حفله عرسج عطيتي بطايق لشخص واحد ؟

[خانتني-دموعي]

قوه بنات
انا مستغربه العروس الحين هابين بسالفه بطاقه وحده
مادري من وجه نظري احس عيب
هل الشي عادي و انا مبالغه فيه؟
ولا صج عيب تعطين ناس بطاقه وحده ؟ احس جنه عازمتها مجامله ؟؟


اترك امايك لكم

 

[Gourges]

ماسويتها لان محد ايي بروحه

 

[غلا 89]

انا مرة جفت فكرة حلوة
للي يبون يطرشون بطاقة وحده بس
يحطون معاها مثلا 5 بطايق صغار حق الدخول ... عشان مستحيل الواحد بيي بروحههه

 

[خانتني-دموعي]

رد : حفله عرسج عطيتي بطايق لشخص واحد ؟

مشكورين بنات
جورجس انتي تقولين جذي و انا نفسج بصراحه بس انصدم في ناس تعطي و الناس تروح و قالولي انتي وايد حساسه
السالفه مو سالفت حساسيه السالفه سالفت مبدء

غلا اي اهيا يصير وحده كبيره و الباجي صغار بس انا قصدي بطاقه وحده بسسسس



ابي اعرف شرايكم بالسالفه؟

 

[ام شووووق]

رد : حفله عرسج عطيتي بطايق لشخص واحد ؟

فشله بس وحده

 

[bal8es]

فشله وين قاعدين على الاقل وحده معاه بس وحده قويه

 

[موني^حبيبي]

رد : حفله عرسج عطيتي بطايق لشخص واحد ؟

لازم بطاقه كبيره و2 صغار عالاقل واذا نعرف عددهم نزيد

 

[ارفع راسك انت س]

صارت معنا انعزمت الوالده واا كنت متحمسه ارووح مع ان الناس كويسين معانا وانقهرت من جد ..عاد اعتذرو بعدين يان عدد كراسي الفندق قليل ومعازيمهم واجد .

 

[عاشقة_الجمال]

انا اللي اعرفه بطاقه كبيره وجم بطاقه صغيره على عددهم

بس مرات في ناس تطرش بطاقه وحده كبيره ويكتبوون عليها فلانه وكريماتها

واتوووقع هذا النظام كان مووووجوود قبل وللحين في ناس تتبع الشي هذا

 

[boliana_q8]

رد : حفله عرسج عطيتي بطايق لشخص واحد ؟

تخيلوا مرة وحدة تصير حق امي مسوية عرس بنتها بفندق ويايبة لها بطاقة وحدة ولا عبرتني
امي دقت عليها وقالت لها ابي بطاقة حق بنتي تقولها مافي واذا منتي يايه يبي البطاقة

 

[boliana_q8]

رد : حفله عرسج عطيتي بطايق لشخص واحد ؟

تخيلوا مرة وحدة تصير حق امي مسوية عرس بنتها بفندق ويايبة لها بطاقة وحدة ولا عبرتني
امي دقت عليها وقالت لها ابي بطاقة حق بنتي تقولها مافي واذا منتي يايه يبي البطاقة

 

[مرمر]

حبيبتي عادي

انا بعرس بنتي ناس وايد عطيتهم بطاقة وحدة احنا نسوي عروسنا بالفنادق واهلنا ماشاءالله وايدين يالله نلحق


يعني ما اعزمها احسن ولااسمي مقدرتها


ووايد اتييني بطاقات معاي وحدة من بناتي ولا بروحي مافيها شي

 

[Fe6aMi]

رد : حفله عرسج عطيتي بطايق لشخص واحد ؟

امبييييه صج فشله بطاقه وحده جنه مغصوبه تعزمها وااي لازم وحده يمي بقول حجوه بقول كلمه مااقدر ياربي الا االاعراس ​

 

[صخب السكون]

رد : حفله عرسج عطيتي بطايق لشخص واحد ؟

هذا الشئ يهون بالنسبه للي شفته من بطاقه جتنا مكتوب فيها ممنوع اصطحاب الكبار في السن انا الي اعرفه ممنوع صطحاب الخدم-الاطفال -الكاميرا- المغاتير بس هذي بصرااااحه قويه اذا هم الكبار بركه المكان والاساس مايروحون اجل ماله داعي روحتنا بكبرها..وش رايكم

 

[Queenleo]

رد : حفله عرسج عطيتي بطايق لشخص واحد ؟

والله هالحركه سخيفه وبايخه
وكفااايه رفيجه عمري عطتني بطاقه وحده تقووول العدد محدود ..طراااره مو عزيمه
يعني شسوووي اذا ماروووح اي مكان الا مع امي!!

 

[Miss Cherry]

ههههههههههههههههههه

صارت فيني

وحده اعرفها من ايام الثانوية يعني من زمان وعلاقتي فيها بعدها صارت مسجات وبس يعني مو رفيجه حيل كلوووس .. المهم ملجت وبلغتني بمسج ويوم قرب عرسها قالت لي لازم تجين ومن هالكلام يوم وصلت البطاقه ليما البيت ولا دعوة شخصية بس بطاقه وحده .. ماجيتها صراحه لانه صارت عندي ظروف مو عشان هالسالفه بس انا حسيت الحركة مو حلوة يعني مافي وحده بتجي بروحها