارحنا سفاره كله الفيزا عن طريق المكتب واعتقد سعرها 50 صارت اذا ماني غلطانه
واذا تبين دزيلي عالخاص اعطيج اسم المكتب ورقمه لان الحين مو موجود عندي عند ريلي

 

[أم صالح]

حبوبه ان شاءالله خيره وماليزيا حلوه من ناحيه الطبيعه والنظافه والسوق والاكل بعد اغلبه حلال وماتتأذين واذا معاج يهال راح يستانسون ورخيصه بعد واذا ماوياكم يهال تنقلوا من كوالالمبور وجنتنج روحيله بس يوم من الصبح لي المغرب براد وضباب والعاب بس انا ماحب انام فيه لانه مافيه شي غير الجو وروحي صن وي لاقون وبعدين الجزر اذا حابه رومانسيه انا رايحه من زمان شهر 11قبل 4سنوات بس بالصيف يقولون رطوبه

وبعدين لاتتحسفين خيره توه صاير زلزال بايطاليا ماتدرين شيصير باوروبا الله يحفظنا يارب

 

[gardenia.79]

اهااااااااااااااااااااااا وصلنا حق الدولة الحساسة ماليزياااااااااااااااااااااااااااااااا

طبعا اول شي انا الصراحة ما جربت ورحت دول اوربا من قبل بس اسبانيا المهم بس اختي راحت واحسها ما اتحب اتروح الحين غير اوربا مع اني عيزت وانا اقنعها ابماليزيا
المهم اختي انا الصراحة رحت ماليزيا 3 مرات نتتالية شهر 12-2006 وشهر 8 2007 وشهر 8 2008 والصراحة ديــــــــــــــرة عجيبة نظافه وجمال وسياحة وتسوق وراحلات وجزر وشي خيال لا والأكل كله حلاااااال وعلى كيفج وكل مطعم أرقى من الثاني - انا بحط لج صور بعض الفنادق والمجمعات وانتي انشاالله اكييييييد راح اتغيرين رايج وتقتنعين يا الغالية
هذا منتجع صن واي لاجون طبعا اهو يتكون من فندق وشقق وفلل وانا الصراحة قعدت بالفلل واذا انتي مع ريلج ابروحكم خليج عالفلل يعني مو علطول تقعدون فيه بو يومين حلو لا وفيه مجمع عووووووووووود ومدينةملاهي بعد أحطلج صورته بعد
أول شي هذه الفيلا

وهذه الملاهي والاكوا بارك

وهذا المجمع

والحين أخليج مع الفندق اللي قعدت فيه ابجزيرة لانكاوي اسمه وستن لانكاوي قعدي بالفلل شي راااااااائع

http://www.daleel-malaysia.com/vb/gallery/files/7/3/malaysia_one_bedroom_villa_exterior.jpg
ونطري اكملج يا الغالية

 

[saw-san]

حبيبتي في مكتب اسمه القبس موجود في الديره في عماره الدوليه اللي فيها مكاتب سياحيه يسوي فيزا لكم بدون لا تروحون للسفارات

بس ياخذ عموله

جربيه

 

[umlamis]

فعلا الدول الاوربيه صارواا مملين يدققون كثييييير ومومتساهلين ولا سمحين عكس شرق اسيا