حلقه رجل الاطفاء ابي منبه

[لباس التقوىk]

السلام
بنات ابي منبه حلو وافكار للدرس لانه الموجهه بتدخل علي
تكفوووووووووون ساعدوني

 

[ArEEj]

مع انى مستوى اول بس بقولج افكارى
المنبه حطي صوت بكاء ولد ويقول ساعدونى ساعدونى
واسئلى الاطفال اشفيه هالولد لماذا يطلب المساعده ؟
خليهم يفكرون الى تعبوا قولى لهم بقولكم قصه هالولد اللى يبجى
وطلعى مجسم بيت ومجسم ولد وامه
وقولى لهم ان هذا الولد يعيش فى هذا المنزل مع والدته وفى يوم من الايام
دخلت والدته لترتاح قليلا في غرفتها ذهب الولد الى المطبخ واحضر اعواد الثقاب واخذ يلعب فيها ثم فجأة اشتعلت النار بالمطبخ وضعى شعلة نار والصقيها فوق مجسم البيت وحطى الصوت مره ثانيه وهو يصارخ وسألى الاطفال هذا السلوك الصحيح لماذا ؟
طيب ما ننصح الولد الان ليفعل ؟ الاتصال بالمطافى ... رقم 777
احضري التلفون من ركن البيت واتصلى امام الاطفال
ثم صوت المطافي وصورة اطفائي او اذا عندج ولد لبسيه لبس مطافي
ومن وفرها لنا المطافي ؟ دولتنا الكويت

هذا اللى عندى اللحين ان شاء الله يعجبج ​

 

[لباس التقوىk]

حلوه والله
مشكوره ماقصرتي هم ابي حركات للتغذيه الراجعه
وافكارجديده تجذب الموجهه

 

[لوميه]

دقايق واحط لج درس حلووو ​

 

[لباس التقوىk]

لوميه مشكوره يا قلبي مراح انسى فضلج

 

[لوميه]

حبوبة

اول شي تجهزين لبس مطافي / سياره مطافي / مطفاهحريق اذا عندج صغيره مالت السياره ... او لعبه موجوده بمحلات بيع الالعاب مع الكاب ...

جهزي فيلم اذا عندج تلفزيون /// او قصه مكبره ///

مسجل صوت سياره المطافي ....

نبدي المنبه : الوان الاصابع احمر ، اخضر ، اسود مع كراس رسم او ورق كرتون ابيض .... تطلبين من الاطفال الذهاب لركن الفنيه وانتي معاهم طبعا ...

الله المعلمة وضعت لنا اشياء جميله ماهي ؟؟؟ اللون الاخضر .. يشبه ؟؟؟
منو يرسم لي ؟؟؟ عشب ...
اللون الاسود .... يشبه ؟؟؟؟ اطار سياره تايرات .... منو يرسم لي ؟؟؟

اللون الاحمر ؟؟؟؟؟ قبل ما يرسم الطفل الشكل اللي يبيه فتحي العلبه و حطي ايدج و سوي نفسج مخترعه امبيه اشفيها ايدي ؟؟؟ كانه دم ؟؟؟؟
بيقولن لج لا هذا الوان .... بعدين قولي اي صح .... استعباط طبعا ...

ساليهم عن الاشياء اللي لونها احمر ؟؟؟ اذا ماعرفووو حاولي تقربين لهم بوضع صوت ... قولي لهم المعلمة اتصلت على 777 لانها خافت من الدم اللي طلع الوان تعتقدون منو يرد علينا ....؟؟؟ اسعاف ، شرطه ،،، مطافي

اما اذا توصلوا ان سياره المطافي حمرااااا تشرحين شكلها ومحتوياتها اذا عندج لعبه
كملي الدرس
باعمال رجل الاطفاء
تمثيل الاطفال .... كانه يايين يطفون ركن المطبخ ... عندكم بالصف وخلي واحد يلبس ملابس اطفاء ... وتذكرين لهم ادوات رجل الاطفاء ...

ووسائل الامن والسلامه بالمنزل ...

الاتصال على 777

واحترام رجل الاطفاء ....

مسابقات ... تصنيف ادوات المطافي ... من خلال طوقين يحطون ادوات المطافي بالطوق وسوي صورتين لرجل المطافي ... على ستاند ... لا تنسين تحطين عناصر مخالفه مثل ... ادوات مزارع ادوات طبيب ...

طلعي بره الصف روحي صوب المطفاه اللي بالروضه ... بطلي الباب وناقشيهم دولتنا الكويت وضعت هالطفايات بالمدارس والروضات حرصاعلى سلامتنا

التغذيه الراجعه قصه مكبره ... وزعيها باركان الفصل خلي اربع اطفال يدورون المناظر ... حطي عليها اشكال بلون الاحمر : مربع / مثلث / مستطيل / دائره ....
وعرضيها وخل يالاطفال يعبرون عن الصور واخر شي منو المقصود بالقصه . ؟؟؟ رجل الاطفاء ....
وهو عمل شريف .... مثل باقي الاعمال ذكري الايه ​

 

[لباس التقوىk]

وايد حلو الشرح يا مال العافيه

 

[زلابيا]

ماشاءالله لوميه حلوووو درسج يعطيج العافيه

انا ادرس اولى بس بساعدج بمنبهين حق المطافي


اول منبه ...

بطل ماي وبعدين غلفيه بقص ولزق احمر وسألأيهم يشبه شنو؟؟ اذا ماعرفوا سويلهم هوز من القصدير لما يقولونلج مطفأة حريق ..

المنبه الثاني ...

رسمي لهم سلم >>> طبعا بالتدريج رسمي

لما يتوصلون ان سلم . سأليهم وين نشوفه .. اذا ما عرفوا سهليلهم الاجابه لما يتوصولون سلم سيارة الاطفاء

 

[:: عائشه بقلبي ::]

قمه يمال العافيه يا كويتيات

 

[لباس التقوىk]

زلابيا مشكوره على الفزعه