حلمتي حلم وتفسيره انج بتحملين وحملتي عيل دشي شاركينا حلمج ..

[عطر الدوحه]

حلمتي حلم وتفسيره انج بتحملين وحملتي عيل دشي شاركينا حلمج ..

طبعا موضوعي منقول من منتدانا ومن منتدى ثاني



الموضوع باين من عنوانه

ططبعا كان في موضوع بهالقسم مدري قسم نساء وولاده المهم دورته برفعه مالقيته

المهم

كل وحده تقول حلمها الي حلمته وسبحان ربي حملت بعده

والي حلمت حلم بشرها بحمل وماحملت هم تقووووله خلونا نتفاءل


:ggdw: :ggdw: :ggdw: :ggdw: :ggdw:


والرسول عليه الصلاة والسلام في حديثه قال

( لَمْ يَبْقَ مِنْ النُّبُوَّة إِلَّا الْمُبَشِّرَات قالوا وما المبشرات قال الرؤيا الصالحة ) ‏




انا راح اشاركم

حلمت فيني اختي ان معاي بنوته صغيره بعمرها بالاشهر .. وتفسيره ذريه صالحه

والوالده ربي يحفظها حلمت ان بنت جتها تركض وقالت ترا عطر الدوحه حامل

:eh_s(2): والله كريم :eh_s(2):

 

[tbola]

ان شاء الله يارب تحمليييييييييييييييييييين وربي يرزق كل محرومه

 

[dreeams]

السلام عليكم
انا حلمت قبل سبع او ثمان شهور بحلم
وفسرته عند شيخ معروف وقالي حمل ان شاء الله وقالي شي ثاني معه
وسبحان الله الشي الثاني صار والحمل الى الان ماصار
الله يكتب الي فيه خير

 

[Dodo80]

شكرا عالموضوع الحلووو

انا لما كنت حامل امي احلمت اني طايحه من فوق العماره وكانت امي اتصرخ فسبحان الله اجهضت وربي الرازق

 

[ابدا يالغالي مانساك]

تسلمين علي هالموضوع
اختي حلمت
باختي الثانيه انها متزوجه غير زوجها وانها متبيه
عاد سبحان الله
طلعت حامل
ومرة حماااااي
حلمت ان خواتها يلبسونها ثو ب العرس وبيزفونها
علي واحد غير زوجها عاد هي تبجي تقول ابي زوجي
انا متزوجه
عاد طلعت حاااااااامل

لاحملت لووووووووووووول بقولج احلامي
وتفسيرها خخخخخخخخخخ

 

[lovemyself]

الله يرزقنا واياج يارب
انا ما حملت بس مرة من المرات للى كنت مسوية فيها طفل الانبوب حلمت بحلم نسيته بس قاللى شيخ ان هذى تباشير بتييلج اوكى حلو عقبها من رحت انام وشفت كابوس ان زهيوى يطير على ويطلع منى دم ؟ بنفس اليوم حللت تحلليل حمل حق طلع لى خطين قمت ابجى من الونااااااااسه صرت مهوووسة دقيت على اهلى وعلمتهم وما بقى احد ما دق على يبارك عقب شوى جان اشوف دم واركض على دكتورى جان يقول العملية فشلت قلت ليش انا طلع لى خطين جان يقول لا هذى من نتيجة الابر والهرمونات مع انى كان مر على 14 يوم من وقت ارجاع الاجنه
الله كريم والله قلبى عورنى لما تذكرت هالسالفه :eh_s(11):

 

[om-s3oodi]

آنا حلمت مرتين ببلابل ..

فسرته عند 3 .. كلهم قالوا .. حمل .. أما توأم أو بطنين ورى بعض .. والله العالم بإيكون ولد صالح ..

وهذي آنا ليلحين ما حملت *_^

 

[الزيـــــ^^ـــــن]

ياكثر أحلامي وياكثر اللي يحلمون فيني راح اسدحلج احلامي

هذا الحلم تو ماصارله شهر أمي حلمت فيني أني شاريه غرفه نوم حلوه حيييل...؟

حلمت وحده من قرايبنا أني انا مشتريه لي كفر جديد...؟

حلمت أني مشتريه نعال تكرمون جديد

حلمت اختي انه قاعد يسوولي سونار داخلي ولا الدكتوره تقول مبروك حامل ...؟

وكثييير بس نسيت الباقي

يارب تتحقق الأحلام واحمل 

 

[LeeMa q8]

يآكثر آحلامي آحلام اهلي .!

لدرجه تحلمت ان حماي يتحرش فيني وقالو حامل بتجيبين ولد .!

وهذي آنا جدامكم مافي شي ولله الحمد ..

