حضانة افنان

[و-د]

السلام عليكم بنات

في احد يعرف حضانة افنان الي في بيان جم رسومها ؟؟
وتنصحوني فيها ؟؟
و مشكوورين

 

[أم شواقه]

انا رحت لها العام ،،، لأني كنت ناويه أسجل بنتي فيها

ما ارتحت ،، الابلات بلات انفييييييييييسه

وأغلب الي اعرفهم قالولي نفس الكلام وانها مو ذاك الزود وطلعوا اعيالهم منها


وروسومهم ،، 170 دينار بالشهر ،، مادري الحين يمكن زيدوا

 

[و-د]

بعد عمري ام شواقه الله يهون عليج

جان زين اعرف الاسعار عدل الان مالي خلق اتعنه

انا باقي اعيالي بالابداع الامريكيه
بس قلت حضانه خل اخليها مكان ثاني
وحده قالتلي زينين بس الحين خليتيني اتردد

 

[الفرسان الثلاثة]

في حضانه في بيان اسمها الحضانه العامرة فيها لعب و دراسة القاعدة الحلبية يستقبلون من سنتين و نص و مكانها قريب من افنان ورا الجمعية اليديده رحت شفتها و عجبتني بس مترددة شوي انها يديده اذا عندج فرصة مري شوفيها و عندج في بيان بعد حضانه اسمها حضانة بيان النموذجية وايد يمدحونها صايرة صوب درسة اسماء بنت ابي بكر جهة طريق الفحيحيل
شوفيهم و قرري باللي ترتاحين عليه و بلغينا باللي يسير معاج

 

[mr000]

آنا هم محتاره بين حضانة أفنان والأنجلش بلي قروب بس كنت مفكره بأفنان اللي بالرميثيه بنت أخوي مدخله عيالها فيها ووايد تمدحها!والرسوم اعتقد موجوده بالسايت مالهم بس مومتذكرتها بالضبط!!

 

[الفرسان الثلاثة]

آنا هم محتاره بين حضانة أفنان والأنجلش بلي قروب بس كنت مفكره بأفنان اللي بالرميثيه بنت أخوي مدخله عيالها فيها ووايد تمدحها!والرسوم اعتقد موجوده بالسايت مالهم بس مومتذكرتها بالضبط!!

حاولي تسألين اكثر واتشوفين افنان اللي بالرميثيه لانها تختلف عن اللي في بيان في وحده قالت لي ان اللي بالرميثية وصخين ! والله اعلم .. مادري احس اللي في بيان اسنع منها

 

[manarah]

انا اعيالي دايما ادخلهم حضانه افنان اللي في بيان وما شفت منهم الا كل خير ومعاملتهم تهبل لي وللياهل واعيالي يحبون الحضانه ولا مره اشتكوا منها وهذا دليل على انا الابلات زينين ... هالسنه الرسوم 935 لانهم داوموا متأخر مثل ما تعرفون وبالشهر 170 .

 

[الدانة-81]

انا دخلت ولدي أفنان الرميثية و مسكين حطوه مع صف التخرج
فكل ما يودونهم حق البروفات يخلونه مع الأصغر منه و يبجي

و السنة اللي عقبها وديته حضانة رخيصة و مو كبيرة--مل منها بسرعة

 

[nandoshia]

بالنسبه لي الحضانه زينه ومعاملتهم حلوه ويتابعون معاج اذا في عندج ملاحظه،،، بس وااايد ماديين يعني مثلا رحله حديقه الحيوان ياخذون 3 دنانير بالله شنو فيها الحديقه لكل هذا ورسومهم غاليه بالنسبه لحضانه عيل اشخلوا حق الروضه.
تعاملت معاهم سنتين ونص مع بناتي وكانوا مستانسين ويحبون الحضانه وساعدوني بعد على قطع البامبرز.
وبس
اتمنى اكون فدتج

 

[جلاديلياس]

ماعندي فكره يالغاليه

رفع لعيوونج

 

[tmtmt]

شوفي انا بقولج بالتفصيل
اول شي جبال بيتنا واشوف عندها زحمه ما شاءالله

ثاني شي بنت جماتي يوم كانت بالحضانه فيها وتموت عليها وتحب تروح وكل اخر اسبوع يودونهم رحله بس ياخذون على الرحله واايد 3 دنانير

بـــــس للاسف مره كانوا رايحين رحله وردوا نسوها بالباص راح ابوها ياخذها يدورونها ماكو .. شوي ولا الباص راد يايبها ولا كانت نايمه وما يدرون عنها..
بس اول مره تصير وفنشوا الابله الي كانت بالرحله <<<< كسرت خاطري بس الي سوتها مو هين بعد ...

ثالث شي : بنت اختي ودتها حضانات الدنيا كل حضانه تبجي وما تب يواختي تدفه وتقعدها بالبيت

بـــــس يوم ودتها حضااانه افنان استخفت ما تبي تطلع منها
وتنطر متى تنام عشان تروح .. قامت اهبا تقعد امها

وعلى طوول تسولف عنها حتى الحين بالعطله طوول الوقت افنان وافنان


وان شاءالله فدتج

وما اعتقد راح تلقين حضانه كاامله لابد على الاقل شي واحد ماراح يعجبج