حشره في بيتي تعيش ع دم عيالي ساعدوني

[ناريز]

السلام عليكم
تكفون تعبانه
ميته من الخوف ع عيالي
احنا في شهر 1\2007 سكنا بيت اهو قديم بس جددناه من الداخل
وطلع يهبل ونظيف
وقبل ما نسكن رشيناه احتياط وجبنا شركه تنظيف تنظفه
وردينا للبيت ومسحناه بالفلاش والديتول مخلوطين مع بعض
وكنا مرتاحين لحد ما شريت مثل التاج لسرير عيالي
من محل معروف بالاثاث بالشويخ
مادري اذا يصير اقول اسمه او لا بس اظن واضح
وشفت مثل النقط سودا ع البرده مالت التاج
وبعدين شفنا حشره سودا حجمها مثل حبه البنك
متنا من الخوف
وجبنا شركه ترش البيت
وقال مسؤؤلهم اشلون عايشين
هذي حشره تعيش ع الدم وما تنزل ع الفرش غير بالليل
وماتوجد الا بغرف النوم
وفعلا لاحظنا اننا مانشوفها طول اليوم بس بالليل
وماكو فايده امس شفتها بفراش بنتي
تكفون ساعدوني تكفون ساعدوني
انهرت لما شفتها تشفط من دم بنتي
حسبي الله ونعم الوكيل
من مرت عليها هالحشره؟؟
او سمعت عنها وعندها حل؟؟
ومنو تعرف شركه بس تكون ثقه؟؟
والا ما تقدر تساعدني-تساعدني بالدعاء لرفع البلاء
محتاجه لكم تكفون​

 

[كـلا كـلا]

طلعي المصدر
اللي اهو التاج

 

[ناريز]

انا مو متاكده انه منه شكينا فيه
وطبعا ع طول قطيناه
تكفون ادعولي

 

[هوى الدار]

اذا التاج عليه كفاله رديه يستبدلونه لج

وهالحشره ماتروح شيلي كل بطاطينكم وديباجاتكم وحتى السرير الطبي او الدوشق والسرير الخشب قطيهم بالزباله ونظفي الدار عدل بديتول ومطهرات واشتري كل شي جديد

هذي نصيحتى عن تجربه

 

[ناريز]

وينكم يا بنات
وين الدعاء
امانه عليها الي تدخل موضوعي
تدعي لي​

 

[كريستال ليدي]

الله يكافيج الشر انتي و عيالج يا رب

و نصيحتي غيري الفراش و البطانيات و الشراشف و المخاد و كل شي ... و يستحسن تحرقينهم بدال ما اتقطينهم عشان تتأكدين ان الحشرة راحت

و الله يرفع عنج البلاء انتي و عيالج يا رب

 

[شآعرة الخليج]

الله يكون بعونج حبوبه

بس اهم شي طلعي الفرش كلها بالشمس وخلي الشمس تدخل الغرفه

يعني خليها تتهوى دايما .. وحاولوا تتجنبون رطوبة الغرفه

لين تروح هالحشره

 

[احساس طفلهـ]

الله يفرج عليكم

وانا مع اختى هوى الدار قطى كل شئ فى الغرفه الانه انتى ماتعرفين المصدر بالضبط


وان شاءالله ماعليكم الا العافيه

 

[أميره بأخلاقها]

الله يرفع عنكم البلاء
والله شي يخوف ما ادري بس جددو الغرف

 

[@Miss Dio@]

طلعي اغراض البيت كلها بالشمس يرى واذا قدرتي تغيير المكان وتأجرين بمكان ثاني غيريه
كش شعر جنبي منا للي قريته عورني قلبي
الله يفرج همج ويفكج وترتاحين يارب

 

[قلبي*خضر]

قطي غرف النوم لانهم يعيشون على الخشب ايضا

 

[ام بشه]

الله يكفيج شر او ديري بالج لا تنتشر في البيت

 

[%عسولة الحلوة%]

الله يبعدها عنكم يارب وعن كل المسلمين يارب


الله يكون بعونج

ومثل ماقالو البنات بدلي الغرف وقطي الكنابل والديباجات اللي بالغرفة

 

[ناريز]

يا بنات كل الي قلتوه سويته
اطلع الفرس والاسفنج يوميا بالشمس
والغرفه اهويها دايما
وحريصه ع النظافه
حتى لما سالت المسؤؤل قال لا هذي حشره نظيفه مو من وسخ تطلع
لا احتمال من الخشب او الاسفنج
وباجر لنا محاوله مع شركه ثانيه وبنرش البيت
ادعولي امانه انها تنفع هالمره
واذا مانفعت راح ابدل الغرفه كلها
بس خايفه انها انتقلت في مكان ثاني
خاصه اني امس شفتها بالدار الثانيه
وسالفه اني اغير البيت رافضها زوجي
لان قطينا ثلاث الالاف ع تجديد البيت
ومو من البيت من شغله فيه بس ماندري شنو
الله يفرجها​

 

[حناينq8]

ردوا رشوا بيتكم مره ثانيه واكثر من مره
وشيلي التاج دام هالحشره موجوده فيه

 

[BsKoOoOoTa]

اي حبيبتي مثل ما قالو لك البنات لازم لازم تغيرين الكفرات والفراش والمخاد والبطانيات

ويييه ذكرتيني هذي الحشره اطلعت بعد التحرير هذي يسمونها ناموس واهيا تمص وتعيش على دم الأنسان

وتعيش بأطراف الفراش وتعشش بالزوايا وتحب الحراره وخصوصا بالليل تبتدي تتغذى

احنا بالغصب قدرنا نتخلص منها بالطريقه الي قلتلج عنا

والله يعينج

 

[بيتي بوب بس كويتيه]

اتذكر برنامج يقول انه الحشرات ما تموت الا بالشمس ولازم الغرفه يحوشها شمس
والله يبعد عنج وعن عيالج هالحشره

 

[z.alsayegh]

الله يكافيج الشر انتي و عيالج يا رب
حبيبتي غيري كل شي ...
و نظفي البيت عدل عدل
وانا بصراحة أول مرة أسمع فيها
الله يكافيكم شرها

 

[رضاب]

الله يفرجها عليكم


والله يحفظكم منها

 

[غزال قرطبة]

انا اقول حرقي الاثاث و قطيه

اهم شي اعيالج

لو تقعدون على الارض

بس لا تمص دمهم