حلمت بعقارب سود

[حرم راشد الماجد]

بسم الله الرحمن الرحيم



السلام عليكم ورحمة الله وبركاته



ادري مكان الموضوع غلط بس لان مادري وين المفروض احطه


انا اليوم حلمت بعقارب 2 سود على فراشي واحد من العقارب صعد على ايدي ونفظته واثنينهم راحو بس ما لدغوني


اللي تعرف تفسره بلييز تطمني

 

[iLLuMinaTion]

Uppppppp

 

[روحي زوجي]

رد : حلمت بعقارب سود

.













المعروف انه اعداء والحمدلله نفضتيهم

غدا الشر ان شاء الله


<<< لج وحشه واسئل الله

ينصرج على كل من ظلمج او لازال يظلمج

ـــــــــــــــــــــــــــــــــــــــــــــ

اهتمي بنفسج وقت الدوره مع افضل عصيده <<< بالصور

http://www.q8yat.net/showthread.php?t=754155


.

 

[**المزيونه **]

العقارب الله يكفيج شرهم اعداء والله اعلم
امي دايم تحلم فيهم

 

[أميرة طفولتي]

رد : حلمت بعقارب سود

الله يكافيج شرهم انشالله
دايما الحلم بالعقارب او الزهيويه وهالسوالف كلها اعداء
حصني نفسج حبيبتي وطلعي صدقه دفعة بلا عنج وعن بيتج
وانشالله ماكو الا الاعافيه

 

[MISS-_-FLOWER]

رد : حلمت بعقارب سود

ماعرف افسر احلام بس العقرب معروووف مو زين

 

[شوكلاطه]

رد : حلمت بعقارب سود

مو زين تخلين اي احد يفسر لج حلمج دقي ع مفسر متخصص


وان شالله خيير

 

[فاقده ابوهاااا]

رد : حلمت بعقارب سود

شر واعداء كافينا الشر وانا بعد مره حلمت قالولي هذي وحده امسويتلج سحر

 

[sharshora80]

رد : حلمت بعقارب سود

حرووووووووووووووووم شخبارج
حبي ان شاء الله خير ودام قلتي على عموم ما راح يصير ان شاء الله

 

[travel_addicted]

رد : حلمت بعقارب سود

حبيبتي اذا حلمتي حلم مو زين لا تحاولين تفسرينه لانه الرسول صلى الله عليه و سلم قال : ( إذا رأى أحدكم ما يكره فلينفث عن يساره ثلاثاً، ويتعوذ بالله من الشيطان ومن شر ما رآه ثلاث مرات، ثم ينقلب على جنبه الآخر فإنها لا تضره ولا يخبر بها أحد) .
و ان شاء الله ماكو الا العافية لا تشغلين بالج في الموضوع
انا مره حلمت حلم كلش مو زين و قمت و فسرته و هم التفسير طلع مو زين ضاق خلقي و انقمت و قمت ابجي و عقب تعوذت من ابليس و الحمدالله لي الحين ما صار شي من الحلم معنه صارله فتره وايد طويلة يعني مو شرط كل حلم معناته شي

 

[~ الــــزيــــن ~]

انتي يا الغاليه ذكرتيني بحلمي
مره حلمت ان انا رايحه عند هذول الحمامات السوريات اللي يسبحون المعاريس بس ماكنت عروس المهم وحده منهم قامت تنظف الشسمه شسمه
المهم طلعت منه عقرب وحطته بكلينكس وقالت هذا طلع منج وفي واحد ثاني بعد لحظة بطلعه جان اقعد من النوم والله قمت احاتي مادري شتفسيره حييييييييييييل خرعني العقرب المهم دقيت على مفسر قال امراءه عدوه او عين اقري على نفسج والله صدمني كلام الشيخ ..


بس صج لاتحاتين دامج نفضتيه ان شاء الله شر وغداء منج <<< ترا غداء يعني راح مو غداء صج وعشاء وعيش ودجاج ههههههههههههههههه

 

[om norha]

حبيبتي العقرب عدو والعياذ بالله بس الحمدالله ان ما لدغج عموما حطي بالج من اليي حواليج يمكن في ناس قاعدة تحاول تسبب لج مشاكل في حياتج الله يبعد عنج المشاكل والحساد يااااااااااارب.

 

[قطووه حلووه]

رد : حلمت بعقارب سود

اذاا مالدغووج معنااته ماضروووج

 

[لوولووة]

حبيبيتي العقارب اعداء قريبيم منج بس ان شاء الله انتي تطردينهم من حياتج والله ينصرج على اعداءج يارب ولج وحشة حرم راشد الماجد

 

[جذابه بنت ذيابه]

رد : حلمت بعقارب سود

مشتاقين لج ..


وغدا شرج ان شا الله دام نفظتيهم

 

[فتافيت الكويت]

الحيه بالحلم حرمه بس العقرب رجال
والله اعلم

 

[قمر الكويتية]

رد : حلمت بعقارب سود

حبيبتي حلم مو زين

والمفروض الحلم إلي موزين ماتقولينه لأحد ،، وتسوين وصية الرسول صلى الله عليه وسلم وهي النفث جهة اليسار 3 مرات والتعوذ بالله من

شر الحلم ومن شر الشيطان

و الحلم يكون من الشيطان ،، فيفترض حبوبة ما تقولينها لأحد

الله يوفقك ويبعد عنك كل شر

 

[( المـلاك )]

رد : حلمت بعقارب سود

اللي اعرفه انه العقارب اعداء
والعقرب عدو خبيث