حصري جدا كفالي كافيه - Cavalli Cafe

[<miss botamba>]

الســـــلامـ علـــــــيكمـ و رحمــــهـ اللــــهـ و بركــــــــــاتهـ


من زمان ما حطيت موضوع هني بقسم السياحه الكويتيه

اذا حابين تشوفون مواضيعي القديمه


غدانا الخفيف اللطيف في Lenôtre

ابو سليم

P.f. Chang's

b+f Open Flame Kitchen

Fatburger

كــرم كــــافــــيه


.....


الاسبوع الي طاف وصلتنا دعوه علشان نجرب كفالي كافيه قبل الافتتاح و ان شاء الله باجر بكون الافتتاح





الكافيه من بره




في قعدات خارجيه





والقعده من داخل
















الطلب:


المقبلات


اول شي الشوربه طلبنا شوربه بصل و شوربه طماط





شوربه الطماط وايد عجيبه بس عيبها ان الكريمه الي فوقها بارده و الشوربه لازم تكون حيل حاره علشان ماتبرد بسرعه والكريمه عباره عن خليط جبن فاذا بتجربونها طلبوا منهم ان الشوربه تكون حاره


شوربه البصل ماصورتها بس فاشله بالنسبه لي و شوربه لانوتر احلى


السلطات:

سيزر ربيان



وايد لذيذه والربيان وايد حلوه تتبيلته


موتزاريلا مع طماط وجرجير





حلوه وخفيفه



و طبق المقبلات اخير عباره عن روزيتو مع صوص بولونيز لحم مفروم و كريمه جبن

صوص اللحم المفروم بالماعون الصغير




الاطباق الرئيسه:


ستيك مع صوص ماشروم و زيت الفقع مع اعتقد جبده بط و خضار سوتيه



واااااااااايد لذيذ حبيته وايد و الخضار حلوه وتقرمش اول مره احب سوتيه هالكثر


بيرغر



خفيفه ولطيفه و جوسي


لازانيا



وايد حلوه جنها مالت بيت


بيتزا نص مارغريتا و نص ماشروم





حبيتها ذكرتني في بيتزا كنت ماكلتها بجنيف ... ناطعه


سكالوب دياي بالليمون





فاشل مو ستايلي بالاكل ومعاه عيش اسمر

 

[<miss botamba>]

الحلو:


كريم بروليه بالفانيليا و عندهم اكثر من نكهه



ماحبيته عادي نوعا ما .. الموجود عند لورينزو احلى



سلطه فواكه و الصوص عصير مشمش و ريحان



حبيتها خفيفه و لطيفه



اكلير كاكاو





حبيته حلو وخفيف



فوندو كاكاو





ماحبيتها وايد - اهيا اعتقد فيها مكسرات لان طالع طعم حراق مع الطبخ



و اخر شي كابتشينو مع كريم شانتيه على قوله المصري






حلو فيه طعم دارسين




تقيمي:


الجو العام: 10-10

جوده الاكل: 9-10

الخدمه: 10-10

الاسعار: الدعوه كانت مدفوعه بس الي قالوه لي متوسط الشخص اذا بيطلب مقبلات و طبق رئيسي و حلو بحدود ال 15 دينار - يعتبر زين على مستوى المطاعم الكشخه


للحجز

تليفون: 22201110


ونسيت شغله ستاف المطبخ كلهم ايطاليين الشيفز وهم بيبون وحده ايطاليه بس للحلو وهم مدير المطعم ايطالي

والمطعم موجود في غراند افينيو مقابل بوابه برستيج


وان شاء الله يعجبكم التقرير :eh_s(17)::eh_s(17):

 

[<miss botamba>]

شدعوه 50 مشاهده و لارد !!!

 

[فواصل]

الموضوع روووعة ماشاء الله

شوقتيني اروح الكويت حتى اجربه

الله يعطيج العافية على هالموضوع العجيب

 

[كويتيةحلوة]

عليج بالعافيه شكله روووعه

 

[هنـــد]

عليج بالعافيه

 

[cup-cacke]

امبيه بسبب الدراسه احس روحي من زماااااااااااااااان عن الطلعات

والله شكله حلو بس لان توه فاتح ف يمكن اكله مو مضبوط عدل ننطر عليه ويصير توب نفس غيره

يعطييج الف عافيه حبي

 

[ReeM ^ Style]

عواافي حبيبتي
عجبتني خضار السوتيه

 

[حبيبة اهلهاا]

واااو عليج بالف عافيه شكله يشوق

 

[غآب نورك ~]

علييج بالعافييه


يوعانه حدي واشتهيتت لوول

تسبميين ..

 

[شانيل نمبر 5]

عااااافيه
الكباتشينو عجيب

 

[Tom ♥ Jerry]

,


يشششششوق من قلب :*
يبيله


عليييييييج بالعافيه

 

[M!SS.LOBY]

بالعافية

 

[noor salam]

بالعافييييييييييييييييييييييييييييييييييييية حبيبتي

 

[foshia girl]

بالعافية

 

[دلوعه ززوجي]

بالعافية يشوق

 

[مشتطـه]

ياا حلو الكويت احس تغير الافنيوز بكبرة من طلعت منها

ما لحقت الا على قراند افنيوووو وبس

وشوقتوني بالانستقرام كل وحده حاطه كافيه شكل


بس بصراااحه غالي احس عرفو نقطة ضعف الكيوتيين وبنهبونا فوق ما احنا منهوبين

انا ما احب هالقهاوي للطلعات العادية

ارشحها حق معاريس وحق مناسبات او اذا بتعزمين شخص واحد عزيمة خاصه


15 مو شوية الصراحه

وشكرآ عالصور ويعطيج العافيه

 

[كل الفوز]

علييج بالعافييه

 

[jen2n]

هني وعافية يا الغالية

من المطاعم اللي ذكرتيها بالتقرير

شنو احلى شي !؟

 

[elegantway]

يعطيج العافية