حســـآسيــة آلحمـــل ... فيـــدوني آلله يعــآفيكـم

[رشرشني بعطره]

آلسلآآآآم عليكم ..
شلووونكم حووآآمل ,, عسى آلله يهووون علينآ يــآآآآرب​

بنــآآآت أنا هذا اول حمل لي (بجرية) وبنص السابع يتني حكة موطبيعية في بطني
ولدرجة أحك حيييييل صوب بطني مااوقف من الآلم وألمسها جنها حبوب بارزة شوي
بس كنت ما اشوفها لانها اسفل البطن وبعد مادشيت الثامن انتشرت بجسمي كله
والله مت وانا احك كل مكان طلعت وبعض الاماكن موحبوب لأ بس حكة آلم لدرجة قمت أحك
حيل ويطلع دم:eh_s(16):,,, تعبت وربي اقول حق الدكتور يقولي
"حســــآآآآسيــــة حــمـــل" وما أعطيج اي شي لها؟ :rgewrg: طيب شنو اسوي
والله ذبحني الالم كل مكان ولدرجة اقعد من النوم من كثر ما احك ..​

تعبت والله.. والله يصبرني يااااااارب وماتشوفونها ان شالله:yaaaaaarb:
آللي تعرف شي يخففها راااضيه انها تخف بس موتروح .. فالله يجزاها خير تفيدني وتقوووولي..​

وعسى الله يهووووووون عليكم ياااارب ويرزق كل محرومه .. آآمييييين​

 

[بناااوي]

حبيبتي روحي اخذي تحليل يمكن انزيمات الجبد مرتفعه عندج نفسي بولدي حكه مو طبيعيه والله يهون عليج

 

[FAAYE]

رد : حســـآسيــة آلحمـــل ... فيـــدوني آلله يعــآفيكـم

السلام عليكم ​

الله يعينك ,, انا جاتني من يومين وانا بنص السادس الحين​

واليوم رحت للدكتورة قالت احتمال يكون معك PUPPP​

الي هو Pruritic urticarial papules and plaques of pregnancy ​

وهذي ممكن تروح بعد ست اسابيع او بعد الولادة ​

ولا لها علاج غير الولادة بس راح نعطيك حبوب وكريمات تخفف الحكة لكن ما تعالج الطفح​

بس مدري اذا الحبوب والكريم الي كتبته لي موجود بالخليج والا لا لأني بأمريكا​

وبعد طلبت مني اسوي تحليل دم عشان ممكن يكون شي له علاقة بالكبد مو شرط يكون ال PUPPP
والف سلامة لك ان شالله​

 

[ايمان80]

والله انا نفسج من اخر السادس وانا اتحكك
احس نفسي وصخة كلشي فيني يحكني حتي اصابع ايدي
وبطني وصدري شي فضيع

ومالقيت حل الا اني اخلط كريم اسمه بيبانتين وايد زين حق تشققات البطن وحلمات الصدر مع الفاكورت مال حساسيه وادهن جسمي كله
يالله اهدأ
هالكريمين موجودين بلمستوصف
وانشالله ماعليج ضرر

 

[رشرشني بعطره]

رد : حســـآسيــة آلحمـــل ... فيـــدوني آلله يعــآفيكـم

هلا بناااوي حبيبتي ..
بس الدكتور اللي بالحكومة قالي بس حساسية حمل وتخف بعد الولادة بس اهو موحاس باللي اعانيه
وماراجعت خاص ليمه ألحين..
ووين تنصحيني اسوي التحليل؟!
وله اضرار انزيمات الجبد اذا كانت مرتفعه؟

مشكوووووره واااايد عالرد​

 

[رشرشني بعطره]

رد : حســـآسيــة آلحمـــل ... فيـــدوني آلله يعــآفيكـم

هلا faaye ياقلبي..
اممم انا بعد جذي قالي مالها علاج الا الولاده ..وووي وين أنطر ؟ ماطمني صراحة لاني توني بداية الثامن
ووين بعد اتحكك شهر او اكثر جدام .. والحين الجو بدأ يصير حار فيزيد أكثر الالم
يارب تستر وبسوي تحليل مثل ماقالت بناااوي وأن شالله خير
مشكوووووووووره حبيبتي عالرد​

 

[رشرشني بعطره]

رد : حســـآسيــة آلحمـــل ... فيـــدوني آلله يعــآفيكـم

أهليييين إيمان 80..
وآآآآي الله يكووون بعوووونج من السادس ومتحمله انا تو مبلش فيني احس مت من الالم
وعسى الله يهووون عليج وتريحين من هالتحكك والله حاسه فيج آلم فضيع
وعلى الكريمات اخاف مو زين لان شي مو واصفه لي الدكتور؟ فأحط زيت زيتون مرات احس اهون
من التحكك
يااااارب تصبرنا وتهون علينا يااارب

وثآآآنكس فداتي عالرد​

 

[دآنة آلرشآيده]

انا كنت نفسج
بس كنت ادهن جسمي
بزيت زيتون ويخف شوي

 

[cute-pink]

اختي ديري بالج انا مثلج جتني باخر الثامن وخذيت اسبوع من التاسع وولدوني لاني سويت تحليل لوظائف الكبد وطلعلت الانزيمات مرتفعه واللحين انا بالنفاس ووانا والبيبي بخير وعافيه بس نصيحه روحي بسرعه شوفي وظائف الكبد

 

[elzyn]

انا لما ولدت زادت معاي الحساسيه
والحين بحملي الثاني بشهر السادس ارجعت لي وذابحتني الحكه

 

[تل السكر]

الله يشافيج وتقومين بالسلامه
سوي تحليل دم لانزيمات الكبد اذا مرتفعه منها
ولها علاج ولان مو زين على البيبي يسوي فيه بوصفار
وجربي الصبار دهني فيه مكان الحكه والله يشافيج وتولدين بالسلامه

 

[شموووخ وغروور]

انا نفسج بالضبط عادي تحملي تروح فتره وتعدي
الله يسهل عليج ...

 

[دنيتي بنتي]

اب للرفع
بس نصيحتي سوي تحليل شخسرانه هذي صحتج
وبالحمل هرمونات وايد ترتفع
شوفي التحليل عشان تلاحقين عمرج
اهم شي صحتج

 

[MiiMoo]

نفس الحاله من حملت حبب جسمي وزاد لما دشيت التاسع والحكه ذابحتني ايدي وريولي وحبوب كل مكان وما احط الا كريمات تشققات انذبحت من الحكه

 

[بتبوتااا]

نفس حالتي الحين جسمي كله يحكني :/

وانتي روحي دكتور ثاني وشوفي شنو يقول ياقلبي

 

[بنت ريلي]

كنت ادور بخصوص الحكه ولقيت هالموضوع
بنات انا بالشهر الثالث سؤالي هالشي ياثر على البيبي؟ اذا على الحكه نتحمل بس انا خايفه على البيبي
اللي عندها فكره ياريت تجاوبني