حضانة ريبون..؟؟

[الغيســاء]

مساء الخير..
ابي اعرف اسعار حضانة ريبون .
ومستوى التدريس فيها...
ضروري كويتيات

 

[omtefel]

رد : حضانة ريبون..؟؟

بصراحة ريبون أسعارها غالية جدا ووديت ولدي عليها وما تعود أبدا وطلعته بعد أسبوع ودخلته حضانة الذكاءات المتعددة بالروضة يهبلوووون وايد أحسن من ريبون وأرخص منهم أنصحج فيها ممتازة

 

[cutemother]

رد : حضانة ريبون..؟؟

أنا بعد بنتي في حضانة الذكاءات المتعددة بالروضة على الدائري الثالث وفيها المميزات التالية:

1) المبنى شرح ووالألوان رائعة بصراحة والنظافة شي مو طبيعي.
2) المعلمات ممتازات ويفتحون النفس ويعطونهم عربي وانجليزي وفرنسي وكمبيوتر ورسم وانشطة وايد حلوة والمدرسات تعاملهم راقي جدا وبنتي وايد مرتاحة معاهم، ويودونهم رحلات.
3) عطوني خطة المنهج مالهم وأنا قمت اتابع مع بنتي في البيت.
4) عندهم حديقة وايد حلوة ومدينة ألعاب داخلية.
5) يعطون أخبار الطفل أول بأول وعلى تواصل دائم مع الأمهات.
6) عندهم برنامج عشان قط الحفاظة وبنتي الحين صارت تقول في حمام بس أحطلها الحفاظ بالليل.
7) سألت بحضانة ريبون بالروضة أسعارهم أغلى من حضانة الذكاءات مع أن حضانة الذكاءات متميزة عنهم.
8) بنتي تاكل عندهم وجبات صحية وبصراحة تروح البيت حيل شبعانة وما تعاكل إلى الليل.
انا بصراحة خبرتي وايد حلوة مع حضانة الذكاءات وبعدين إذا عندي أي شكوى أكلم الدكتورة صاحبة الحضانة وهي دائما تهتم باولياء الأمور وتحقق مطالبي أول باول.
كنت مسجلة بنتي بحضانة التميز بالروضة واي واي واي تلووووووووووع الجبد ومو نظيفة وقعدت بنتي فيها أسبوعين بعدين سحبتها بصراحة ذبحتني كل يوم صياح ولما وديتها حضانة الذكاءات المتعددة الوضع صار وايد أحسن الحين صارت تحب الحضانة وتعودت عليها.

 

[الـفـجـر الـبـعـيـد]

عاد بنت بنت خالتي وايد تمدح ريبون تقول عندهم سباحه وكمبيوتر

ياخذون من سنتين ونص ولازم قاط الحفاظه مادري ياليت

احد مجرب هالحضانة يقول لنا ........

 

[a7la_7b]

upppppppppppppp