حصري**ريجيم رمضان من مستشفى الاحمدي **

[LuLiTa]

سلااام عليكم ,,,, ​

حبايبي انا مثل ما عودكم كل ما احصل ريجيم من عيادة التغذية على طووول ايبه و احطه لكم اهني بالمنتدى و اليوم يايبتلكم ريجيم رمضان حصري عندي LuLiTa <<<مش هتئدر تغمض عينيك ​

الفطور (قبل الصلاة)::
3 حبات تمر
كوب لبن أو روب خالي الدسم
1 كوب شوربة عدس او خضروات (العدس من النشويات فـ نص كوب منه يعادل ربع خبزة)​

الفطور(بعد الصلاة)::
90 غرام لحم او دياي او سمج (مشوي-مسلوق-مرق-برياني-تشريب)
كوب عيش او معكرونة او حبة بطاط وسط او ثلاث ترباع خبز (ايراني او لبناني)
سلطة خضار (الخضار النشوية مثل القرع و البطاط و الذرة اذا ضفناه للسلطة فـ انقلل من النشويات الثانية اللي اهي العيش و الخبز و المعكرونة)​

وجبة خفيفة ::
حبة فاكهه او سلطة فواكه طازجة او بسكوت او شابورة او بقصم (3 حبات) او نص كوب محلبية او كستر (شرط يكون الحليب خالي الدسم)​

السحور::
نص كوب روب او حليب او لبن خالي الدسم
ثلاث ترباع خبز(لبناني او ايراني) او 3 حبات توست
60 غرام جبن قليل الدسم او لبنة خالية الدسم او بيضة +جبن او 4 ملاعق فول + بيضة (او جبن)
خيار+خس+فلفل اخضر ​

نصايح::
*كمية الزيت المسموح =5 ملاعق (زيت النخيل و جوز الهند مو مسموح)
*يفضل التقليل من الاطعمة الرمضانية ذات المحتوى العالي من الدهون و المقلية مثل الحلويات و اللقيمات و الكبة المقلية و السمبوسة (يعني حدج حبه وحده عن خاطرج بين فترة و الثانية مو اتمصخينها عاد :rgewrg​

*يفضل انج اتفجين ريجج بالفطور اول شي بالتمر و اللبن و عقب اتصلين و اتردين اتكملين فطورج (بالعافيه)​

*لازم نهتم بوجبة الفطور و السحور و ما نهمل و ما نكنسل وحده بينهم :eh_s(4):​

*شرب الماي مهم و ضروري لكن لا يفضل شرب الماي او السوائل بكثرة اثناء الوجبات​

*الرياضة المنتظمة هم مفيدة و لازم تشربون ماي قبل و بعد و اثناء الرياضة عشان ما يصير فينا اجهاد و جفاف :rerrerek:​

و تقبل الله صيامكم و طاعتكم :eh_s(7):​

 

[LuLiTa]

 

[كيكه توفي]

مشكوووره

 

[جلكسيه اس 3]

خوش دعايه مسويه
حقج هههههه

مشكوره
يعني نشترك معاهم ولا لا

 

[أحلى عيون]

يسلمو علي الرجيم وايد حلوووو ماتقصرين

 

[" ام حمود "]

مششششكورة وماقصرتيء

 

[LuLiTa]

حياكم الله كلكم ,,


سكرتيرة ::
افا عليج انا اضبطج بالدعايات ,,, و انا عندي مراجعاتي عندهم و كل ما عطوني شي حطيته لكم بالمنتدى اول باول <الزين عدنا ,,, و اذا حابة اتشوفين ريجيمهم حق الايام العادي شوفي مواضيعي

 

["البتول"]

مشكوووره ياحياتي

 

[LuLiTa]

حيااااج

 

[ام حنااين]

اشحلاته هالريجيم بس شلون نسكر حلوجنا عن الحلويات برمضان

 

[LuLiTa]

^^^
كل شي يهون في سبيل الرشاقة

 

[دلع انثه]

مشكوووورة حبوبه انشاء الله امشي عليه برمضان

 

[شيخه***البنات]

يعطيييييييييج العافيه عالرجيييييييييييم الحلووو ..

 

[شوقـي غ ـــريـب]

مشكوره حبيبتي ما قصرتي

بس هالرجيم جم ينزل بالشهر ؟؟

 

[^^ROSE^^]

يعطيج العافيه خوش رجيم

 

[LuLiTa]

حياكم ,,, و توه اخذت الريجيم هـ الشهر فـ ما ادري جم ينزل

 

[روعة خيال]

وايد راهيه بالاكل انا افطر على كوب عيش و ايدام و زيرو او دايت بيبسي

لي السحور اتسحر توسته وحده و تمره و كوب ماي و انام بعدها

 

[LuLiTa]

حياااج و احس جذي احسن عشان يكون في توازن بين كمية اكلج و طاقتج بـ نهار رمضان ,, بعد احنا صيامنا بـ عز الشموس الله يعين ,,