حق كل زوجة موظفة اتمنى الكل يدش عندي استفسار بسيط

[زووزوو الكويتية]

بنات انا زوجي معاشة نصة قروض ما يبقى من معاشة الا 250

250 هذي حق طلعاتنا حق ملابسة حق سيارتة

المهم انا الحين موظفة ويبيني اشيل ماجلة البيت ومعاش الخدامة
وصارلي يومين متهاوشة وياة عشان ما يبي يجيبلي خدامة عشان المعاش منو يدفعة

انا قتلة انا راح اشيل ماجلة البيت كلها 60 دينار مقدور عليها

بس ما ادري عن الخدامة شسوي وياة احقرة ولا اساعدة

انا خايفة اساعدة وبعدين يتعود على جذي

بنات انتو شنو تسون بمعاشكم تساعدون ازواجكم ولا لا

 

[ام الدرر]

ياعمري اذا معاشج قوي وماعندج التزامات شهريه اساسيه(قرض -استقطاع)
مافيها شي تساعدين زوجج ماجلة البيت 60 ومعاش الخدامه 50 ولا 60 يعني 110 دنانير بالشهر
ماراح تضر ياعمري الحياة مشاركة وانتي اللي بترتاحين
فكري لو بيدفع للخدامة وبيشتري الماجلة ماراح يبقى من معاشه شي
يعني لا تفكرين بطلعه ولا وناسه
واذا على سالفة يتعود انتي قولي مؤقت لحد ما يخلص القرض​

 

[ماي عيني(s)]

هلا يالغاليه
انا ودي انصحج وانتي كيفج
الصراحه لازم يكون في تعاون بينكم اذا اهو زين معاج ويستاهل لازم تساعدينه
واذا انتو بينكم مشاكل دايما فانصحج حتى ربع لاتساعدينه
عن تجربه

 

[روحي زوجي]

اذا معاشج يساعد ساعدي الحياة تعاون بس اذا اهو من النوع اللي مايقدرج لو تطعينه ماي عيونج تفاهمي معاه بالنصيفه يعني مو كل شي عليج

 

[زووزوو الكويتية]

لا يا بنات هو زين معاي

انا الحين ماعندي قرض بس باخذ قرض

وانا معاشي مو قوي

 

[خبيرة اعشاب]

و الله اذا يحصل لج تشترين راحتج بفلوس لا تناقشين و اتعبين نفسج
و اذا ما جبتي خدامة هو امكانياته ما تسمح انه يجيبها فانتي الي بتتعبين

كل الحريم الحين الي موظفة اتساعد زوجها يا تدفع معاش خدامة او تشتري لعيالها ...
و في الي شايلة البيت كله من ماجلة و معاشات خدم و عيال ..الخ لا و ابشرج و تعطيه بعد

 

[كويتيه مذهله 87]

ساعدييييييييييه

 

[حروف من ذهب*]

انا انصحج تجيبين خدامه وتدفعين لها كل شهر معاشها من راتبج بس

اما ماجله البيت خليه عليه

 

[Malak]

انا انصحج تجيبين خدامه وتدفعين لها كل شهر معاشها من راتبج بس

اما ماجله البيت خليه عليه

رايي من رايها


الماجلة شي متغير مع الوققت ولا تخلينها عليج لانه بيتعود

لكن الخدامة اول وتالي هي عشان خدمتج وراحتج انتي بالاول قبله هو .. فخلي معاشها عليج

واذا كنتي انتي توج متوظفة فمعناها انه كان مسؤول عنج قبل الوظيفة بكل شي من ماجلة ومصروف والبيت والطلعات

فدام انج توظفتي شيلي عنه معاش الخدامة .. ومشترياتج الشخصية من لبس وعطور ومكياج

لكن الاساسيات خليها عليه لانه هو رجال البيت

...

