حفلة الحجاب

[فاصوليا]

هاي بنات

مادري وين احط موضوعي باي قسم قلت احطه مني عشان الكل يشوفة وتردون علي وما تطنشوني:eh_s(2):

معزومة على حفلة تحجب بنيه وموعارفة
اذا يقدمون لها هدية والا لأ؟
اخاف اودي هديه يقولون شفيها هذي:eh_s(6):
وان ما قدمت يقولون شدعوة:eh_s(6)::eh_s(14):

 

[الخجووولة]

بحفلة الحجاب يقدمون هدية وانا قدمولي :eh_s(6):


لا تخافين ماراح يقولون شي قدمي هدية وانتي مرتاحة :eh_s(15):

 

[مسك 3]

ما أشوف فيها شي بالعكس الهدية تفرح
أحس أحلى لو تودين هديه

 

[blue ocean]

اول مره ادري انه اللي تتحجب يسوون لها حفله
الفال لي

 

[فاصوليا]

مشكورييييييين واييييييييييييييد

والفال للجميع

 

[ملاك هدية]

صج صار للحجاب حفله

 

[ضوى العيون]

اي بس انا مالحقت على حفل لحجاب راحت

 

[سعادتي برضى ربي]

السلام عليكم

حركه حلوه للحجاب حفله صج اهيا قديمه لكن حلوه ,,,لأنها تشجيعيه لها ولغيرها من البنات

واللي اعرفه انه يقدمون هديه

 

[زمان الصمت]

والله شوفي حبوبه أنا لما رفيجتي تحجبت شريتلها مجموعة لفات شي من فولار وشي

من نوراااااااان وااايد كيفت عليهم مع إنها ما كانت مسويه حفله بس حبيت أهديها

فإخذي هديه وإنتي مرتاحه لأن الغالبيه راح يهدونها

 

[MANGA]

حبيبتي اخذي هديه وانتي مرتاحه لانه حفلة الحجاب لازم هديه سألني انا

لانه ما شالله صارت عندنا حفلات حجاب وايد وكلها لازم وضروري الهديه لانها تشجيع

للبنت من جذيه اهلها سولها حفله ::وتقدرين تاخذين :

- ملافع مع بدله وجنطه

- عطور

- فلوس بس تقدمينهم بشكل حلو وراقي مو بالظرف

- ذهب

والله هذا الي اشوفه يقدمونه حق البنات في الحفلات الي عندنا

بصراحه اكو بعضهم يقدمون بعد عبايه مع ملفعها

وعلى راحتج شنووووووو تاخذين كل الهدايا حلوه والبنت راح تستانس

 

[بوران]

اي يقدمون هدية

شرايج تكون الهدية حجاب ابيض مال مدرسة

 

[MaYoOoma]

وناسه ليش ماكو على ايامي حفله ابوي توحد فيني وامي بالنفاس وخلاني اتحجب غصب ههههههه

وديلها شي على عمرها + شيلات وشغلات حلوه للمتحجبات

 

[الأماكن]

واااااااي ذكرتيني باللذي مضى
يحليليها الله يوفقها
و بصراحة فكرة حفلة الحجاب عجبتني
على أيامنا كانت اللي تحجب يعطونها فلوس هدية و تشجيع
آنا محجبيني غصب
و كنت أبجي لإن رفيجاتي الروح بالروح قالولي إنهم بيتحجبون السنة اللي وراها
و أنا أمي و أخوي غصبوني
و قعدت أبجي بجي لإني الوحيدة فيهم المحجبة:eh_s(11)::eh_s(11):
يحليلينا قبل وناسة و طفولتنا بريئة

و على طاري الهدية
جيبي لها إكسسورات حلوة
خاتم ذهب
مصحف و سجادة مغلفين تغليف حلو أو بصندوق
أو فلوس و هذه أفضلها لإن ممكن تشتري الشي اللي يعجبها

 

[جرح الليالي]

حبيبتي لما سويت حفلة حق بنتي

يابو لها عطورات
بدلة مع شيلتها

وسوالف حق اليهال << هي تذكرهم اكثر خخخخخخخخخ

بالاضافة الى الفلوس :eh_s(8):

 

[فاصوليا]

مشكورين بنات واايد
وان شاءالله اقدم حق البنية هديه واشوة قلتو لي
عشان ما اروح وايدي فاضية

 

[ردينه]

وناسه ----- قدمي الهديه و انتي واثقه --- بس لا تنسين تقولين لنا عن الحفله شلون كانت

 

[رقي]

ودي لها ثوب صلاة فله

 

[فاصوليا]

حلوة فكرة ثوب صلاة
بس فلة !! اهي اكبر من مستوى فلة:eh_s(10):

وان شاءالله اقولكم عن الحفلة لاني اول مرة بحضر حفلة حجاب
انا ما سوو حقي :eh_s(16):

 

[ملوكه84]

اذا البنت صغيره عمره عشر سنوات اشتريلها طقم كامل سجاده مع ثوب صلاه (على فلة)يبيعونه بسنتر بوينت بعلبته راقي وحلو اضافه الى قران صغير ومسباح


هذا اكثر شيء يقدمونه في حفلة الحجاب

ولازم هدية فشله ادشين وايدج فاضيه

 

[زيـنـه]

حلوه حفلة الحجاب ..تشجع البنت و غيرها على الحجاب و تفرح البنت و المعزومين .. و على الاقل مناسبه لها هدف افضل من العيد ميلاد بنظري .
و من رايي تهدينها .. لان تهادوا تحابوا مثل ما قال رسولنا الكريم صلى الله عليه و سلم.
و الهدايا متنوعه مثل ما قالوا البنات ..
حجاب او مجموعة ملافع
فلوس كاش تقدمينها بطريقة حلوه
عطر او مجموعه الكامله للعطر
ذهب و اكسسوار راقي مثل شواروفسكي مثلا بروش او خاتم .