حفلة الملجة بليز ساعدووني !!!

[سـلام العـشق]

السلام عليكم

شلوونكم عراايس ؟؟!! وشلون التجهيز معاكم ؟!

تقريبا أغلب اللي بالقسم مالجين وقاعدين يجهزون حق عرسهم

واكيد بعضكم سووا حفلة للملجة ويقدر يفيدني انا صراحه اكبر خواتي وما عندنا خبره بهالسوالف كلش

ابي بنات تعطوني اماكن اقدر اشتري منها نفنوف الملجه طبعا راح يكون ابيض او اوف وايت

بس ما ابي موديلات العرس اللي تكون نافشه وايد ابي شي يصلح للملجه هذا اول شي

ووين تنصحووني بمكان حلو حق الكوش ابي كوش بسيطه حق البيت واذا احد عنده افكار بعد ياريت

المسكه تقريبا انا قررت اشوف بياع الورد وايد يمدحون شغله بس بعد محتاره بالالوان :krkrkr:
ياريت اللي سوت حفلة ملجة تفيدني بكل التفاصيل من بوفيه وكوشه ونفنوف ومصورة وميك اب ودي جي

وكل ملحقات الملجه لأن صراحه احس حدي متوتره ولا عارفه ابلش بشنو :eh_s(16)::eh_s(11):

اي ملجتي راح تكون بعد 3 اسابيع وبالنسبه لسعر مو مشكله الحمدلله مهري زين والعرس راحي يكون على اهل المعرس​

 

[عروس يونيو]

روحي ليلى جاليري

كوشه أخذي من المصمم خالد المالك بشارع سالم مبارك

البوفيه أخذي من موفنبيك أحلى شي

 

[kuwiteyah]

بالنسبه حق المكياج فيه طبعا حنان دشتي ولابرجوازي
شغلهم حلو وهذا الي هابين فيه البنات
بالنسبه للبدله انا رحت اتيليه ابيلونس وعجبني شغلهم وسويت عندهم شغلهم وايد حلو
وهذا رقمهم 94978090
وعسي الله يتمم عليج

 

[cute katkota]

أول شي الف مبروك حبيبتي والله يوفقج ويسهل عليج يارب


حبيبتي امممممم انا ماعرف بهالموضوع وايد بس بقولج اشياء وانشالله تفيدج
طبعن الاحسن اذا بتسوين حفلة ملجه وعرس لازم ماتلبسين بحفلة الملجه نفنوف ابيض او اوف وايت، لان لازم يصير شكلج غير بالعرس وبنفنوفج الابيض تطلعين بطله اقوى وافخم

أما في ناس بس يسون حفله ملجه فهني العروسه تلبس نفنوف ابيض او اوف وايت ن عشان تستانس تلبس بدلتها البيضه



ثانيا،،، الحفله خليها محفوفه يعني مو تعزمين واايد ناس، خليها بين الاهل احلى بس شوي على كبيره، عشان بالعرس تقدرين تعزمين الكل ويصير العرس طبعن اكبر واحلى


النفنوف ماعرف محلاتهم بس في وايد مصممين او محلات بليلى جاليري وغيره

سالفة الكوشه خليها نااااعمه وانيقه، بلا خبه وسوالف مالها داعي،
اولا لانه بيت ، والمكان مو مثل قاعه افراح سقفه عالي ومكان الكوشه وسيع

ووايد ناس يخلون محل ورد معروف وشغله حلو يشتغل بالكوشه ويضيف عليها لمساته تصير وااو وحركه حلوه

خل يحطلج ورد باكثر من مكان يصير الجو وايد حلو ويعطي روح بالمكان

 

[cute katkota]

والبوفيه عندج رويال موفمبيك او الوطنيه احسن شي
وفي غيرهم بس ماذكر اسمائهم للاسف

والمكياج خليه انيق وفخم بس مو ووااايد، عشان شكلج يفرق على الناس بليلة العرس،
تقريبن مثل المكياج اللبناني جذي حلو،
وشعرج رفعيه بتسريحه ناعمه ومو خبه،

دي جي يقولون الرندي زين، والله للاسف ماقدر افيدج بس سئلي وانشالله البنات يفيدونج اكثر


ونصيحه المصوره لحفلة الملجه لاتيبين مصورات او استيديو فخم وغالي لانه راح يكلفج عل فاضي واساسن الحفله محفوفه،
المقصد، يعني مصور معرفي او فوتوجيت أو غيره خليهم للعرس احسن من الملجه،

والملجه اخذي مصور مرام او وحده من المصورات المصريات احسن لج واوفر لج،

لان حرام حتن لو بتيبين معرفي وغيره المكان ماراح يساعد بالصور وايد، وراح تنضلم الصور، اما لو كان بقاعه مثل العرس والاضواء والديكوات تطلع الصور عدل!

