حطيت فبالي أحمل بتوأم وحلمت هالحلم <--------

[Om.GhmaZaT]

السلام عليكم
حبيت أبدي بالموضوع علطول بدون مقدمات

صارلي جم يوم أدور بالمنتدى مواضيع الحمل بتوأم عن طريق عياده عند ماجده اليتامى او فوزيه القطان
المهم حلمت اليوم ...
​

إن انا حامل بس بطني موكبير حجم بطني تقريبا حجم بطن وحده بالرابع
ووصلت الشهر التاسع وبطني مثل مااهوه مااكبر
قلت حق زوجي ودني الطبيب ...قالي ليش؟
قتله من اول ماحملت لي الشهر التاسع ماتحرك ولا حركه أكيد أكيد اللي فبطني ميت..
قالي خلاص لبسي عشان أوديج الطبيب
قتله دقيقه أدش الحمام وإنتوا بكرامه ...
دشيت ولا احس بعوووار واحس شي ينزل ثقيل ودم بس للحين ماشفتهم خفت اشوف وانصدم
وناديت امي واانا قاعده داخل ودشت علي وقالت اشفيج قتلها شكله اللي فبطني طاح واطالع تحت ولا الياهل طاح
وشكله جنين عمره 3 او 4 شهور ... وانا كنت بالتاااسع
وشوووي ولا ينزل يااهل ثاني بس كبير يعني حجمه بالشهر التاسع
انصدمت قلت في ياهل ثاني فبطني ... بس بطني كان حيل صغير
المهم...
طلعنا الياهل الثاني اللي طاح بالمرحاااض وكان مبطل عينه يعني مو ميت
قلت حق امي الظاهر انا كان فيني توأم بس الاول مومكتمل ومات والثاني مافيه شي وطلع ولد بس اسمر شووي وشكله غير عنا يعني مايشابهه احد بس غسلنا وخذيناه واهتمينا فيه وينزل علي قطع لحم ودم وشي يلوع الجبد
بعدين يوم رحت الطبيب عشان يسوولي تنظيفات قالولي رحمج مشاءالله نظيف مافيه أي شي...
​

ساعدوني يعني شنو معناته ؟
اشيل الفكره من بالي ... الصراحه انا امي يايبه توأم ويمكن أييب طبيعي وأنا كنت ابي بالعلاج عشان مابي احمل ورى بعض
قلت أفتك توأم وأربيهم عشان ارتاح فتره طوويله بس اهم شي يطلعون كاملين مافيهم اي عيب او يموت واحد فيهم
:eh_s(16):​

 

[i'am THE ONE]

استخيري
ولما تدعين قولي يارب يكونون بصحه عافيه

 

[+ Gloom +]

رد : حطيت فبالي أحمل بتوأم وحلمت هالحلم <--------

حبيبتي انشالله خير بس اتوقع حديث نفس لانج تفكرين تحملين بالتوم ونفس الوقت خايفه من المشاكل الصحية ولله اعلم

 

[Un-6be3iya]

تبين الصراحة انا ماعرف بتفسير الاحلآم
بس عندي احساس ان تفسيره فيه خير لج
مادري هذا احساسي

الله يكتبلج الي فيه الخير

 

[Om.GhmaZaT]

مشكورين بعد قلبي ماقصرتوا ان شاءالله يكون خير ياااارب وانا امي دايما تقووولي اذا حلمتي بولد يعني رزق او خير
والله واعلم
وان شاءالله ياااارب الله يعطي كل واحد على نيته
اهم شي الصحه والعافيه هذا اهم شي

 

[كويتيه مذهله 87]

واضحه السالفه حبييتي من التفكير

واسااسا الدم بالحلم يفسده

والله يرزقج بتوأم يارب

 

[احب المنتدى]

رد : حطيت فبالي أحمل بتوأم وحلمت هالحلم <--------

حبيبيت ماكو الا كل خير
هذا خرابيط و حديث نفس

الله يرزقج ياااااااارب

 

[فاقده حنان ابوه]

ماكو الا الخير بس عشان تفكرين

ان شالله تحملين باحلا توام

 

[لهفة المشتاقه]

الله يرزقج بالتؤم السليم يارب
من التفكير الوايد بالتؤم حلمتي
ترى مو كل حلم يتحقق
دقي على مفسر الاحلام وفسري حلمج اذا خايفه

 

[الطربوش]

رد : حطيت فبالي أحمل بتوأم وحلمت هالحلم <--------

اول شيى لاتخافين لان مهما كان حلم
اولا الحامل في المنام يعني (هم)
وبعدين الدم يفسد معنا الحلم

 

[خليفة العظماء]

ان شاء الله خير بس لاتفكرين وايد بالموضوع ودعي ربج يرزقج بهالايام المباركه

 

[BiiShOoO]

ان شاء الله خير و الله يرزقج بالتوأم يااا رب

 

[Om.GhmaZaT]

مشكووووورين
وناااااااسه شجعتووووووووووني
ان شاءالله يااااارب اذا الله كاتب فيه الخير يصير

 

[virgo88]

عسى الله يرزقج بس مبين لانج تفكرين بالشي تحلمين فيه

 

[^noonaa^]

الله يرزقج يارب باللي تبينه


بس لا تنسين ترا التعب يكون مضاعف سألي مجرب

الله يحفظهم لي يارب

 

[الفنانه79]

رد : حطيت فبالي أحمل بتوأم وحلمت هالحلم <--------

هذا عقلج الباطن

وان شاااء الله خير والله يكتبلج توأم يارب

 

[سعادات]

لا تفكري كثير سيبها على الله يصير خير اتوكلي على الله هو الرزاق سبحانه

 

[فديت قلبه]

اتوقع حديث نفس
يعني مو حلم بس هواجيسج

 

[توكلت على الله 22]

ان شاء الله خيييييييير

اتوقع حديث نفسج

الله يرزقج بالتوئم المعاافى