حضانة ريبورن وبنتي

[newq8ia]

السلام عليكم
بنتي باجر رابع يوم دوام بس كارهه الحضانه وبس تصيح واهي اول بيبي عندي شسوي شالحل اتفزز من نومها اتدورني بليز خبرتكم

 

[newq8ia]

اي وبعد شغله الحضانات سمعت انهم يسمحون للام او الخدامه اول فتره تكون موجوده وتنسحب هذول مايرضون وغصب ياخذون البنت

 

[zooQaa - 85]

عشان يمكن بنتج اول مره تروح مكان غريب عليها بس عادي كل الياهل يبجي اول الايام
انا بنتي عندهم بس عادي مع الايام راح تتعود علي الوضع

 

[tmtmt]

شوفي خطة اختي

اخذي معاج اي سويج سياره ما تستخدمونه
واذا مارضت تدخل

قوليلها شوفي هاج سويجي وانا بقعد اهني على الكرسي انطرج
وخل تدخل وانتي روحي

واذا يوم ماعندج شي
خل تدخل وقعدي نص ساعه خل يطلعونها تشوفج صج قاعده لين تتعود

مره عن مره قوليلها بس بروح اييب شي من السياره وايي

وبتتعود ان شاءالله ...


شرايج بالحضانه ؟
وشلون توها اداوم بنتج !

تنصحين فيها ؟

وابي مكانها بالضبط ماعليج امر

 

[ام لين3]

والله آنه بنتي اعفستني مدخلتها حضانه انجلش بلاي قروب
صدقيني اتسوي مناحه في البيت وآنه وابوها والخدامه مع بعض مانقدر انبدلها الصبح
لي حد ماخطرت على بالي فكره شريت هدايا صغيره طين عرايس صغار اقلام دفاتر تلوين الوان وغلفتهم واتفقت مع الابله والاداره ان كل جم يوم يعطونها شي وآنه من صوبي قمت اشتريلها بسكوت او كاكاو واعطيها اقولها روحي وزعي على اصدقائج عشان تكون صداقات شوي شوي
الحمدلله الحين تقوم مثل الشيخه الصبح وتروح تعودت والله وكيلج الهدايه ليحين ماخلصت اليوم انصدمت ماعطينها منهم
اليهال يبيلهم صبر ولاتعودينها ان تغيب لانه الياهل ذكي يعرف نقطه الضعف في اهله ويسغلها
مثلآ آنه بنتي صغيره عمرها 2 و8شهور واهي تبجي الصبح كانت تقولي ماما آنه اهبج مابي سكول تعور قلبي وماوديها بس لما مصختها قويت القلب والله المستعان

 

[ورود خذلتها العاصفه]

اخااف في احد يضايقها بالحضانه

 

[newq8ia]

كلمت الحضانه قالولي امس اهون من اللي قبله الله يعينها انا انقمت قلبي لما افكر فيها انها بمكان غريب وماتعرف احد
والله متكله علي الله والصبح اقعدها واسولف معاها والعب معاها واحط لها كل شي تحبه ولا رجعت نومتها عندي

تمتم والله مابين باجر خامس يوم بس الاستقبال خوش معامله بس مايبين الحين ١٠٠ بالاميه ومكانها يمي هذا اللي مهون علي واللا انا ودي بلومنج ديل اللي في الدسمه
الله يسلمج هذي بالروضه جدام العديليه يديده اتوقع صارلها سنه ونظيفه

 

[ام لين3]

بتعود حبيبتي لاتحاتين شكلج انتي الي متعلقه فيها مواهي الي متعلقه فيج هههههههههه
عادي هذي سنت الحياه لازم بهدونا وبروحون المدارس والجامعات وبعدين بروحون عند ازواجهم

 

[السهم الصويب]

واااااي اتينن الحضانه عندهم فرع بالزهراء

والابلات ايننون و المديره صغيره مس لطيفة اتينن

وعلى طول فعاليات واليهال مستانسين

عادي خليها تبجي انا ولدي اسبوعين يالله تعدل

بعدين راح اتحبها وماتصدقين هذي اللي كانت تبجي

 

[صفاءء]

بالفعل الكل جذي عادي حبيبتي

 

[cute loleta]

قوووه
ادري الموضوع قديم
بس انا قررت ادخل بنتي هالحضانه بعد تفكير عميق
بنتي عمرها سنتين وشهرين
بغيت اعرف متى أقدر أسجلها لهم فترات معينه اعتقد (كلش ماكو خبره بهالمواضيع)
ورسوم تسجيلهم وهل عندهم رسوم فتح ملف بعد؟
وبليز بليز ابي رقمهم عشان اعرف مكانهم بالظبط

ويعطيكم العافيه

 

[!الجادل الصعب!]

شرايكم فيها ؟!

 

[PuPa^^SWeeT]

بعد العيد تقدرون اتسجلون