حلمتي حلم وتفسر عقب فتره؟ تعالي علمينا

[الكرملين]

قوة بنات

هالموضوع قريته بمنتدى ثاني وعجبني ونقلته لكم_03BA:

وموضوعنا واضح هل حصل انج حلمتي حلم وتحقق او تفسر

ياليت تشرفون وتكتبون:ada:

وانا راح اكتب تجاربي مع الاحلام اللي تحققت

 

[عاشقه رويشد]

اي انا مره حلمت انه تكرمون رايحه محل جواتي عزكم الله ولابسه جوتي ومحتاره اي واحد اشتري

وعقب اسبوعين تقدم لي واحد

ومره حلمت انه ضرسي طاح وتوفت يدتي

 

[ملفتة للنظر]

اي يمكن بس نااااااااااااسية والله


بس قبل اسبوع داقة علي رفيجتي تقولي نونو ترى انا حلمانة فيج حلم حلو..وانشالله بتجيبين لي يا خبر وظيفتج او خبر زواج...




ومر الاسبوع وبشروني انهم قبلوني بالوزارة..وامس داومت

وبعد شوي بروح الدوام...وحايشني ارق مادري شفيني لووووووول




لي تذكرت حلم لي اقولج





ثانكس ياقلبي

 

[آلسحرآلحلال]

يوووو واااااااااااااااااااااايد عدي واغطلي

واخر حلم حلمتة قبل يومين وتفسيرة زواج .. ولاتشوفيني الابتسامة شاقة حلجي ... كل هذا وانا لا اطلع ولا اروح مادري وين بيشوفني

ههههههههههههههههههههههههه


وباجي احلامي يبيلهااا قعدة ( لي عودة للموضوع )

 

[مسك أبيض]

حلمت اني وزوجي نايمين في الصاله وفجأة لقيت نور خفيف من الغرفه الثانية اللي هي غرفة الاولاد وطلع من الغرفه طير اخضر وقام يدور على راسي وراااح وقمت مفزوعه وكان اذان الفجر وفي نفسس الشهر حملت واستمر 3 شهور ونزل والكل قال لي انه صار طير في الجنه ...

مره حلمت اني شفت حرمه اصلا صار لي تقريبا سنتين مو شايفتها وماسلمت عليها وقالت لي سلمي علي وبعدها بيوم شفتها ...

الله يعطيك العافيه

 

[11 ادبي]

اممم اي بعض المرااات

بس ما اتذكر

بس الحين كل يومين احلم مثل الحلم ينعااد انه اسناني تطيح

ويدي الله يطول بعمره عمليته يوم السبت الياي الله يستر

انشالله مافي الا الخير

بس الحلم وراي وراي صارلي تقريبا 5 شهور او 6 شهور كل سبوع احلمه مرتين او 3

 

[H.Heavn]

والله اشكثرررررررر احلم احلام معانيها وااااااايد حلوة وغالبيتها زواج بس لي الحين ماصار شي وناطرة

وحلمت من ثلاث اشهر حلم وااااااااااااايد حلو بس سامحوني مااقدر اقول لان الوالدة محلفتني وتحقق بنفس اليوم معناة الحلم انه ابوي راح يتشافى وفعلا لمن قمت من النوم ورحنا الطبيب قال لنا ابوكم خف المرض اللي فيه وتشافى الحمدلله رب العالمين عسى الله يحفظ لي ابوي ويحفظه من شر انه يرجع المرض يااااااارب

 

[Spoildish]

مرة حلمت انه ريال معوق لاحقني يبي يلمني جان ادزه واطيحه على الارض و يموت! وحده معاي بالدواام قالتلي انتي فيج ولد وراح تسوين شي يطيحه ثاني يوم رحت راجعت الطبيب جان يقولي الياهل في تشوه و بعد اسبوع وانا نازله السلالم جان يطيح الياهل :0bee2e8d89:

 

[الكرملين]

يارب يجعل احلامكم كلها حلوة وتتحقق امنياتكم

انا كنت حامل بولدي وحلمت ان بنات عمي ثنتين ياكلون معاي من صحن واحد

انا فسرته ان بنات عمي اكيد حوامل وفيهم صبيان

وفعلن طلع صج رغم انهم ماعلموا عن حملهم

 

[الكرملين]

ومره حلمت اني اسلم عالشيخ صباح هالحلم من عشر سنين ثاني يوم داومت بشروني بترقية

 

[A7la-SmiLe]

قبل لااتزوج كان في واحد متقدم لي بس حجي على اساس نسأل عنه وجذي ,,
حلمت ان عندي دبله وكان نصهاا اسود جنه فيهااا سوس
الحلم امفسر نفسه وقلت حق امي ماااابيه و ماصار نصيب !!


