بنات خل اقولكم اخر شي صار
شوفو هذاك اليوم بيتنا فاضي و طلع برنامج تو الليل مال خالد عبدالجليل وطلع لقطه اثرت فيني وانا طبعا من صارت السالفه و دموعي بين رموشي نسمة الهوا تطيحها و قمت ابجي ابجي والله العظيم شهااق تولون جاهل يبجي وما كان في احد البيت وانا طبعي ما احب اشكر همي لابوي لان في اللي مكفيه ، و جيبت بدق على بنت خالتي الا الخبله قمت و دقيت على زوجي بلغلط من تلفون بيتنا ، هو الظاهر نايم و انا قلت الو وانا ابجي ما ركزت منو واهو يقول الو منو فلانه انا يوم سمعت صوته قلت له باي انا ما اقدر اتكلم و قعد والله ما اسكره انتي فيج شي شفيج تبجين قلت مافيني شي خلاص بسكر وانا ما اقدر اتكلم و من سمعت صوته بزود كل حرف بلحسره يطلع و قعد يحن فيج شي احد سوالج شي ، احد مضايقج بط جبدي ودي اقتله يعني ما يدري قلت ما اقدر اتكلم قالي خلاص سكريه و دزي مسج قلت اوكي انا سكرته و ابجي وابجي زياده قام الاخ ويدق ويدق و يدق على البيت ما ارد بعدين رديت قلت شفيك قالي فلانه تراني احيج والله ما اعيش من دونج والله اني تعبان اكثر منج والله ان وسواسج ذبحج وقسم بالله و من هالحلف ان مالي علاقه فيها شتبين اكثر من اللي سويته ، انا ياويلي على مسكتها بنت الشوارع بنت القحـ ... اللي فيها و اللي مو متربيه هذي مالها والي بالجامعه من واحد لين واحد و حتى خالي ( مخربط معاها ) ويوم عرسها والله يا فلانه ان بالدوانيه يسولفون يقولون اليوم عرس وحده مو عذراء شتبين اكثر من جذي انتي تسوينها و تسوين طوايفها ومن هلكلام و قالي بس الوسواس ذبحج وانا رحت العمره و حتى صورت عشان اوريج ، والله اني ما اكلمها و انا قلت اوديج كيفان وامترها لج بس ما ابيج تشوفين الزباله ، وانا ابجي قالي قومي بدلي بجيج اباخذج قلت له لو تطلع نخله براسك ما اطلع ، وبعدين مسوي لج مفاجاه و ابيج تشوفين شنو صاير فيني ومن هالكلام ، لما قعدت افكر قلت خل اروح ، جاني البيت وويوم شفته ضعفان و حاط لحيه وقالي شوفي فراقج شنو سوا فيني والله انتي كل دنيتي يا فلانه انا ما ابجي مني و الطريج بس لاني احبج قلتله اني فقدت الطفل وانا ابجي ومسح دموعي قال اهم شي انتي والطفل يجي بداله ان شاء الله ، وداني مطعم وانا طبعا مطنقره و يحاول فيني وبعدين قالي شوفي وجهي شنو صاير في قلتله وانا شوف شكلي يقولي حلووه بس التعب باين عليج قلتله ليش ما سألت عني يوم بالمستشفى قالي لانج ذبحتيني وادري لو بسأل بتسوين لي سالفه خاين و تفضحيني فضيحه،قلتله انا رحت الجامعه ترا وشفت الوضع جان يقولي من قالج تروحين من غير لا تقولين لي ، قلتله بشوف قعد يقولي شوفي هذي البنت معروفه بالمنطقه انها مو زينه وانا ما ابيها تضرج بشي انا ابي ابتدي معاج صفحه جديده و طاريها لا تجيبينه ولا تذكريني فيها ، انا انساها و انتي تجيبين طاريها ، قلتله وانا عندي شرط ابيك ترد ربع اللي كنت اول قال ارد و اصير احسن ، واللحين يا بنات قلتله خلاص انا بروح بيت اهلي يومين على ما ارتاح و تعال اخذني ، بس اليوم سوه حركه خايسه دقيت قالي بدوانيه ادق عليج ان طلعت طلع 3 ساعات ما ادق دقيت قلت وينك جان يقولي بالقهوه قلت له ليش ما دقيت قال نسيت طلعت من الدوانيه ورحت ,, ادري بتقولين لا تصيرين حساسه لهدرجه ، بس لو تشوفونه اول دقيقه ما يخليني اذا مو مجابلني يكلمني ، و بنات شرايكم بالي صار .. ؟ اهو امس اخذني من بيت اهلي واليوم رديت لاني قلت ابي ارتاح يومين و تعال .. .