فانتي لعبيها صح

باختصار خلي حفلة الملجه تختلف عن ليلة العرس،
من ناحية المكياج والنفنوف والمصوره والكوشه

 

[Miss-LuLu]

انا انصحج بحفله الملجة تاخذين نفنوف ملون مو ابيض او اوف وايت لانه وراج عرس

 

[زهره الجلنار]

البدله شوفي المهلب فوق وعندج مجمع النقره الشمالي وفي بعد الحمرا مول فوق وليلى جاليري
والمكياج عندج الشرقيه اللي بخيطان عند ليلى يهبل مكياجهم وسوي تسريحه ناعمه ومرفوعه

والكوشه لاتتكلفين فيها وايد لانه بالبيت لازم تكون وايد ناعمه والبوفيه عندج الموفنبيك او الوطنيه او الديك الرومي وفي بعد شغل حريم عندج ام حسين الكاظمي شغلها اينن وام بدر الانبعي لايعلى على اكلهم الصراحه

والمصوره عندج المصوره هنا احنا دايم انيبها بمناسباتنا سعرها مناسب وتصويرها عجييييييييييييييييب والكل ياخذ الرقم منا والله من يشوفون الصور هذا رقمها 66050952

ولازم اتحطون دي جي انا عندي رقم دي جي يبته بملجة اختي كلفنه 40 دينار بس يهبل وعندهم بعد كراسي وعندهم خدمة سيارات هذا رقمهم 99027005 اهي وحده مصريه تبع مركز الاسطوره

ويبنا حلو القهوه من شوقر اند سبايس وتقدرين اتيبين انتي من اوبرا او واو او مندرين انتو وذوقكم

وبعد في شي احنا نسيناه بملجة اختي نسيت اسويلها صينيه العصير والقلاصات بالحفلة تذكرت عاد قطعت لها ورد جوري وحطيته بصينية بخور كشخة عنده رقعت الموقف

ولاتنسين تشترين لج بدله حلوه وراقيه حق طلعتج مع ريلج بعد الحفله والجنطه والحجاب وعزج الله الكعب والاكسسوارات هذيل كلهم زهبيهم

قرقت عليج وايد بس حبيت افيدج بكل شي الله يوفقج ان شاء الله ويتمم عليج ويهنيج

 

[7andoosa]

رفع رفع رفع

 

[latefah]

رد : حفلة الملجة بليز ساعدووني !!!

هلا حبيبتي
الله يسعدج و يسهل دربج و يتمم عليج فرحتج يا رب
حبيبتي الابيض و الاوفوايت حق العرس
الملجه يكوون اخضر او فستقي انا خالتي نفنوفها طالبته من فرنسا مال ملجتها و واايد حلووو اذا تبيين تشوفينا و تاخذين فكره راسليني عالخاص
تقبلي مروري

 

[أم علي الرفاعي]

عندي نفنوف ملجة وايد وحلو
ولونه أخضر

اذا حبيتي تشوفينه
راسليني ...

^_^

 

[D@LoOoL]

البنات ماقصروا بالردود






موووووووفقه حبيبتي

 

[سـلام العـشق]

تسلمووون بنااات على المساااعدة

احنا المتعارف عندنا بالملجه نلبس نفنوف ابيض او اوف وايت ناعم ما يكون فخم وايد مثل نفنوف العرس وبدون طرحه

بمر اشووواف الاماكن اللي قلتوا لي عليها وان شاء الله احصل واي الكوشه ابيها ناعمه لان الحفله راح تكون عائليه بس ويرانا

وان شاء الله راح اخذ بوفيه الموفبينك اليوم وحده من اهلنا امدحته لي وايد وعنده تشكيله حلوة

 

[نيو سيدنى]

حبيبتى عندى كوش ناعمة تصلح للبيت
بالتوفيق

 

[nfoolaq8]

رد: رد : حفلة الملجة بليز ساعدووني !!!

يعطيج العافية خيتي لطيفة latefah.. بس ممكن ترسليلي صورة نفنوف خالتج .. ابي اشوفه الصراحة ملجتي قربت وقاعدة ادور وابي فناتك اذا تعرفين حق يوم كتب الكتاب و يوم الحفلة... يعطيييييييييج العافية