ومن كنت حااامل حلمت اني رايحه مراجعه ومسكت ورقة السونار وشفت بنت صايره على صوب ومنزله راسهاا والخلفيه سوووده والدكتور يقولي ميته ,,
بالشهر السادس رحت اسوي سونار والا يقولي ميته ,, الله كــريم ​

​

 

[علولي]

وااااااااااااي على الاحلام احيان تصير افلام
بس الحلم الي ماراح عن بالي لهذا اليوم وصار
حلمت ان سني بيطيح ونزل دم كثير بس ما طاح
وفعلا بعدها بفترة قصيرة مرض ابوي مرض ودخل المستشفى كانة ميت
بس الحمد الله قام بالسلامة الله يطول بعمرة لنا

 

[« لـ / غيـرگ »]

يااااكثر ماتصيرلي


حلمت مره انه اسناني تطيح وكنا مسافرين اول مارجعنا اخوي توفى

ومره حلمت انه امي حامل ويايبه ولد اسمه خالد وبعدها فتره حللت طلعت حامل وسمته خلودي

ومره تحلمت انه بنت عمي قاصه شعرها بوي واهيا عندها الشعر شي مقدس وشعرها طووووويييييل وتموت عليه مستحيل تفرط فيه بعدهآ بجم يوم فاجآتنا بشعرها كان بووي

وآن شاءالله كل احلامناآ خير~

 

[مـعـجـبـة]

آخر شي أتذكره ، حلمت بواحد معانا بالدوام ..

انا مو كلوز وياه ولا تكلمت ولا خذت وعطيت معاه ، لأنه توه ناقل فرعنا ..

المهم حلمانة إنه يراويني بطاقته المدنية وإنه مواليد 2002 ويشتغل بالبنك من 2006 !!

انا طقتني البووهة بالحلم شلوووون جذي ، يعني أصغر مني .. لاااا ويشتغل من 2006 @@@

عاد يوم ثاني شفته بالدوام قلت له الحلم ، وإني كنت مستغربة شلوووون اهو اصغر مني ..

وإلا طلع صج الأخ أصغر مني ، بس مب مواليد 2002 لاااا أصغر مني بسنة هههههههههه

وصج يشتغل بالبنك من سنة 2006 .. بس ما صدقني إني حلمانة جذي يقولي وااايد تشلخين :eh_s(14):

مااااااااالت ، الشرهة علي آنا قايلة له :eh_s(14)::eh_s(14):

 

[وهج الحب]

السلام:
انا طوال حياتي احلامي تصدق ..
1- حلمت بغزو الكويت ..بأن شفت صحراء كبيرة وفيها مثل البحيرة الكبيرة .. وطيرات كويتية تطيح بهذه البركة ...وكنا ناس من دول الخليج تركض حق الكويتين اللي يطلعون من الطيرات ويسبحون ..وكانوا ما يجون صوبنا يسبحون بعيد ويرحون صوب اجانب والاجانب يطالعونهم فترة قبل ان يطلعونهم واحنا نصرخ عليهم طلعوهم طلعوهم ,,وبعدين قلت للي بجنبي ايش فيهم الكويتين نحاول ننقذهم وما يعطونا يدهم ...
وقمت الصبح الا يقولون الكويت غزوها ..2-وقبل زواجي شهر واكثر احلم بزوجي هذا الذي تزوجته ..انه يدخل غرفتي وينام على سريري وانا مستنكرة هذا الامر ..ومرة اخرى احلم اني راكبة على اسد وهو يركض بي وانا سعيدة !!وفجأة تحول هو على شكل زوجي ..
ومرة اخرى حلمت انه دخل غرفتي وبعدها خرج للحمام وفجأة شاهدت حصان يتبرز بجانب الكبت وانا انحرجت ان يدخل فلان " زوجي " ويشاهد براز الحصان وكنت اخذ البراز واضعة بالكبت ..
وبهد شهر من احلامي هذا تقدم لي زوجي ...
3- اخر حلم من احلامي الكثير اللي ما تخلص ..حلمت بأني اقول لاختي ان فلان ( زوج اخت زوجي ) نايم بالمستشفى وبه انفلونزا الخنازير ...وطلع بعد اسبوع انه نام بالمستشفى وبه نفس المرض ..
وقبلها كنت حلمت ان شخص اعرفة واسمة على اسم زوجي توفى وصرت بحالة نفسية تعبانة لان قلت ان الشخص الاخر طلع بأسمة يعني بقى بعيد الشر زوجي ..الا توفى ( زوج اخت زوجي ) وهو ترا يحمل نفس الاسم ..بس ما خطر على بالي ابد ..
وبس ترا حلومي ما تخلص ابدا ..

 

[زينة الشرق]

أجل أجل في أحلام تحققت

مشكورة ع الموضوع

 

[الكرملين]

انا مره باجازة الصيف حلمت بوحده معاي بالدوام كانت كبيره بالسن مومتزوجه حلمت فيها انها ملجت

ولما داومت اول يوم بالمدرسه قالت لي انها ملجت بالصيف ...... سبحان الله

 

[مراهقه.q8]

انا اغلب احلامي بالحشرات والصراصير

الان ما احب الحشرات وفيني عقده منهم وفيني فوبيا

بس مادري شنو معناه

 

[vogue grl]

خووش موضوع اي صدف انه في حلم تحقق بس مااقدر اقول
مشكوره على موضوع الحلو حبوبه

 

[وردة الهوى]

أنا مره تحملت ان مركز الفيصليه صار فيها انفجار وانقسمت قسمين وعلى طول اشوف العمال يعمرونها من جديد وكنت انا معهم

وصحيت ولقيت خبر وفاة الملك فهد (الله يرحمه )