 

[حلمي الأمومة]

والله ما ادري ماركزت باحلامي

 

[أغلى حلم]

بنات احيانا تفسير حلم الحمل يتاخر ..لاني حلمت مرة ان في شخص ما اعرفه عطاني قلمين و ايامها كنت توني بادية بعمليات الانابيب وفسر لي الحلم مفسر احلام معروف و قال راح تيبين توأم ..بس بعد هالحلم انا سويت 3 مرات انابيب و ماحلمت وقلت الظاهر ان التفسير ماله علاقة بالحمل و بعد 3 سنين و بالمحاولة الرابعة حملت والله رزقني بتوأم الله يحقظهم يارب و يرزقكم من اوسع ابوابة...وبعد مرة زوجي حلم ان رفيجة معطية سلة ربيان وهم فسروه بالحمل و بعدها بجم شهر كنت حامل بالتوأم .

 

[mona777]

سلام
انا جهضت مرتان وعملت كذا مره طفل انبوب لم ينجح
حلمت ان ام زوجى المتوفاه تسئلنى شنو بتسمين اعيالج حددت لها ثلاث اسامى لاولاد
وما قلت لها عن اسامى بنات لانى كنت خجلانه منها بلحلم كونا متفقين معاها على اسم وبنغيره لاسم اخر ان جبت بنت
علما انى ماكنت حامل بلحلم​

 

[شموسة كيوت]

انا مرة حلمت امكن قبل اربع او ثلاث شهور

اني حامل وبطنتي اشكبرها وكنت جالسة في بيت اهلي والا فجاءة بالحلم ولدت وولدي فديتة جالس يحبي هههههههه مستعجل

بس انه دبدوب وكانه بالحلم عمرة سنة او 11شهر

وبيتنا<<بيت اهلي زحمة مرة من الناس واغلبهم اعرفهم

وصحيت من النوم وانقهرت قلت ياوناسة ياليتني باقي احلم والله كنت احس بشعور بطير في السماء من الفرحة مع انة ولدي ماخلة مكان في البيت الا راح له يحبوو او الناس حاملتة <<وااي اتذكر شكله

ويومني صحيت مافي لا ولد ولاهم يحزنون وجلست كم يوم ونزلت الدورة

 

[عطر الدوحه]

الله يرزقكم جميعاااااا

وصحيح الاحلام ربما ماتتحقق الا بعد فتره سيدنا يوسف عليه السلام لما حلم وكان عمره سبع سنوات لم يتحقق الحلم الا بعد اربعين سنه

 

[صلو على رسول الله]

انا حلمت باختي ان انا وياها كنا في معرض نتسوق وهي جافت اقلام الفضة اللي يكتبون عليها اسامي و خذت واحد و انا اطاع و اقول ياسلام خاطري فيه

و ما شا الله اختي جابت ولد مثل القمر و انا اطالعة و اشمه و اقول يارب ارزقني

 

[مواصله]

الله يرزقكم ويفرح قلبكم ياااااااااااارب

انا قبل مااحلل حلمت اني انحاش من واحد وامر بالطين وفسرته لنفسي حمل(وخلقنا الانسان من سلالة من طين)

بعدها حلمت انه في شقتي طيوور وعصافير واني لابسه حجل ذهب وحلمت بأرانب وخيول وخاتم ياااكثر احلامي

 

[@الليدي لين@]

لووول عاد انا وايد احلم يمكن لاني افكر بالبيبي


واايد مرات احلم فبيبي وتكون بنتي واشوف ويها بالحلم

و مره حلمت بولد يشابه ريلي لوووووول حتى نفس حواجبه خخخخخ



ومره حلمت انه ريلي متزوج علي وكنت ميييته قهر وقعدت من النوم وانا لب الحين مقهووووره حسبالي صجج يالله استووعب بعد فتره وانا قاعده عالفراش انه حلم



ومره حلمت احد يجامعني بس موريلي استحي اقول منو :$ وووع صجج الحلم هذا لوع جبدي


واخر مره حلمت انه يتلي الدوره بغزاااره

واخر ثلاث احلام يقولون معناتها حمل بس لي الحين ما حملت الله يرزقنيييي يااارب ويرزق كل بنت تبي الحمل

 

[أم راشد المطيري]

بنات انا حلمت انة حماتي حامل وجابت ولد وهي توها والدة وعندها ولد

وانا الحين قاعدة اتعالج عشان الحمل

بشروني شنو تفسير الحلم

 

[سيكولوجية]

بييي واايد

قبل شهرين حلمت ان احد معطيني خاتم هديه
وقالوا الخاتم حمل

وقبل شهر حلمت انيي داشه جمعيه وشفت ربيان كبير واشتهيته حيل وخذيته شريته

وقالولي الربيان توأم صبيان

و 3 بنات معاي بالدوام بشهر واحد حلموا فيني احلام تفسيرهم حمل


الحمدالله للحين ماكو شي بس متفائله حيل :eh_s(7):​

 

[BeNt PaRiS]

حلمت اني لابسه ساعة يد

و الحلم الثاني ان عندي طيور لونها اسود و اثنين منهم قعدو يفرخون


و الله اعلم