اما عن الحريم اللي تدفع معاشات الخدم وتشتري لعيالها وتشتري ماجلة البيت .. فانا اقول شحقه بعد متزوجة .. والا السالفة كشخة اسم متزوجة ؟؟


المساعدة حلوة .. لكن بحدود ماتقلب الرجال مرة والمرة رجال


تمنياتي لج بحياة سعيدة

 

[ديانا سبنسر]

ساعدييييييييييييه مافيها شي الحياة الزوجية تعاون ومشاركة وفيها وهو مومقصر بس معاشه مومستحمل ساعديه ولاتخسرينه

 

[.،:"$الـعـوبــــة$":،.]

لحوووووووووول يابنات !!
يعني انتوا ماعندكم حل وسط !!
اما اللي تعطيه بطاقتها وتصرف عليه !! او اللي ماتبي تساعده وهو فعلا ماعنده !!
شوفي ياقلبي ، اذا زوجك مو مقصر معاك وطيب ويستاهل والله ساعديه مافيها شي !
بس لاتعطينه الخيط والمخيط يعني كل شي بحدود !! لأن الرجال مهما كان ما ينعطى وجه !
وموفقة ياقلبي ،​

 

[a7la MUM]

اذا زوجك مو مقصر معاك وطيب ويستاهل والله ساعديه مافيها شي !
معاها

 

[! بــدويه وآآيــد !]

،



حبيبتي انا اقول دآم اهوآ الريآل خليه اهوآ يصرف يآربي ريآل على شنو اذا مآصرف !!

الرجآل اذا يبون يطلعون فلوس يطلعووون من تحت الأرض ~

بس اذا اهوآ مو مقصــر معــآج شيلي معآش الخدآآمه وقولي له انت عليك المآجله دآم انهآ 60 بس ادفعهآ


والله يسسخره لج

 

[! بــدويه وآآيــد !]

،



حبيبتي انا اقول دآم اهوآ الريآل خليه اهوآ يصرف يآربي ريآل على شنو اذا مآصرف !!

الرجآل اذا يبون يطلعون فلوس يطلعووون من تحت الأرض ~

بس اذا اهوآ مو مقصــر معــآج شيلي معآش الخدآآمه وقولي له انت عليك المآجله دآم انهآ 60 بس ادفعهآ


والله يسسخره لج

 

[روحي ابوي]

ساعدية ياقلبي .. بس بالمعقول .. ماعلية اذا شلتي الخدامه ..والماجلة علية ..والله يسخركم حق بعض

 

[kunooz]

ساعديه يا قلبي

 

[بقلبي مجلسك]

ليش ماتساعدينه اذا هو زين معاج بعدين الخدامه لج انتي وانتي فكري اذا كان عنده بيجيب الخدامة اذا كان نعم يعني هو مومقصر

 

["اسطورة العشق"]

ماجلة البيت اليوم 60 وبعد جم يوم 100 بعد ما تكبر العايله 250 و بعدين مصروف لعيال و بعدين تكتبين بالمنتدى تعبانه و متضايقه و ما يصرف و مدلع عمره و هاملني و الا لا سمح الله تزوج علي ..


انا مع الي قالوو ممكن تدفعين حق الخدامه بس ماجلته البيت لااااااا و الف لا
لان هذا من ابسط التزامات رب اسره .. لا يمصخها و لا تعودينه

 

[..البندري..]

اذا زوجج يستاهل معاش الخدامة خليه عليج لانه شي ثابت

بس لايتمادى عاد باجر كل شي عليج بعض الرياجيل ماينعطون وجه

 

[سمردحه]

القروض على شنو اذا على اشياء تستاهل يعني ماخذه حق عرسه او حق سياره او حق بيت اويساعد اهله لشي ضروري اوكي اساعد زوجي وافهمه ان مؤقت لين يخلص القرض الي عليه اما ماخده مسافر فيه ومفسس فلوسه موحاسب انه وراه زوجه او بيت لامايستاهل
ويدل انه مايبي شيل مسؤوليه