حفاضات Darlings دارلينفز

[قلبي خالد]

السلام عليكم امهات
بسألكم عن حفاضات دارلينقز شرايكم فيها اذا احد مجربها او يعرف احد جربها عفيه يقولنا شرايه فيها لانه صج لاعت جبدي من بامبرز مأذيه ولدي حيل وريحتها خلاص بغيرها و الي دارلينفز

 

[++MesK++]

حبيبتي نصيحه من اخت لاختها

ليبرو و بس


لا بامبرز ولا دارلنج و لا اي نوع ثاني


البامبرز تطلع ريحه خايسه و عيالي التهبت المنطقه عندهم مع أني اغير لهم اول باول


جربي ليبرو ممتااااااااااز


و ادعيلي الله يسهل علي

 

[فتاة-العنف]

قلبي خالد
انا استعملت بامبرز ودارلنج وليبرو وهاقيز شرايج فيني وانا مجربه نص الجمعيه
بابمبز مو شي كان عندي يسرب وايد وليبرو وهاقيز مافيهم شي عادي يعني بس استقريت على دارلنج لانه ما يسرب وماشي مع ولدي ليبو الكل يمدحه وانتي كيفج بس كا استعمل دارلنج والحمدلله مافيه شي لا يسرب ولا حساسيه

 

[*caramel macchiato*]

مافي على libero احسن نوع وعمري ماشكيت منه ....

 

[ام الحوراء زينب]

انا استخدمتهم حق ولدي وايد زينين
بس عجبوني هجيز احسن

 

[Espinoza]

اختي كل ياهل و بشرته ...

انا بنتي استعملت معاها دارلينغز وكان تمام 100%

ولدي استعملت له دارلينغز بعد قام ينفر جسمه وصار احمر مع ان اغير له على طول..

واستخدمت بامبرز حقه وماشاء الله من احسن ما يكون ما تسرب ولا تنفر .. يعني على حسب البيبي

 

[نوسآ]

أنا استخدم لبنتي و ولدي ليبرو احسن نوع

 

[أم الليالي]

ليبيرو زين بس ترى يسرب واااايد اذا الطفل لسه يرضع وغالي ،،،، وبامبرز الاجنبي ممتاز خصوصا كيلوت النشاط بس العربي إكس ويسوي طفح ودارلينغ حاليا استقريت عليه أبو شورت التدريب حلو ويتحمل عقبال ما نخلص إن شا الله من الحفاضات ولويتهاااااااااااااااااااا

 

[الجويرية]

على حسب البيبي ...
ولدي دالنقز ممتازززززز عليه
وبنتي كنت بلبسها نفس اخوها وحاشتها حساسيه منه واستعملت
لها ليبرو روعه عليها حسب البيبي ليبرو فرنسي ممتاز

 

[مرايــــــــم]

انا استخدمهم لبنتي حيل زينين

 

[hneen2]

انا بامبرز بنتي انصلخت منه حياتي


بس غيرته لليبرو صارت تمام الحمدالله ارشحلج ليبرو

 

[MOOON&M]

طفل عن ثاني يختلف


انا بنتي كانت دارلنق


بعدين بامبرز


بعدين استقريت على ليبرو

 

[فاقده حنان ابوه]

انا استخدمت دارلينغ حق بنتي اول شي وبعدين استخدمت ليبرو مانفع مع بنتي الصراحه كلش ورديت دارلينغ مره ٢

 

[ام الحلوااات]

عــــنــــدج بـــيـــبـــــي جــــــــــووووي وااااايـــــــــــــد زيـــنـــه

 

[حرم_الغلا]

آنا مجربتهم لولدي روووعه ‏

 

[قلبي خالد]

الحين استخدمتهم لحد الحين الوضع اوكي معاه

 

[faty87]

انا استخدمت لولدي بامبرز بس كان يسرب وريحته مو حلوة
وبعدين استخدمت دارلينغز وكان كويس لحد فترة وصار يسرب لما كبر ابني
والحين استخدمله بامبي اللبناني لانه ناسب ابني اكثر وما يسرب​

 

[ريح قهوه]

انا استخدم ليبرو حلو بس اكتشفت انه ماتحطين معاه لافازلين لابودر بروحه مايطلع حساسيه لان بنتي كان جلدها ينصلخ منه وغيرت حفاظات واجد بس تسرب عقب قمت احط ليبرو بروحه وراحت الحساسيه

 

[عشماويه]

دارلينغ ماشي مع ولدي من اول ولادته

ما يسرب ويفشلج ويستحمل بعد إذا كنت طالعه وصعب ابدل له

 

[فرح79]

بنات شو رايكم بهقيز