حقارة رجل ..

[بنوته مقهوره]

اخباركم كويتيات ..اشتقنا لكم

بنات الدنيا بلاوي وكل وحده تشوف بلوة غيرها تهون عليهاااا بلوتهاااا

وكل المصايب من الرجال طبعا

بنات انا بنت خلوقه محترمه مو مدحا في نفسي والله زوجي حاطته فوق راسي ..بيتي في المقام الاول عندي مو مقصره عليه ولاشي

اهو عنيد عصبي طول حياته متنرفو موعاجبه شيي يدخل بصراخ ويطلع بصرخ كل شي لااا ولاتناقشينه طبعا غصب عنك قولي ان شاء الله انا صابره وضاغطه على روحي واقول كل شي يتعدل

اخر مره تهاوشنا هوشه عاديه تخيلووو بنات شسو فيني بطحني عالارض وحط رجوله بوجهي وداس عليه قالي هدا مستواك اعلمج انتي وين مقامك

بنات كل شي اصبر عليه الا الاهانه

بعدها نهيت معاه كل شي خدت ولدي ورحت بيت اهلي

بنات انا ماقلت شي لكم بس ابي اعلمكم حقاره الرجال لصرتي طيبه ولينه معاه

بنات عاااااااااادي عندي الحين اطلق لانه انطرد من قلبي خلاص

 

[ام فواازي]

الله يرزقج باللي احسن منه ابغض الحلال عند الله الطلاق وانا ماانصح فيه وخاصه بوجود اطفال بس بحالتج لا والله افتكي منه وربي ولدج عدل عساه ذخر لج احسن من إن ابوه يربيه و يكبر ويشوفج تنذلين اذا وصل فيه يدوسج برجوله هذا مو رجال والله يعوضج يارب
بس بالاول استخيري ماتدرين وين مصلتج فيه ماخاب من استخار

 

[أم ريم]

حسبي الله عليه

 

[ماردك لي]

حسبي الله علييه النذل موحاس بالنعمه يلي عنده

كذا الرجال يلي تعطييه كل شي يدوسون عليها مايملى عيونهم غير التراب مالت علييهم

الله يعوضش يااااارب

 

[التائبه لخالقها]

ابتعدي عنه ولد واحد ولا خمسه او عشره
هذا يستمتع بالاهانه لزوجته

الا اذا شفتي منه ندم وتوبه

 

[ام كوثر2007]

تدرين شنو مشكلتنا ؟

انه لمن ريال مثل ريلج يسوي سواته هذى ويتوطا ابطنج ويحط ريله علي ويهج . والاسلوب الهمجي هذا ندخل ونقول لا تصيرون طيبين مع ازواجكم لانه لو صرتي طيبه هذى نهايتج .


لا يا عمري فكرتج غلط .. ما نقدر نحكم علي تصرف زوجج انه كل الازواج نفسه .

هذا حاله شاذه واحنا سمعنا منج انتي . تقولين طيبه وخلوقه وبنت ناس ومتقيه الله فيه وهذى سواته معاج .


حبيبتي انتي الحين لو تعطفين علي حيوان بيحبج ولمن يشوفج يركض عليج لانه يدري انج تعطفين عليه وتعطينه اكل وماي . فما بالج بني ادم .. يعني عمر الطيب ما يروح بلاش ..

ريلج هذا حاله شاذه يا انه انسان مو صاحي او اساسا ما يعرف يتعامل مع المرا . يا انه تربي في بيت سي السيد وشاف ابوه من عمر هذى معاملته مع امه . عشان جذى قاعد يسوي فيج كل هذا

انا ما اتلفظ واقولج تطلقي .. اذا كانت هذى اول مره يسويها فأن الله غفور رحيم .. يعني ربنا يغفر زلاتنا ومعاصينا وهو ابرك مني ومنج فما بالج بني ادم ما يغفر


هذى طبعا لو كانت اول مره . لكن لو كان هالشي دايم ومتكرر انه يسوي الحركه اللى سواها فيج .. فالزم ما علي الواحد راحته النفسيه خصوصا انه عندج يهال ما تبينهم يربون في بيت يشوفووون فيه امهم كل يوم سادحها الابو وطايح فيها دوس .

اما بالنسبه لعصبيته فهذا شي اشوفه عادي . الناس تنضغط من امور كثيره وتاثر علي نفسياتها وعمر ما كانت عصبيه الريال سبب كافي للطلاق .

عسى الله يسخره لج ويهديه .

 

[-فلانة-]

زوجج مو صاحي حبيبتي!!​

 

[شادن33]

الطق اذا ما وقفتيه من اول مره بعدين ماتقدرين عليه
العصبيه لها اسباب حبيبتي شوفي الاشياء اللي يعصب فيها تجنبيها
اتفاهمي معاه او خلي حد من اهلج يتفاهم معاه علشان لايعيدها والطلاق خليه اخر حل هذا واحد يبيله ريال يوقفه عند حده
خصوصا عندج ولدمنه الله يسر امورج

 

[sosowaty]

علمي اهلج عنه و اهما يتفاهمون معاه الله يهديه يارب

 

[نواره2011]

كل شي الا الطق و الاهانه
الله يعينج و يصبرج و يعوضج

 

[G!RLooNa]

كسر اللي يكسر ريوله انشالله جليل الحيا !!!!

 

[mira]

الله يعينك ياقلبي عليه ..)
باين عليييه مرررهـ عصصبي بس برضو ماله حق يسوي إللي سوآه
اتوقع الابتعاد عنه فتره افضل شيء ممكن لين يحس بقيمتك ويندم وان ماحس وندم وتأسسف بعد على حركاته خلآص إنهي اللي بينكم

 

[$$king moon$$]

كل شي الا الاهانه انتي انسانه وبشر
وماله حق يسوي جذي
ياويله من الله
بعدي عنه فتره ولاتكلمينه خليه يحس بقيمتج

 

[دلوعة صلوح]

لا حول ولا قوة الا بالله وحسبى الله ونعم الوكيل ..

الله يرزقج بلى احسن منة يارب العالمين.

 

[حلوةودلوعة زوجي]

حسبي الله عليه وياخذ حقج منه

 

[tbola]

حسبي الله ونعمه الوكيل

 

[Diana *]

عسى رجوله الكسر إن شالله !
رب يعوضج بإلي أحسن منه​

 

[لوفيه]

حركته قويه احتريت ليش هالمعامله

 

[عسلهم]

انا الصراحه مع ام كوثر بكل كلمه قالتها

 

["Om 3AzOoZ"]

عااااد ما توصل لي هالدرجه صراحه ما الووومج الله يعوضج خير حبيبتي هذا مو كفو نعمه.