حكاية جدتي الله يرحمها ~~اخذوا العبرة

[غيث الحيا]

السلام عليكم
حبيت انقل لكم قصص من جدتي وسع الله في قبرها كانت تقولي القصص وانا بالمتوسط والحين انا متزوجة وعندي ثلاث عيال الله يسلمهم
شوفوا اثر القصة وشلون ترسخ في الذهن وقولوا لبناتكم من هذي القصص لانها توصيل غير مباشر ينفعهم
القصة:
كان يمكان في قديم الزمان
كانت سلحفاة متزوجة من ضب وتزوج عليها خنفسانة ويوم من الايام تعب الضب وماقدر يعبر النهر للجهة الثانية وكانت السلحفااة الخدومه شالت الضب على كبره بظهرها تسحبه والزوجة الثانية الخنفسانه طبعا الغلا لها ~~~~~فوق ظهر الضب
وبعدين مروا بموجة قويه وبعدين كانوا بيطيحون الا ان السلحفاة مسكت نفسها وعدت الموجة على خير~~~
وقال الحبيب الضب :يسال الغاليه الزوجة الثانيه الخنفسا:: ها عساج بخير ؟
وردت: الحمد لله
وغارت السلحفاة~ِ~ وقالت بكل عصبية::: وشايلت الحملين؟؟ ـتقصد نفسها انها شايله الضب وفوقه الخنفساه ~~~~تذكره بطيبها
قال الضب: من المعنين ـيعني اهيا متعبه نفسا معنيه عمرها
وعقب كل هذا ازعلت السلحفاة وقلبت الضب وغرق اهو وزوجته وعدت النهر بسلام


شنو استفدتوا؟؟؟؟؟؟؟

 

[! بــدويه وآآيــد !]

،

الله يرحمها ويغمد روحها الجنه والله للحيني احب القصص خصوصا الي على حيوانات او ايام قبل صج صج على قولتج ترسخ بالمخ

هالقصه حلوه لول بس مادري شنو استفدت اني قولي المغزى شنو ؟

 

[Gatwa DaloO3a]

حلووه ، اندمجت لوول ،،

قولي شنو المغزى ،، مابي اعطي نفسي مجال اني اتكلم لاني بتفلسف هههههه :d

 

[Gatwa DaloO3a]

الله يرحم جدتك ويغفرلها يارب

 

[G!RLooNa]

يعني اللي ريلها يتزوج عليها مو كفو انها تظل تباريه وتدور رضاه .. تطقه بالطوفه و تسحب عليه سيفووون محترم و تخليه يولي و تعيش حياتها بسعاده بدونه

 

[المرتاحة]

الله يرحمها و الله قصص اليدات حلوه و تسلي و فيها عبر

امممم المغزي عاد انا بفسر الموضوع حسب فهمي

ان الوحده لا تخدم علشان تنال رضا اللي خادمته لانه ممكن يشوف خدمتها ولا شي.. يعني اللي بيخدم خل تكون خدمته لوجه الله علشان ما يحتر و ينقهر من ردت فعل الناس

ثانيا انا فهمت ان الريال ما يهمه اشكثر مرته تخدمه و تقوم فيه وتشب اصابعها له شموع اذا كان ما يحبها

مادري انا هذا اللي استشفيته من القصه

وبيني و بينكم ترى محد يستاهل بالدنيا انج تذبحين عمرج علشانهم غير امج و ابوج واخوانج وخواتج هذا حسب تجربتي يمكن في ناس تخالفني

 

[شذى الحب]

اي عدل معاها الله يرحمها

 

[Om_Ksha]

ههههههه احب ردووودج قيرلوونا

 

[المستغفرة 74]

الله يرحم جدتج
والله خوش قصة
والمغزي واضح وفعلا صحيح
الغلا اكيد للجديدة واما القديمة مهما تسوي فحظها طايح عنده
بس زين سوت السلحفاء اعجبتني

 

[دانة الدنيا1]

انه لو بسوي الخير ما انطر كلمة شكر يعني سو خير وقطه بحر .. الله يرحمها ويرحم موتانا يارب بحق هالجمعه الفضيله

 

[الملكة فيكتوريا]

غيث ابي المعنى ..؟

والله يرحمها ويرحم جميع المسلمين والمسلمات

 

[قلوس وردي]

الله يرحمها ان شاء الله
اتوقع قصدها ان الريال ما يبي اللي تشيله وتقوم
فيه لَا يبي اللي هو يشيلها ويركض فيها
هههههههه هذا اللي فهمته

 

[lamoshty]

قصه حلووة ,,


الله يرحم جدتك ..

 

[الحياة جوهره]

الله يرحمها وصاجه جدتج لا تشيل ريلج فوق ظهرج يحط مراه فوقج وهي ماتسواج ومهما سويتى مايبن بالعينه ولا تخلين عمرج خدامه لا انتى زوجه ولج حقوق

 

[aloooya]

الله يرحمها

 

[Vous jamais]

الله يرحمها و يغفر لها

القصة فيها حكمة و عبرة

 

[بقــآيآ جـروح]

الله يرحمهآآآآآ ويوسع قبرهآآ
المعنى لاتحطين الريآآل فوق رآآسج وتنسين انج آدميه
لا عزي نفسج يعزج وله بيدور وحده بمستوآآه لا انه يشوف نفسه
فوق ​

وهي تحت

 

[ابتسامه فورايفر]

ها شنو معنى؟ الله يرحمها ويخمد روحها جنة ويرجم جميع

 

[noor el q8]

القصه اتينن و فعلا لها معنى كبير

بس عن نفسي للاسف انا ما اتعلم من القصص ولا من اغلاطي و داااااااااااااايم حاطه ريلي و رضاه فوق راسي

و فوق هذا صابره عليه و على سواته بس كلي امل بالله سبحانه و تعالى ان الله يهديه و يتغير و يخاف الله فيني

 

[غـرامـي أنـت]

الله يرحمهاااااااااا